Árbók VFÍ/TFÍ - 01.06.1995, Side 9

Formálar
Ávarp formanns VFÍ
Arbók Verkfræðingafélags íslands kemur nú út í sjöunda sinn og nú með nýju sniði þar sem
Árbók Tæknifræðingafélagsins er bætt við og ritið gefið út sem sameiginleg árbók beggja
félaganna. Er þess vænst að þessi nýbreytni leiði til meiri hagkvæmni í útgáfumálum félag-
anna og skili sér einnig í breiðari umfjöllun um tæknileg málefni. Nýr ritstjóri Guðmundur G.
Þórarinsson, verkfræðingur og fyrrverandi formaður VFÍ, hefur verið ráðinn til þess að rit-
stýra árbókinni. Guðmundur býr yfir mikilli þekkingu á starfsemi beggja félaganna sem
kemur að góðum notum við þetta verkefni. Er Guðmundur boðinn velkominn til starfa og er
ég þess fullviss að hann muni leysa þetta verkefni vel af hendi eins og önnur sem hann hefur
unnið á lífsleiðinni. Jafnframt þakka ég fráfarandi ritstjóra, Birgi Jónssyni, fyrir hans mikla,
ötula og farsæla starf við ritstjórn árbókarinnar allt frá því að hún hóf göngu sína.
Á starfsárinu 1994/1995 lagði stjórn VFÍ megin áherslu á ljölmarga þætti sem heyra til
framfaramála í þágu félagsins og tæknimanna á íslandi. Er starfseminni gerð ítarleg skil í
skýrslu formanns og framkvæmdastjórnar sem lögð var fram á aðalfundi í mars s.l. og birt er
hér í árbókinni. Ég mun því ekki rekja þá sögu nánar og vísa til skýrslunnar um það efni. Mig
langar þó að fara nokkrum frekari orðum um þá þætti í starfseminni sem ástæða er til að
leggja sérstaka áherslu á.
Vil ég fyrst nefna að félagið okkar hefur nú rétt úr kútnum íjárhagslega en fram undir
þetta hefur barátta við ijármálin sett nokkurn svip á starfsemina. Félagið á nú sinn hlut í
húseigninni að Engjateigi 9 næstum skuldlausan og svigrúm er að skapast til þess að taka
aukinn húsakost undir félgsstarfsemina og bæta þannig enn þjónustuna. Þá hefur rekstrar-
kostnaður skrifstofu lækkað verulega, einkum vegna þess að skrifstofuhald okkar og
tæknifræðinga hefur verið sameinað með mikilli hagræðingu fyrir báða aðila. Samstarf þetta
hefur gengið einstaklega vel og hefur stuðlað að síaukinni samvinnu félaganna á mörgum
öðrum sviðum. Má þar sérstaklega nefna sameiginlega aðild að ráðstefnum og kynningar-
fundum af ýmsu tagi og þá síðast en ekki síst samstarf um að koma skipulagi menntunar
verkfræðinga og tæknifræðinga í nýtt horf og að því er unnið af miklum krafti.
Þá má geta þess að nýtt verkfræðingatal er í smíðum og mun væntanlega koma út á fyrri
hluta ársins 1996. Þetta mikla verk verður nú veglegra en áður m.a. vegna þess að komið