Neytendablaðið - 01.04.1983, Blaðsíða 23

Stundum
ekki hægt
að fara eftir
reglunum
- rætt við Auði Óskarsdóttur
auglýsingastjóra sjónvarpsins
Auður Óskarsdóttir auglýsingastjóri
„Við reynum að framfylgja
þeim reglum sem okkur hafa
verið settar. En stundum er það
erfitt og oft er það hreinlega
ekki hægt,“ sagði Auður Ósk-
arsdóttir auglýsingastjóri Sjón-
varpsins.
í viðtali við Kristínu Þorkels-
dóttur formann Sambands ís-
lenskra auglýsingastofa hér í
blaðinu er rætt nokkuð um
sjónvarpsauglýsingar. Þar er
meðal annars rætt um nokkrar
sem þóttu slæmar. Nokkrar
innihéldu ofbeldi og ein var að
dómi Kristínar ósmekkleg þar
sem hún sýndi fæðingu barns á
fremur kuldalegan hátt. Því lék
mér hugur á að vita hvernig
sjónvarpið starfaði að því að
fara yfir auglýsingar og hvað
bannað og hvað leyft.
Þegar sjónvarpið tók til
starfa voru settar strangar regl-
ur um flutning auglýsinga í
þeim miðli. Þessar reglur eiga
aðallega að varna því að aug-
lýsingar séu skrumkenndar,
ósannar, brjóta í bága við
smekk og velsæmi eða vekja
ótta.
Eitt ákvæðið sem athygli
vekur er það að ekki megi flytja
fleiri en 52 auglýsingar á ári um
sömu vörutegund eða sama
vörumerki og aldrei fleiri en
tvær hvern dag.
„Þetta ákvæði stenst náttúr-
lega ekki, þegar þessar reglur
voru settar vissu menn ekkert
út í hvað þeir voru að fara.
Reglurnar eru sniðnar eftir
írskum reglum sem þóttu af-
skaplega góðar. En þar er allt
önnur framkvæmd. Þar eru
margir auglýsingatímar á dag
en allir stuttir. Dagskráin er
rofin vegna auglýsingar. Hér
höfum við aftur tvo aðaltíma og
þá langa. Dagskrá er aldrei rof-
in vegna auglýsinga. Því er ekki
raunhæft að láta írsku reglurn-
ar gilda hér og þyrfti að endur-
skoða þetta,“ sagði Auður.
Allt skoðað
- Hvað stoppið þið af auglýs-
ingum?
„Við reynum að láta ekkert
fara í gegn sem gæti brotið í
bága við reglurnar. Við
skoðum allar filmur sem við
fáum og það hefur komð fyrir
að við birtum þær ekki. En ti!
dæmis um jólin er þetta starf
mjög erfitt. Flóðið er gífurlegt
og auglýsingastofurnar skila oft
inn filmum allt of seint. Það
hefur komið fyrir að hætta
verður við að sýna filmuna á
fyrirfram pöntuðum tíma
vegna þess að hún barst ekki.
Oft erum við ekki einu sinni lát-
in vita. Við þessi þrjú sem hér
störfum erum allan liðlangan
daginn að skoða filmur og bíða
eftir filmum. í öllum þessum
hamagangi getur verið að
eitthvað sleppi í gegn sem á
ekki að gera það. Það hefur
komið fyrir að auglýsing var
stöðvuð eftir að búið var að
sýna hana. En stundum viljum
við heldur ekki fara út í það
vegna þess að það er oft ennþá
meiri auglýsing en að halda
áfram sýningum.“
- Auglýsing núna fyrir jólin
um bókina Frá konu til konu
kom til umræðu hjá okkur
Kristínu. Fannst þér ekki
ástæða til að stöðva þá auglýs-
ingu?
„Nei, mér fannst það ekki.
Er ekki verið að fara með börn
upp í sveit til þess að sýna þeim
ær að bera? Hver er munurinn
á þessu? Það hringdi aðeins ein
kona í mig vegna þessarar aug-
lýsingar. Önnur hringdi, veit
ég, í útvarpsstjóra. Við tókum
þá ákvörðun í sameiningu að
kippa auglýsingunni ekki út.“
- Heldurðu að auglýsingar í
sjónvarpi hafi meiri áhrif á
börn en auglýsingar í öðrum
fjölmiðlum?
„Já, ég held það.“
- Hvað finnst þér þá um þær
auglýsingar sem við sjáum fyrir
jólin og börn eru að leika sér að
einhverjum hlutum. Finnst þá
ekki öðrum börnum að þau
verði að eignast sama hlut?
„Nei, ég held það ekki.“
- En hvað með að nota börn
til þess að auglýsa fyrir önnur
börn. Er það rétt eða rangt?
„Ég held að það sé ekkert
verra þegar það er gert í sjón-
varpi en í myndaauglýsingum í
blöðum. Sjónvarpið hefur að
mínu mati ekki meiri áhrif á
börnin en blöðin í þessu til-
felli.“
Á íslensku
- í reglum um auglýsingar í
sjónvarpi er tekið fram að meg-
intexti skuli vera á réttu ís-
lensku máli. Hvað með gos-
drykkjaauglýsingarnar?
„Það hefur verið gerð undan-
þága með sungnar auglýsingar.
Sama varan er auglýst í mörg-
um ólíkuin auglýsingum og
alltaf leikið sama lagið. Því var
gerð sú undanþága að nóg væri
að einhver hluti auglýsingar-
innar væri á íslensku.“
- Það kom fram í viðtalinu
við Kristínu að það er erfitt að
setja verð inn í sjónvarpsaug-
lýsingar. Þær hreinlega eyði-
leggðust ef verðið hækkaði.
„Já, þetta er rétt. Ef verðið
sést á myndinni er öll auglýs-
ingin ónýt. Ef það kemur hins
vegar aðeins fram í texta er
hægt að skipta um tónband. En
slíkt getur tekið nokkurn tíma.
Það eru aðeins tveir aðilar í
bænum sem hafa unnið þetta
verk, og fyrir jólin var það
meira að segja ekki nema einn.
Það er því mikið að gera hjá
þessum aðilum og oft þarf að
bíða lengi. Þetta er líka dýrt
verk,“ sagði Auður Óskars-
dóttir auglýsingastjóri. DS
NEYTENDABLAÐID - 21