Árbók VFÍ/TFÍ - 01.06.1998, Blaðsíða 115

Lífeyrissjóður verkfræðinga 113
Eins og áður hefur komið fram í skýrslum er greina frá starfsemi Morgan Stanley og þjón-
ustu fyrirtækisins við LVFÍ allt frá september 1995 er LVFÍ skráður eigandi allra þeirra verð-
bréfa, sem Morgan Stanley hefur haft milligöngu um kaup á. Skráning bréfanna fer fram hjá
viðurkenndum skráningaraðilum í viðskiptalandi hvers fyrirtækis og eru tölvuskráningar alls-
ráðandi, ekki eru gefin út bréf á pappír.
LVFÍ hefur hjá Morgan Stanley að mestu fjárfest í hlutabréfum (equities), en einnig í
skuldabréfum tengdum hlutabréfavirði viðkomandi fyrirtækis, svokölluðum breytanlegum
skuldabréfum (convertibles), sem við höfum leyft okkur að kalla veltibréf. Ekkert hefur
verið fjárfest í skuldabréfum (bonds).
Sjóðsstjóri yfir sjóði LVFI hjá Morgan Stanley er Sigurður Arngrímsson, en hann tók við
af Tómasi Kressner á liðnu ári. Samstarfsmaður Sigurðar er Mark Kary, en að auki starfa í
deild Sigurðar átta manns, sem stýra sjóðum nokkurra aðila.
Fjárfestingastefna LVFI sjóðsins er samkv. samningi flokkuð í næsthæsta flokk af sex,
hvað varðar öryggi, undir lýsingunni: „Long term growth/ income secondary“, sem oftast er
valin af langtímafjárfestum sbr. lífeyrissjóði.
Verklag við ávöxtun sjóðs LVFI er þannig að mikið er lagt upp úr rannsóknarstarfi starfs-
manna Morgan Stanley og á hverjum morgni er farið yfir helstu kosti í fjárfestingum, hvaða bréf
eigi að kaupa og hvað eigi að selja. Hver sjóðsstjóri velur síðan álitlega kosti miðað við dreif-
ingu þess safns, sem hann hefur til ráðstöfunar. Sett er „target price“ fyrír bréf í hverju fyrirtæki
fyrir sig, sem byggist á ítarlegum rannsóknum. Reglulega eru slík markmið endurskoðuð.
Stefnan hvað varðar sjóð LVFI hjá Morgan Stanley er að dreifa kaupum á mismunandi
landsvæði, gjaldeyrismarkaði og atvinnugreinar og er að jafnaði aldrei fjárfest meira en 3%
safnsins í einu og sama fyrirtækinu. Reglulega er sjóðsstjórinn í sambandi við eiganda bréf-
anna, í tilviki LVFI er sent yfirlit eigi sjaldnar en mánaðarlega og að jafnaði er framkvæmda-
stjóri LVFI í sambandi við Sigurð Arngrímsson u.þ.b. vikulega. LVFI getur með viku fyrir-
vara leyst til sín allan sjóðinn eða hluta hans í samráði við sjóðsstjóra.
Innra eftirlit Morgan Stanley er mjög virkt. Fylgst er með einstökum starfsmönnum og
einkafjármálum þeirra, m.a. hlutabréfakaupum þeirra sjálfra. Fylgst er með arðsemi ein-
stakra sjóða, sem eru í vörslu Morgan Stanley. Launakerfi starfsmanna ráðast að miklu leyti
við árangursmælingar m.t.t. þeirra sjóða sem þeir stjórna.
Við ráðningar starfsmanna er farið ítarlega yfir feril viðkomandi aðila og mikið er síðan
lagt upp úr starfsframa/starfsferli hvers einstaklings til að tryggja öryggi þeirra viðskipta
sem þeir hafa umsjón með.
A fundinum f mars sl. var farið yfir allt verðbréfasafn LVFÍ, rætt um hvert einstakt fyrir-
tæki sem fjárfest hafði verið í, ástæður þess og horfur. Greinilegt var af þeirri yfirferð að
veigamiklar rannsóknir og þekkingaröflun lá að baki þeim ákvörðunum sem teknar voru.
Hvað varðar áhættu m.t.t. einstakra fyrirtækja er rétt að geta þess að mesta eign í einstöku
fyrirtæki pr. 1. mars 1998 var um USD 500.000 eða jafngildi um 35 rnillj. króna, sem er mun
lægri fjárhæð en sem nemur markaðsvirði hlutabréfa í eigu LVFI í einstökum íslenskum
fyrirtækjum.
Spyrja mætti í hverju fælist áhættan í ávöxtun fjármuna með þeim hætti sem gert er hjá
Morgan Stanley. Að okkar mati felst hún í rangri stjórnun sem kæmi þá fram í lækkun ávöxt-
unar miðað við vísitölu sem portfolian er miðuð við. Það krefst árvekni að fylgjast vel með
þróun mála.