Árbók VFÍ/TFÍ - 01.06.1995, Blaðsíða 53

Skýrsla formanns VFÍ 51
15.5.7 Atvinnuniál.
Nefndin hefur rætt stefnu í atvinnumálum sem tengist útflutningsstarfsemi verkfræðinga á
fundum sínum. Til þess að samræma aðgerðir hefur nefndin fengið til fundar við sig fulltrúa
Alþýðusambands Islands og Samtaka iðnaðarins og fyrirhugar að vinna að gerð tillagna um
stefnumótun stjórnvalda í atvinnumálum. Niðurstöður þessarar umræðu verða kynntar fyrir
stjórn Verkfræðingafélagsins á næstu mánuðum.
15.5.8 Verkefnaútflutningur í tcngsluni við þróunarsamvinnu.
Nefndin hefúr rætt möguleika til aukins verkefnaútflutnings í samvinnu við þróunarsamvinnu-
stofnun Islands. Hún hefur fengið til fundar við sig framkvæmdastjóra Þróunarstofnunar
Islands til skrafs og ráðagerða. Einnig átti nefndin fund með Engilbert Guðmundssyni, að-
stoðarforstjóra Norræna þróunarsjóðsins, um það með hvaða hætti mætti efla verkefnaútflutn-
ing frá Islandi í tengslum við þróunaraðstoð. Unnið er að gerð tillagna um aukið samstarf við
ÞSSI á vegum nefndarinnar sem kynntar verða síðar. Ein af tillögunum er stofnun Sjávar-
útvegsskóla S.Þ. á íslandi.
15.5.9 Verkefnaútflutningur í samvinnu viö opinberar stofnanir.
Nefndin vinnur að tillögum um með hvaða hætti megi auka samstarf verkfræðinga, verk-
fræðistofa og verktaka við ýmsar stofnanir ríkisins til þess að efla verkefnaútflutning. Rætt
hefur verið við ýmsa opinbera aðila, ráðuneyti og stofnanir til þess að kanna grundvöll til
slíkrar samvinnu. Engar reglur eru til um samstarf af þessu tagi með formlegum hætti og í
sumum tilvikum koma lög og reglur beinlínis í veg fyrir slíkt samstarf. Vilji er til samstarfs
af hálfu flestra þeitTa aðila sem rætt var við en nauðsynlegt er að vinna frekar að málinu.
15.5.10 Upplýsingasafn til kynningar á útflutningsstarfi verkfræöinga.
Nefndin telur að nauðsynlegt sé að kynna útflutningsstarf verkfræðinga, verkfræðistofa og
verktaka betur en gert hefur verið hingað til. I þessu skyni væri hugsanlegt að gefa út á
vegum VFÍ upplýsingabækling er greini frá reynslu og hæfni einstakra félagsmanna og
fyrirtækja sem snýr að útflutningi tækniþekkingar. Enn fremur er æskilegt að útbúa upplýs-
ingar um verkfræðifyrirtæki sem skráðar verði á Intemet tölvuupplýsinganetinu.
Einnig er ástæða til að hafa samstarf við Úttlutningsráð vegna „Icelandic Export Direct-
ory“ á Internetinu. Nefndin fyrirhugar að gera formlegar tillögur að þessu innan skamms.
15.5.11 Fjárhagsáætlun Útfliitningsnefiidar 1995.
Nefndinni tókst að útvega styrki frá fyrirtækjum og opinberum aðilum vegna ýmissa verk-
efna á árinu. Tekjuafgangur af starfsemi nefndarinnar á árinu varð kr. 512.000. Nefndin hefur
talið æskilegt að hafa aðgang að rekstrarfé til ýmissa verkefna á vegum nefndarinnar og vill
beina því til félagsstjórnar að hlutast til um fjárhagsfyrirgreiðslu á þessu ári. Fylgir hér með
lausleg Ijárhagsáætlun lil viðmiðunar:
1. Sérstök aðkeypt verkefni (skattamál og fleira) kr. 175.000
2. Almenn aðstoð og gagnaöflun (Jónas G. Jónasson) kr. 375.000
3. Heimsóknir erlendra sérfræðinga kr. 150.000
Áætluö fjárþörf: kr. 700.000