Neytendablaðið - 01.04.1983, Blaðsíða 22

A SIÐASTA
60 kærur vegna
auglýsinga
Neytendamáladeild Verðlags-
stofnunar sér um að veita aug-
lýsendum áminningu ef brotin
eru ákvæði laga sem á einhvern
hátt tala um auglýsingar.
Sigríður Haraldsdóttir deildar-
stjóri sagði að á síðasta ári
hefði deildin haft afskipti af 60
slíkum málum.
Athygli vekur þegar spurt er
um það hvernig þessi mál komu
á borð neytendamáladeildar-
innar að það voru oftast
atvinnurekendur sem kærðu. í
23 tilfellum. Neytendur kærðu
í 21, félagasamtök í 5, opinber-
ir aðilar í öðrum 5 og 6 mál voru
tekin upp að frumkvæði stofn-
unarinnar sjálfrar.
Nær helmingur málanna eða
29 voru vegna brota á sömu
lagagreininni. Pað er grein
Sigríður Haraldsdóttir
númer 27. í lögum um verðlag,
samkeppnishömlur og órétt-
mæta viðskiptahætti frá árinu
1978. í þeirri grein er lagt bann
við því að veita rangar, ófull-
nægjandi eða villandi upplýs-
ingar í auglýsingu.
Sigríður sagði áminningarn-
ar yfirleitt fá góðar viðtökur
hjá þeim sem þær fengju. Yfir-
leitt væri samið um málin án
þess að nein illindi yrðu. En
þverskallist auglýsandinn við
og neiti að hætta að birta aug-
lýsinguna getur Verðlagsstofn-
un lagt við henni bann og beitt
dagsektum.
Óhætt ætti að vera að hvetja
neytendur til þess að hafa sam-
band við Sigríði ef þeim finnast
auglýsingar rangar á einhvern
hátt. DS
AUGLÝSINGAR í NEYTENDABLAÐINU
Margir lesendur Neytendablaösíns hafa eflaust veitt því
eftirtekt, að frá og meö 1. tbl. síðasta árs var byrjað að
birta auglýsingar í blaðinu. Það hafði ekki verið gert fyrr
vegna aðildar samtakanna að Alþjóðasamtökum neyt-
enda, en aðildarfélögum er ekki heimilt að birta auglýs-
ingar í blöðum sínum.
Ástæða þessarar stefnubreytingar er augljós. Neyt-
endablaðið er sent til félagsmanna í samtökunum sem
nú eru 4000 alls. Neytendablöð sem gefin eru út í ná-
grannalöndunum hafa hins vegar margfalt fleiri áskrif-
endur og þar með allt annan fjárhag. Ef tryggja á nauð-
synlega útgáfutíðni Neytendablaðsins, þarf blaðið
auknar tekjur. Því ákvað stjórn Neytendasamtakanna
að auglýsingar sem hefðu sérstakt upplýsingagildi
gagnvart neytendum skyldu birtar í blaðinu. Jafnframt
skyldi þess vandlega gætt að þeir sem auglýstu í blað-
inu, væru ekki í samkeppni við aðra aðila með sölu á
þeirri þjónustu sem þaryrði auglýst. Einnig að leitað yrði
til launþegasamtaka um stuðning með sérstökum
styrktarlínum.
Ritnefnd Neytendablaðsins væntir þess að lesendur
sýni þessu máli skilning. Jafnframt munu Neytenda-
samtökin skýra sérstöðu samtakanna gagnvart
Alþjóðasamtökum neytenda ef þörf krefur, því ekki má
skilja þesa nýbreytni þannig að Neytendasamtökin
hyggist ganga úr Alþjóðasamtökunum.
20 - NEYTENDABLAÐID