Unga Ísland - 01.01.1944, Blaðsíða 32
ur í búð, talaði við frænda minn og
sagðist vilja fá vörurnar gefins, en
frændi minn kastaði honum út.
Það er undarlegur maður, sem held-
ur, að hann fái vörur gefins, þó að
hann sé fátækur.
Erling '\£aldimarsson.
Barnafímí f úfvarpínu
Það var eitt sinn í sumar, er ég var
að hlusta á barnatíma í útvarpinu,
að mér þótti hann skrítinn. Maðurinn,
sem talaði, sagði frá því, að útlend-
ingur einn úr landi, sem ég man ekki
hvert var, hefði haldið því fram við
sig, að íslendingar væru Eskimóar, þéir
þekktu ekki sápu og þvæðu sér úr
lýsi. Hann sagði þessum manni, að hér
væru engir Eskimóar og að íslending-
ar ættu nóga sápu.
Emil.
Palladómur
Erling heitir maður, skörulega vax-
inn, líkur Gretti Ásmundssyni í allri
framkomu. Hann er sterkur eins og
risi og stór eins og skessa. Hann er með
húfu í hnakkanum, sem líkist skott-
húfu. Hann er fríður sýnum. — Þegar
hann var í sveitinni, var hann látinn
ná í hesta, en hann var svo sterkur,
að hann var hækkaður í tigninni og
gerður að fjósamokara..
I sumar lá hann veikur á spítala og
fóru kraftarnir að linast, en þegar
hann kom af spítalanum fór hann
strax upp í sveit og á bæinn, þar sem
hann fékk heiðurinn forðum, sem áð-
ur er getið. Þar naut hann sólarinnar
og varð eins sterkur og áður. Við
Erling erum beztu vinir og ég bið hann
að verða ekki vondan við mig, þó að
hann komist að því, hver hefur skrif-
að þetta. Höf?
Daglegf líf hjá mér
Eg fer í skólann á hverjum degi,
nema á sunnudögum. Eg fer klukkan
8—9. Mér þykir gaman að læra um
heima og geima. Á daginn kl. 3 fer
ég að selja Vísi; ég tek alltaf 100
blöð og sel þau. Þegar ég er búinn, læt
ég mömmu hafa sölulaunin. Á kvöldin,
þegar ég er búinn að selja, fer ég í
Sundhöllina. Þegar ég kem úr höllinni
fer ég að læra til klukkan tíu að ganga
ellefu. Á sunnudögum fer ég að kaupa
mjólkina fyrir mömmu. Þegar ég er
búinn að því, fer ég að kaupa mér,
miða í bíó. Þegar ég kem úr bíóinu
fer ég að læra undir mánudaginn.
Sverrir.
Ferðalaff
í hittifyrra vetur var ég í skóla í
sveif. Skólinn var í Ungmennafélags-
húsinu. Það var alltaf gaman í skól-
anum, því að við máttum bæði leika
okkur úti og inni. Um vorið, þegar
skólinn var búinn en svolítð fyrir próf-
ið, fór kennarinn, sem heitir Unnur
Benediktsdóttir, með okkur krakkana
í ferðalag austur í Vík í Mýrdal. Það
var ákaflega gott veður um morguninn,
þegar við lögðum af stað.
Við fórum kl. 8 um morguninn og
keyrðum fram hjá Skógafossi, og aust-
ur yfir Skógasand yfir Jökulsárbrú á
Sólheimasandi og austur yfir Sól-
heimasand, komum við í Dyrhólaey
og skoðuðum vitann. Okkur leizt ágæt-
lega á vitann. Við fundum eitt eða
fleiri æðarkolluhreiður. Þá var veðrið
ágætt, en þegar við komum austur
í Vík var farið að rigna. Við komum
í rigningu heim um 6-leytið um
kvöldið.
Sig. Steinsson.
22
I
UNGA ÍSLAND