Neytendablaðið - 01.04.1989, Blaðsíða 8
NÆRIN G ARFRÆÐI
Valgeröur Hildibrands-
dóttir næringarráðgjafi
mun verða með fastan
pistil um næringarfræði i
blaðinu. Velkomið er að
leita svara við spurn-
ingum hjá henni.
HVAÐ
eigum við
að borða
til að
okkur
líði vel?
Hversu mikla orku þurfum við?
Orkuþörf okkar byggist meöal annars á aldri, kyni, og hreyfingu.
Unglingsstrákur þarf um 14.3 KJ (3.400 kkal) á dag. Svipaö magn
af orku þarf fullorðinn karlmaður í erfiðisvinnu. Unglingsstúlka þarf
um 10.5 KJ (2.500 kkal). Sviþað magn af orku þarf fullorðinn kven-
maður í meðalþungri vinnu. Orkuþörf einstaklinga er sem sagt
mjög mismunandi. Auðveldasta leiðin til að fylgjast með að kjör-
þyngd haldist er að vigta sig reglubundið á sama tíma sólahrings-
ins.
Góðar matarvenjur eru mikilvægar!
( dag lifum við almennt kyrrlátara lífi en áður fyrr. Það eru færri
sem stunda erfiðisvinnu. Það er mjög mikilvægt að velja af kost-
gæfni það sem við borðum þannig að I íkaminn fái þau næringar-
efni sem hann þarf á að halda án þess að fá of mikla orku.
Síðustu áratugi hafa matarvenjur breyst mikið. í sumum tilfellum
til hins betra. En því miður einnig í sumum tilfellum til hins verra. í
dag borðum við of mikið af fitu og sykri og of lítið af trefjum.
Með góðum matarvenjum er hægt að minnka hættuna á að fá
hina ýmsu kvilla og sjúkdóma. Óæskilegt mataræði getur aukið
hættu á hjarta- og æðasjúkdómum, sykursýki, offitu, tann-
skemmdum, hægðatregðu, járnskorti, o.fl.
Engin fæðutegund inniheldur allt það sem líkaminn þarf á að
halda, en allar fæðutegundir innihalda eitthvað af því.
Til þess að okkur líði vel er þess vegna best að borðafjölbreytt
fæði, sem sagt sitt lítið af hverju. Sumir borða of mikið og nýta
ekki alla þá orku sem þeir láta í sig. Ef það á sér stað oft eða ef
hreyfing er í lágmarki þá vill útkoman gjarnan verða offita. Að
borða einhæft fæði er heldur ekki æskilegt. Það getur haft í för
með sér hina ýmsu kvilla.
Orkuríkur matur og næringarríkur matur
Orka og næring er ekki það sama. Líkaminn þarf á orku að halda
fyrir starfsemi sína t.d. þegar við öndum, göngum, hlaupum,
syndum, hjólum. Maturinn inniheldur meðal annars fitu og kolvetni
sem eru orkugjafar og prótein sem er byggingarefni og orkugjafi.
Orkugildi fitunnar er rúmlega helmingi meira en kolvetna og pró-
teins. Líkaminn þarf ekki bara á orku að halda, hann þarf einnig
efni til uþþbyggingar og viðhalds á vefjum og frumum og til fram-
leiðslu efnahvata og hormóna. Ef maturinn á að vera næringarrík-
ur þarf hann umfram innihald af orku einnig að innihalda ríkulegt
magn af öðrum næringarefnum svo sem vítamínum, steinefnum,
trefjum og vatni.
8
Manneldisfélag Islands vill vekja athygli á nýútkom-
inni nœringarefnatöflu. Næringarefnataflan er til sölu
í bókaverslun Máls og Menningar, Laugavegi 18 og
kostarkr. 175.
Hœgt er aðfá upplýsingar um nœringarefnatöfluna
hjá Valgerði Hildibrandsdóttur formanni Manneldis-
félags íslands, í síma 652626.
GEFIN ÚT AF
MANNELDISFÉLAGI ISLANDS