Árbók VFÍ/TFÍ - 01.06.1998, Blaðsíða 116

114 Félagsmál VFÍ/TFÍ
Eftir heimsókn þessa er rétt að arétta að fundur þessi jók á vitneskju LVFÍ og endurskoð-
anda lífeyrissjóðsins um öryggi þeirra fjármuna sem varðveittir eru hjá Morgan Stanley í
London.
Tryggingafræðileg úttekt
Tryggingafræðingur sjóðsins, Bjarni Guðmundsson, hefur nú gert tryggingafræðilega úttekt
á sjóðnum pr. 31. des. 1997. Ut úr þeirri athugun kemur að hagnaður hefur orðið á rekstri
sjóðsins á árinu 1997 og nemur sá hagnaður 261,7 milljónum króna. Þessi hagnaður er til
kominn vegna þess að raunávöxtun var hærri en reiknigrundvöllur gerir ráð fyrir, en einnig
vegna þess að skuldbindingar vegna örorkulífeyris og makalífeyris hafa verið lægri en gert
er ráð fyrir. Bjarni mun undir sérstökum lið hér á eftir gera grein fyrir þessari úttekt.
Bjarni leggur til að af þessum tryggingafræðilega hagnaði verði 205 milljónum króna
varið til hækkunar á lífeyrisréttindum sjóðfélaganna, en 56,7 milljónir lagðar í varasjóð og
komi þar til viðbótar þeim 110 milljónum sem eru í varasjóði frá í fyrra. Samkvæmt reglu-
gerð sjóðsins er það á valdi aðalfundar að samþykkja þessa tillögu eða ákveða að leggja
allan afganginn í varasjóð.
Rétl er að vekja athygli á því að úthlutun sem þessi hækkar lífeyrisrétt sjóðfélaganna
talsvert í ntörgum tilfellum.
Stefnumótun
Eftir umræður í stjórn sjóðsins ákvað hún á fundi sínum 11. nóvember sl. að fara úl í vinnu
við stefnumörkun. Ástæðan var sú að lífeyrissjóðurinn stendur á tímamótum. Nýir tímar eru
að ganga í garð með nýjum lögum um starfsemi lífeyrissjóða. Nýir tímar eru í ávöxtun fjár-
magns á erlendri grund, ný öld rennur senn upp o.fl. Verkefnisstjóri var ráðinn Jóhann
Magnússon rekstrarhagfræðingur en að verkefninu kæmi stjórn sjóðsins, starfsmenn, auk
tryggingafræðings, endurskoðanda og lögfræðings sjóðsins.
Þegar vinna átti að hefjast við verkefnið kom í ljós að Jóhann var svo hlaðinn störfum að
hann gat ekki sinnt verkefninu á þeim tíma sem áætlaður hafði verið. Ekki verður það látið
aftra því að verkið verði unnið og stefnt er að því að taka þráðinn aftur upp í haust.
Lífeyrissjóðurinn stendur að mörgu leyti á tímamótum um þessar mundir. Þessu ráða
ýmsar ytri aðstæður, auk fyrirsjáanlegra breytinga á innra starfi. Sem dæmi má nefna:
• Ný lög um lífeyrisjóði.
• Endurskoðun á reglugerð LVFÍ.
• Nýjungar í upplýsingatækni.
• Breytingar á fjárfestingastefnu (hlutabréf/skuldabréf/innlend/erlend).
• Aldurssamsetning sjóðfélaga.
• Tengsl við Verkfræðingafélag Islands.
• Opnari aðild að sjóðnum / aukinn fjöldi sjóðfélaga.
• Hugsanlegt afnám skylduaðildar að lífeyrissjóðnum.
• Aukin samkeppni á lífeyrismarkaði.
• Samvinna banka og tryggingafélaga.
• Lánastefna til sjóðfélaga / vextir af sjóðfélagalánum.
• Uppbætur til eldri sjóðfélaga.