Árbók VFÍ/TFÍ - 01.06.1998, Blaðsíða 363

Ferging fyrir frystigeymslu á vogabakka 361
er lokið. Efninu var dælt á land við suðurenda
Vogabakka um 200 metrum sunnan við miðju
byggingarreitsins. Raunkostnaður við fergingu
ef efnisverð er ekki meðtalið verður því þessi:
Það er matsatriði að hve miklu leyti ferging
ætti að bera kostnað við brottflutning efnis ef
það er notað beint í aðra framkvæmd á svæðinu
eins og hér var um að ræða. í ljósi þessa er kostnaður við fergingu metinn á bilinu 270 til
370 kr/m3.
Til að ná settu marki þurfti farg að vera 5,0 til 5,4 metrar á þykkt og ná um 4 metra út
fyrir byggingarreitinn og halla þaðan með fláa um l: l.
Heildarmagn malar í fergingunni var um 28.000 m3 sem kosta því 7,5 til 10 milljónir
króna.
Kostnaður við byggingu húss og gólfplötu á staurum: Gert er ráð fyrir að hús og gólfplata
verði grunduð á steyptum staurum, 30 x 30 cm á kant. Staurarnir verði skeyttir með bergskó
sem hægt er að festa í klöpp. Dýpi á klöpp innan byggingarreitsins er 20 til 30 metrar og er
áætlað að leyfilegt álag verði um 100 tonn án öryggisstuðla. Lausleg áætlun bendir til þess að
hægt væri að hafa 5 metra á milli staura í báðar áttir. Alls þyrfti því um 165 staura (121+44)
fyrir báða áfanga en ekki þarf að ráðast í staurarekstur fyrir áfanga II (44 staurar) fyrr er bygg-
ing hans hefst. Olíklegt er að framleiðsla og rekstur staurs verði undir 300.000 kr. á staur.
Kostnaður við staurana er því um 37 milljónir króna í áfanga I og 13 milljónir í áfanga II og
er þá ótalinn viðbótarkostnaður við gólfplötuna sem verður að vera berandi á milli stauranna.
Niðurstaða samanburðar á kostnaði: Samanburðurinn sýndi að kostnaður við fergingu var
um 20% af kostnaði við byggingu á staurum. Samkvæmt því er ferging mun ódýrari aðferð
til að gera lóðina byggingarhæfa miðað við forsendur um sig innan byggingarreitsins.
4. Ferging
í fyrsta áfanga er ætlunin að byggja svæði sem er 51 x 48,1 metri að flatarmáli. Gert er ráð
fyrir að síðar verði hægt að stækka byggingarreitinn í vestur um 18 metra (18 x 48,1 m). í
ljósi aðstæðna þótti óráðlegt að fergja ekki seinni áfanga byggingarreitsins strax því ferging
hans síðar er ekki möguleg vegna áhrifa fargs frá áfanga II yfir á áfanga I. Eins og áður hefur
komið fram þurfti farg að vera 5 metrar á þykkt og ná um 4 metra út fyrir byggingarreitinn
og halla þaðan með iláa um 1:1.
Vinna við fergingu hófst 17. maí 1997 og var fargið orðið 4,5 metrar á þykkt 16. júní
sama ár. Þann 26. júní var farg komið í endanlega þykkt sem var 5,2 metrar. Vinna hófst við
að fjarlægja farg þann 19. ágúst og var því endanlega lokið þann 12. september 1997. Fylgst
var með sigi fargs frá því að fylling hófst og þar til nokkrum vikum eftir að farg var farið af
svæðinu. Farg var tekið af svæðinu þegar sigmælingar höfðu sýnt að vatnsþrýstingur vegna
fargsins hefði jafnast út.
Sigmælingar
Sigmerki voru sett í fyllinguna og sig mælt þar tii fargið var tekið af svæðinu þar sem sig-
platan er. Auk þessara merkja var mælt sig á siglingamerki sem lenti inni í fyllingunni og
Ámokstur 70 kr/m3
Akstur 100 kr/m3
Utjöfnun og völtun 50 kr/m3
Ámokstur og brott-
flutningur 150 kr/m3
Samtals 370 kr/m3