Árbók VFÍ/TFÍ - 01.06.1998, Blaðsíða 288

286 Ritrýndar greinar
greina þau niður í kerfi sem innihalda eingöngu blöndu af raðtengingum og hliðtengingum er
hægt að reikna út aðgengileikann fyrir hvert undirkerfi fyrir sig. Aðgengileiki hvers kerfis er
síðan margfaldaður með líkunum á því að það kerfi eigi við og útkomur úr öllum undirkerfum
lagðar saman til að fá heildaraðgengileika kerfisins.
Kópavogur: Einfalda má kerfið þar sem um raðtengdar pípur er að ræða svo og hreinar
hliðtengingar, vandamálið er að fást við svokallaðar brúartengingar en eins og fram kemur á
myndinni eru til staðar fjórar brúartengingar eða þvertengingar, þær eru númer 3, 8, 11 og 12.
Kerfið er einfaldað þannig að þessar brúartengingar eru teknar með eða ekki, við það fást 16
undirkerfi. Aðgengileika þessara 16 undirkerfa er síðan hægt að reikna og eins er hægt að
reikna út líkurnar á að viðkomandi undirkerfi komi upp. Ut frá þessu má síðan reikna út
heildaraðgengileika kerfisins.
Grandi: Fyrir Granda lítur kerfið ögn flóknar út, því þar eru brúartengingar alls átta, sem
aftur leiðir af sér 256 undirkerfi í stað 16 fyrir Kópavog. Því er nauðsynlegt að grípa til ein-
faidana og kanna sérstaklega hvort ekki megi líta framhjá sumum af þessum tengingum.
Hermun
Með því að nota hermun er oft hægt að leysa vandamál á tiltölulega einfaldan hátt sem mjög
erfitt er að leysa með beinum aðferðum. Það kom í ljós í kaflanum á undan að aðferðir til að
reikna út aðgengileika fyrir jafnflókið kerfi og dreifikerfi Vatnsveitu Reykjavíkur eru frekar
frumstæðar og kosta mikla vinnu. Með hermun er auk þess hægt að fá betri mynd af hegðun
kerfisins. Þegar aðgengileikinn er reiknaður beint fæst aðeins einn mælikvarði, t.d. meðal-
tími vatnsleysis á ári. Ef meðaltíminn væri 60 sek/ári, þá gæti hvort tveggja átt við að á tíu
ára fresti væri vatnslaust í tíu mínútur eða á 720 ára fresti væri vatnslaust í tólf klst., en þessi
tvö tilfelli eru gerólík. Það er því mikilvægt að geta áttað sig á hve lengi í einu hvert vatns-
leysistilfellli stendur og það er vissulega hægt með herrnun á kerfinu. Helsta markmiðið með
hermuninni er að fá upplýsingar um hve oft og hve lengi í einu vatnieysistilfellin vara.
Núverandi kerfi var sett upp og hermt, en ekki var sett upp kerfi fyrir aðra valkosti. Út frá
hegðun núverandi kerfis og upplýsingum sem fást með sundurgreiningunni verður reynt að
meta hvernig hegðun hinna kerfanna er.
Til þess að gera hermunaraðferðina almenna, þ.e. hægt sé að beita sömu aðferð (sama
forriti) á mismunandi kerfi, er því kerfi sem til skoðunar er komið á ákveðið (fylkja)form þar
Mynd 3 Kassarit jyrir leiðir í Kópavog, sjá einnig mynd 1.