Bændablaðið - 15.06.1999, Side 23
Þriðjudagur lS.júní 1999
BÆNDABLAÐIÐ
23
Þorgeir Ástvaldsson fjölmiðla- og
sveitamaður frá Fellsströnd
Tíminn vinnur með
íslenskum landbúnafli
Þorgeir Ástvaldsson er einn
þekktasti útvarpsmaður landsins og
hefur starfað við þann miðil í 25 ár.
Undanfarin sjö ár hefur hann stýrt
morgunútvarpi Bylgjunnar, síðast
ásamt Margréti Blöndal, en þau létu
bæði af því starfi í vor. Þau tvö hafa
ávallt fjallað töluvert um
landbúnaðinn í þáttum sínum og
það hefur Þorgeir raunar alltaf gert í
sínu starfi.
Þorgeir er fæddur á
Breiðabólstað á Fellströnd og er
ættaður úr Dölunum. Hann er ahnn
upp í sveit að hluta og segir það
h'fsreynslu sem hann hefði ekki
viljað vera án. „Tengslin við
landbúnaðinn og sveitimar hefur
alltaf verið til staðar á mínu heimili.
Ég hef síðan reynt að framlengja
þessi tengsl til bama minna með
föstum ferðum í réttir og sauðburð.“
Þessi tenging hefur lika komið
fram í starfi Þorgeirs. „Þegar maður
hefur íjallað um ýmis þjóðmál þá
er landbúnaðurinn vissulega hluti
af því. Mér hefur fundist
landbúnaðurinn hafa verið
afskiptur í þjóðmálaumræðunni
síðustu ár. Umræðan hefur
yfirleitt verið á neikvæðum
nótum en þó finnst mér að
bændur séu að ná sér upp úr
því. Það hefur ekki verið nógu
mikið um vaskleg póhtísk
störf í þágu landbúnaðarins."
Þorgeir telur ástæðuna fyrir
þessari neikvæðu umræðu
mega rekja til þess að áður fyrr
hugsuðu menn um landbúnaðinn
meira sem bagga á samfélaginu.
,J>að hafa hins vegar átt sér stað
gífurlegar breytingar, m.a. með
tilkomu yngri kynslóðar inn í
landbúnaðinn. Þessi umræða er að
snúast á jákvæðari veg og ég held
að það sé vegna þess að menn sjái
fyrir sér að það hljóti að vera
framtíð í landbúnaðinum hér á
landi. Bændur þurfa að vera
kokhraustari og ekki vera með
minnimáttarkennd eins og er
áberandi í dag.“
Þorgeir telur hreinleikann eitt
stærsta vopn landbúnaðarins. „Ég er
þeirrar skoðunar að við eigum að
halda á lofti hreinleikanum. Hann
mun sigra á endanum. Það hafa
komið ffarn alvarlegar brotalamir í
landbúnaðnum í Evrópii sem styrkja
stoðir vistvæns landbúnáðar." Og
Þorgeir tekur grænmetis-
framleiðendur hér á landi sem
dæmi. „Við höfum raforkuna og
gróðurhúsin og aðstæður hér eru
ágætar þrátt fýrir mikið myrkur á
vetuma. Þeim sem ég þekki finnst
flestum íslenska grænmetið betra en
það innflutta. Því ætti að styrkja
betur stoðir grænmetis-
framfeiðslunnar. Mér finnst t.d. alls
ekki rökrétt að garðyrkjubændur
þurfi að borga sexfalt orkuverð á
við sjávarútveginn. Við höfum
reyndar fengið nýjan
landbúnaðarráðherra sem ég held að
taki á þessu.“
Þorgeir bendir á að hollustan
hljóti alltaf að vera hagfræðinni
yfirsterkari. „Það má ekki hleypa
innfluttum landbúnaðarafurðum inn
í landið viðspymulaust. Við megum
alveg halda á lofti hreinleika
landsins og jafnvel ýkja hann til að
skapa þessa ímynd. Ég bind einnig
mildar vonir við að þeir sem fari út í
búskap á þeim forsendum að hanri
sé vistvænn muni geta selt
ffamleiðslu sína dým verði."
Það er ekki hægt að ræða um
landbúnað við Þorgeir án þess að
inna hann eftir skoðunum hans á
innflutningi á fósturvísum úr
norskum kúm. „Ég held að þama sé
verið að gera úlfalda úr mýflugu. Ég
sé ekkert athugavert við að gera
tilraunir með þetta á einangmðum
stöðum á löngum tíma en það þarf
að fara varlega í þessum efrium.
Mér finnst eðlilegt að kúabændur
vilji líta upp úr farvegi sínum og
jafnvel skoða hið óumbreytanlega.
Þar finnst mér þeir vera að sýna
ákveðið landbúnaðarpólitískt
fmmkvæði. Ég hef hins vegar ekki
nokkra trú á að norskar kýr muni
alveg taka við af þeim íslensku en ef
við skoðum aldrei hlutina frá öllum
sjónarhomum verður okkur aldrei
ágengt. Umræðan hefur á stundum
snúist upp í þjóðemishyggju í
gegnum kýmar en ég gef lítið fýrir
slík rök.“
Þorgelr ásamt bolakálfinum Þor-
geirsbola, sem fæddist á Laugar-
bökkum í Ölfusi í vor. Boli var
skírður í höfuðið á Þorgeiri og
annar boii, Maggi Blöndal, var
síðan skírður í höfuðið á Margréti
Blöndal, sem starfaði með Þorgeiri
í morgunútvarpi Bylgjunnar.
Þorgeir telur að tíðarandinn sé
að breytast í landbúnaðinum.
„Tíminn vinnur með íslenskum
landbúnaði. Vistvænn landbúnaður
verður sífellt mikilvægari heiminum
og þar getur íslenskur landbúnaður
gegnt stóm hlutverki. Ég vil sjá
landbúnaðinn meira inni í
þjóðmálaumræðunni, t.d. í
heilbrigðisumræðunni, og að
Islendingar verði meðvitaðri um
það sem þeir láta ofan í sig.
Landbúnaðurinn verður í
ffamtíðinni tæknivæddari og
fjölbreyttari og búum fækkar.
Það þarf að greiða götu
sauðfjárbúskapar hér á landi og það
er til skammar hvað margir
sauðfjárbændur hafa orðið fyrir
miklum búsifjum. Ég held að
sauðfjár- og kúabúskapur eigi eftir
að taka töluverðum breytingum. Ég
hef heldur ekki áhyggjur af því að
við getum ekki selt okkar
landbúnaðarafurðir á nýrri öld ef við
getum spilað vel úr þeim spilum
sem við höfum.“
Þorgeir segir að tryggja verði
samkeppnisstöðu landbúnaðarins í
samanburði við aðra atvinnuvegi.
„Það er ekki nógu mikil reisn yfir
því sem er að gerast í íslenskum
landbúnaði. Það á hins vegar eftir að
breytast, ég er alveg sannfærður um
það. Það þarf hins vegar að komast
á meiri skilvirkni frá orðum til
gerða. Þar verða stjómvöld að koma
sterk inn,“ segir Þorgeir að lokum.
sHaflex
Rúllubaggaplast
Hvít rúllupökkunarfilma
Fáanleg í tveimur stærðum:
50 cm breið filma - lengd 1800 m
75 sm breið filma - lengd 1500 m
Tímabundið tilboðsverð
Staðgreiðsluafsláttur -- Magnafsláttur fyrir heil bretti.
Heybindigarn fyrir baggabindivélar og rullubindivélar
Kannaðu verðið!
400 m/kg - 2.000 m pr. rúllu - Litur: Hvítt
600 m/kg - 3.000 m pr. rúllu - Litur: Hvítt
850 m/kg - 4.250 m pr. rúllu - Litur: Ljósblátt
ÞQR HF
Reykjavík - Akureyri
Reykjavík: Ármúla 11 - Sími 568-1500 - Akureyri: Lónsbakka - Sími 461-1070
Perkins
POWERPART
Varahlutir og síur í
Perkins vinnuvélar
Ingvar
Helgason hf.
Vélavarahlutir, Sævarhöfða 2, sími 525 8040