Árbók VFÍ - 01.06.1993, Blaðsíða 154

152 ÁrbókVFÍ 1992/93
námaleyfis frá 1986 framlengdur til ársloka 2010 og félaginu er heimilt að nema kísilgúr úr
Ytri-flóa Mývatns innan ákveðinna marka. Með þessu námaleyfi var óvissunni um framtíð
Kísiliðjunnar eytt a.ni.k. fram til ársins 2010.
6.3.3 Steinullarverksmiðjan
Áframhaldandi samdráttur í byggingariðnaði bæði hérlendis og í nágrannalöndunum setti
mark sitt á rekstur Steinullarverksmiðjunnar á árinu 1992.
Alls voru á árinu 1992 framleidd í verksmiðjunni 5.075 tonn og nam söluverðmæti um 262
m.kr., sem er nánasl það sama og árið áður. Utflutningur jókst úr 2.119 tonnum árið 1991 í
2.388 tonn árið 1992, en á innanlandsmarkaði dróst salan saman og var alls 2.675 tonn. Sala á
innanlandsmarkaði hefur minnkað um 710 tonn eða um 21% frá árinu 1990. Þess ber þó að
geta að þá var lokið við framleiðslu einangrunar á Nesjavallaæð. Samdráttur á steinullarsölu á
almennum byggingarmarkaði á þessum tíma er því um 10%.
Þrátt fyrir aukningu í útflutningi var staðan á flestum mörkuðum mjög erfið. Hrun hefur
orðið í Færeyjum og áframhaldandi samdráttur hel'ur orðið á öðrum mörkuðum. Verðsam-
keppni hefur aukist, bæði vegna umframafkastagetu framleiðenda og eins hins að einstakir
gjaldmiðlar hafa hrunið í verðgildi og hagur framleiðenda í þeim löndum vænkast að sama
skapi. Þá veiktist staða breska pundsins mjög á árinu og lækkaði það u.þ.b. 10% gagnvart
íslenskri krónu en tveir þriðju hlutar útflutningsins fóru á Bretland.
Markaðsstarf fyrirtækisins innanlands beindist sem fyrr að því að bæta gæðaímynd markað-
arins, bæði með þróun nýrra og betri vörutegunda svo sem „þakullar“, sem nýlega var kynnt,
og með sífelldum áróðri fyrir bættum frágangi og aukinni einangrun.
I því skyni að skjóta styrkari stoðum undir útflutning fyrirtækisins hefur undanfarin misseri
verið unnið að því að afla afurðum þess tilskyldrar gæðavottunar í Þýskalandi. í lok ársins var
gerður samningur við þarlenda rannsóknarstofnun, sem mun hafa eftirlit með gæðakerfum
verksmiðjunnar. Vörutegundir hafa verið prófaðar og hlotið þá vottun sem nauðsynleg er til
sölu í Þýskalandi.
6.3.4 Áburðarverksmiðja ríkisins
Verulegur samdráttur varð í sölu á tilbúnum áburði á árinu 1992 borið saman við árið 1991 eða
um I 1%. Alls hefur sala á áburði
dregist saman um 26% frá því sem
hún var árið 1984, en þá má segja
að samdráttarskeið í sölu áburðar
hafi hafist hér á landi.
Á þessum árum hefur selt magn
áburðar minnkað úr tæplega 70.000
tonnum í um 51.500 tonn á ári.
Alls voru framleidd 50.018 tonn
af tilbúnum áburði á 213 dögum.
Árleg framleiðslugeta verksmiðj-
unnar er um 70.000 tonn af tilbún-
um áburði. Vegna samdráttarí sölu
á áburði er nýting afkastagetunnar
Mynd 18 Áburður-framleiðsla, innflutningur og sala. nú aðeins um 70%. Hjá Áburðar-
1.000 tonn