Neytendablaðið - 01.04.1989, Síða 20
FRA RAFMAGNSEFTIRLITINU
Að lýsa upp garðinn
Húseigendur sem hafa í hyggju að setja
upp lýsingu í garðinum hjá sér, þurfa að
huga að ýmsu í því samhengi:
1. Lampar sem ætlast er til að stungið sé
niður í jarðveginn með rafleiðslur
ofanjarðar eru ekki bannaðir, en telj-
ast óheppilegir og bjóða heim hættum,
nema spenna á þeim sé lækkuð t.d. í 24
volt.
2. Öruggast er að setja upp fasta lampa.
Rafstrengur er þá grafinn í jörðu sam-
kvæmt viðteknum reglum um jarð-
strengi og frágang þeirra.
3. Við staðarval lampa er hyggilegt að
taka mið af helsu vind- og veðuráttum.
Lampi á bersvæði þarf að vera mun
betur búinn gagnvart vatnsveðrum en
sá sem hefur skjól af vegg, girðingu eða
trjám.
4. Lampar til útinotkunar eru mismun-
andi þéttir og merktir samkvæmt því.
Lampar úr málmi standast illa sjávar-
seltu. Sitthvað fleira mætti athuga.
Veljið því lampa með tilliti til
aðstæðna og leitið til rafverktakans um
val og frágang.
Að festa upp Ijós
Ef um nýtt húsnæði er að ræða skulum
við gera ráð fyrir því að rafverktakinn hafi
skilað verki sínu þannig að hann hafi lok-
að öllum dósum, sett krók í loftdósir til að
hengja vírana í gegnum lokið og sett á þá
tengi, eins og sést á myndinni. Ef ekki er
gengið frá dósum á þennan hátt er nauð-
synlegt að fagmaður annist frágang,
a.m.k. að þessu þrepi. (Krókureraðsjálf-
sögðu óþarfur ef ljósafesting er fyrirhug-
uð með öðrum hætti).
Þessu næst er að útbúa lampasnúruna,
ef lampinn á að hanga frá lofti.
Komið togfestu fyrir á snúrunni og still-
ið hæðina. Klippið af það sem umfram er.
Afeinangrið taugaendana og snúið upp á
þræðina. Losið upp á tengjunum á vírun-
um sem koma út úr dósinni, stingið
endunum í og herðið að. Ef þrír þræðir
koma út úr dósinni er einn þeirra gul-
grænn og ætlaður til jarðtengingar.
Ef ekki er gert ráð fyrir því að lampinn
sé jarðtengdur, er þessi vír látinn eiga sig.
Annars þarf að gæta þess vandlega að
hann sé tengdur á réttan stað.
Ef taka þarf lampann lengra út á loftið
þarf snúran að vera lengri sem því nemur,
og þá þarf togfestan að vera þannig að
hægt sé að skrúfa hana upp í loftið, eða
festa á krók þar sem lampinn á að hanga.
A lampanum á að vera merking sem
segir til um gerð og hámarksstærð peru.
Þegar settir eru upp ljóskastarar, hvort
heldur er í loft eða á veggi, gefið þá gaum
að tákni sem sýnir minnstu fjarlægð sem
kastarinn má vera frá brennanlegu efni,
oft 0,5 eða 0,8 m.
20