Árbók VFÍ/TFÍ - 01.06.1995, Page 52

50 Árbók VFÍ/TFÍ 1994/95
tengslum við risaverkefni og vinnur nú að skýrslu um málið fyrir nefndina.
í lok febrúar er væntanlegur til íslands Raimo Luoma fyrrum framkvæmdastjóri finnsku
ígildisviðskiptanefndarinnar og mun hann kynna reynslu Finna á fundi með félagsmönnum
VFI, Iðnaðar- og Viðskiptaráðuneytinu, Ríkiskaupum, Samtökum iðnaðarins, borgarstjóra
Reykjavíkur og fleiri aðilum. Er það von nefndarinnar að í kjölfar þessara aðgerða muni
frekara frumkvæði í málinu verða á vegum stjórnvalda.
15.5.2 Samstarf við Útflutningsráð Islands.
Nefndin fékk Útflutningsráð íslands til liðs við að skipuleggja námskeið um markaðsfræði
fyrir verkfræðinga og kynnti málið fyrir félagsmönnum í september s.l. Ekki fékkst
stuðningur frá Iðnlánasjóði til þess að halda sérstakt námskeið fyrir verkfræðinga þar sem
verkfræðistofur hafa ekki fengið að greiða Iðnlánasjóðsgjald og því ekki haft aðgang að
sjóðnum. En félagsmönnum var gefinn kostur á þátttöku í almennu námskeiði Útflutn-
ingsráðs er nefnist „Útflutningsaukning og hagvöxtur“. Ein verkfræðistofa, VGK, tekur nú
þátt í þessu námskeiði.
15.5.3 Nýsköpun í skattamálum.
Nefndin hefur unnið að tillögum til nýsköpunar í skattamálum til að efla útflutningsstarfsemi
verkfræðinga og fyrirtækja þannig að það sé hvetjandi fyrir einstaklinga og fyrirtæki að fjár-
festa í áhugaverðum en áhættusömum fyrirtækjum. Tillögurnar hafa fengið góðar undirtektir
m.a. af hálfu hagdeildar Seðlabanka íslands sem gaf umsögn um skýrsluna. Nefndin hefur
fengið endurskoðanda VFÍ, Kristinn Gestsson, til að vinna að tillögum að breytingum á skatta-
lögum til hagsbóta fyrir útflutningsstarfsemi verkfræðifyrirtækja, eins og lækkun trygg-
ingargjalds til samræmis við hugbúnaðarfyrirtæki.
15.5.4 Nýsköpunarsjóður.
Fjármögnunarmál útflutningsstarfsemi meðal verktaka- og verkfræðifyrirtækja hafa verið til
umfjöllunar á vegum nefndarinnar. Nú standa vonir til þess að við samruna Iðnlánasjóðs og
Iðnþróunarsjóðs verði stofnaður sérstakur nýsköpunarsjóður, þar sem þetta hagsmunamál
verkfræðinga gæti rúmast inni. Nefndin hefur því óskað eftir því við stjórnvöld að VFÍ fái að
taka þátt í undirbúningi að sjóðnum og reyna þar með að tryggja hagsmuni félagsmanna.
15.5.5 Útboð á vegum ESB/EES.
Síðastliðið haust hélt nefndin kynningarfund fyrir félagsmenn um möguleika íslendinga til
þátttöku í útboðsverkefnum á vegum ESB/EES. Fundurinn var haldinn í húsakynnum
Skýrsluvéla ríkisins, en SKÝRR hefur tengst tölvubanka ESB í Lúxemborg sem heldur utan
um öll útboð á vegum Evrópusambandsins. Ásgeir Jóhannesson, fyrrum forstjóri Ríkis-
innkaupa hafði framsögu um málið og kynnti þessi tækifæri.
15.5.6 Rannsóknarstyrkir á vcgum ESB/EES.
Nefndin hefúr kynnt sér sérstaklega tækifæri sem verkfræðingum bjóðast til að fá rannsóknar-
styrki sem veittir eru á vegum Evrópusambandsins. Nefndin fyrirhugar að kynna tækifæri
sem þarna bjóðast á sérstökum kynningarfundi á vegum félagsins. Nefndin telur ástæðu til að
vara við þeirri þróun, að styrkveitingar af þessu tagi virðast fara meira í stofnanageirann hér í
stað þess að fara inn á iðnaðarsviðið, þar sem framtíðarstörfin ættu fremur að verða til.