blaðið - 20.10.2005, Blaðsíða 10

10 I ERLENDAR FRÉTTIR
FIMMTUDAGUR 20. OKTÓBER 2005 blaöiö
Ásakanir á hendur her-
sveitum bandamanna:
Brot á al-
þjóðalögum
Breskar og bandarískar her-
sveitir brjóta alþjóðalög með
því að neita íbúum umsetinna
borga um mat og vatn. Jean
Ziegler, mannréttindafulltrúi
hjá Sameinuðu þjóðunum
og fyrrverandi prófessor í
félagsfræði, heldur þessi fram
í skýrslu sem birt verður í
heild sinni í lok mánaðarins.
Ziegler segir að þessari aðferð
hafi meðaí annars verið beitt
i umsátrinu um borgirnar
Falluja, Tal Afar og Samarra.
Bandarísk heryfirvöld neita
ásökununum og halda því
fram að þó að stundum verði
töf á flutningi vista vegna
átaka sé mat aldrei haldið
frá fólki af ásettu ráði. ■
Fuglaflensu-
tilfelli í Kína
2600 fuglar hafa drepist úr
fuglaflensu á búi nálægt borg-
inni Hohhot í Innri Mongólíu
í Kína. Fuglarnir sem drápust
voru haldnir H^Ni-afbrigði
flensunnar sem getur reynst
mönnum banvænt. Ekki hefur
verið gefið upp um hvers
konar fugla var að ræða eða
hvenær sjúkdómurinn braust
út. Fyrr á árinu braust fugla-
flensa út í Qinghai, Xinjiang
og Tíbet og var þúsundum
fugla slátrað í kjölfarið. Að
minnsta kosti 60 manns hafa
látist úr sjúkdómnum í Asfu
síðan í desember 2003. ■
Sameinuðu þjóðirnar gagnrýna yfirvöld íMarokkó:
111 meðferð á flóttafólki
Flóttamenn hafast við í flóttamannabúðum í Alsír eftir að hafa verið vísað úr landi í
Marokkó.
Yfirvöld í Marokkó brjóta al-
þjóðalög með meðferð sinni á
innflytjendum að mati stofnunar
Sameinuðu þjóðanna sem sinnir
málefnum flóttamanna. Starfs-
menn stofnunarinnar segja enn-
fremur að marokkósk yfirvöld
veiti þeim ekki fullan aðgang að
tjaldbúðum þar sem talið er að
hælisleitendum sé haldið. Mar-
okkósk yfirvöld hafa áður staðfast-
lega neitað ásökunum mannrétt-
indasamtaka um að þau hafi skilið
meira en þúsund flóttamenn frá
ýmsum löndum Afríku eftir í Sa-
hara-eyðimörkinni án matar og
vatns.
Skildir eftir í eyðimörkinni
Aftur á móti leyfðu þau frétta-
mönnum Breska ríkisútvarpsins
að skoða flóttamannabúðir um
700 km sunnan við höfuðborgina
Rabat. Marokkómenn halda því
fram að þar sé ólöglegum innflytj-
endum en ekki hælisleitendum
haldið. 1 búðunum var fjöldi fólks
frá stríðshrjáðum löndum svo
sem Líberíu, Sierra Leone og Lýð-
veldinu Kongó sem sýndu frétta-
mönnum skráningarvottorð frá
Flóttamannaaðstoð Sameinuðu
þjóðanna.
Margir þeirra sögðust hafa unn-
ið löglega í Casablanca og Rabat en
hafi verið handteknir af lögreglu,
handjárnaðir og ekið í rútum út
í eyðimörkina þar sem þeir voru
skildir eftir án vatns. Báðu þeir
ennfremur yfirvöld í Marokkó um
að leita í eyðimörkinni að þeim
sem kynnu að hafa komist lífs af.
Elektron í
rússneskri
landhelgi
Rússneski togarinn Elektron
komst inn fyrir 12 mílna
landhelgi Rússlands seint á
þriðjudagskvöld. Rússneska
freigátan Levsjenkó aðmírall
fylgdi togaranum sem stefndi
til hafnar í Múrmansk. Innan 12
mílna landhelginnar gátu norsk
varðskip sem íylgt höíðu togar-
anum ekki aðhafst frekar. Búist
var við að togarinn yrði kyrrsett-
ur við komuna til Múrmansk
og áhöfn hans handtekin.
Norðmenn telja sig eiga
fulla lögsögu á hafsvæðinu í
kringum Svalbarða þar sem
rússneski togarinn var stöðv-
aður. Rússar viðurkenna ekki
þá kröfu. Skipstjóri togarans
neitaði að hlýða fyrirskipunum
norsku landhelgisgæslunnar
sem haíði staðið hann að
meintum ólöglegum veiðum í
Barentshafi. 1 stað þess að halda
til hafnar í Tromso snéri hann
til Rússlands með tvo norska
eftirlitsmenn innanborðs. ■
Wilmafœrist enn í aukana:
Öflugasti fellibylur sem mælst hefur
Hitabeltislægðin Wilma varð að
öflugasta fellibyl sem mælst hef-
ur á Atlantshafi í gærmorgun.
Fellibylnum fylgdu miklar rign-
ingar í Mið Ameríku og í Mexíkó
og hafa veðurfræðingar varað við
að Flórídaskaga standi umtals-
verð hætta af honum um helgina.
íbúar á Flórídaskaga og á Keys-
eyjum voru hvattir til að fylgjast
vel með þróun bylsins. Kraftur
Wilmu jókst til muna á einum sól-
arhring en að morgni þriðjudags
breyttist hún úr hitabeltislægð
í veikan fellibyl. Loftþrýstingur
hennar mældist 892 millibör og
er sami þrýstingur og á ónefnd-
um fellibyl sem olli miklu tjóni á
Keys-eyjum, rétt utan við Flórída-
skaga árið 1935. Trisha Wallace,
veðurfræðingur hjá Fellibylja-
miðstöð Bandaríkjanna, sagði
að þar á bæ vissu menn ekki hve
lengi Wilma yrði 5. stigs bylur.
Veðurspár sýndu að hún stefndi
að öllum líkindum á Yucatan-
sund milli Kúbu og Cancun-hér-
aðs í Mexíkó og þaðan myndi
hún halda út á Mexíkóflóa. Að
minnsta kosti tíu manns fórust
á Haítí í skriðuföllum af völdum
hitabeltislægðarinnar Wilmu í
fyrradag. ■
'miHÍÍmrítbli?
Rússneski togarinn Elektron gekk
norskum varðskipum úr greipum í
fyrradag þegar hann komst inn fyrir
12 mílna landhelgi Rússlands.
Eftirlýstur stríðsglœpamaður sendirfrá sér
bók:
Vel la
-fy
Vegna aukinna umsvifa í blaðadreifingu óskar Morgunblaðið eftir að ráða fólk á
öllum aldri í blaðburð víða á höfuðborgarsvæðinu sem fyrst.
Blaðberi hjá Morgunblaðinu færað meöaltali 31.160 kr. á mánuði fyrir klukkustundarlangan
hressandi göngutúr.' Til viðbótar kemur þungaálag og greiðslur fyrir aldreifingar tvisvar i viku.
Vinsamlegast hafið samband í síma 569 1440 eða
sendið tölvupóst á netfangið bladberi@mbl.is.
*Miöaö við að 65 eintúkum af Morgunblaðinu sé dreift i 30 skipti.
Ný ljóð eftir
Karadzic
Bók sem sögð er innihalda ný ljóð
eftir Radovan Karadzic, fyrrverandi
leiðtoga Bosníu Serba og eftirlýstan
stríðsglæpamann, er nýkomin út í
Serbíu. Útgefandinn sagði AP-frétta-
stofunni að ljóðin hefðu verið skrif-
uð á undanförnum mánuðum en
sumum lesendum þykja þau koma
sér kunnuglega fyrir sjónir.
Florence Hartmann, talsmaður
Alþjóðastríðsglæpadómstólsins í
Haag í Hollandi sagði að ef um ný
ljóð væri að ræða væri það smán að
Karadzic skyldi vera frjáls og getað
skrifað þau.
„í stað þess að fela sig ofan í holu
eins og Saddam Hussein er hann að
skrifa bækur. Maður skrifar ekki
bækur ofan í holu,“ sagði Hartmann.
„Það er smán að eftirlýstur sakborn-
ingur skuli hafa frelsi til að skrifa og
gefa út bækur.“
Karadzic frekar tengdur við morð
Fréttaritari Breska ríkisútvarpsins
í Belgrad sagði að nafn Karadzics
væri í hugum flestra frekar tengt
við morð á múslimum í borgunum
Sarajevo og Sebrenica en við ljóða-
gerð. Þó að leiðtoginn fyrrverandi
hafi verið á flótta undan réttvísinni
í nærri áratug virðist það ekki hafa
staðið I vegi fyrir bókmenntaferli
hans.
Nýja bókin sem heitir Undir
vinstra brjósti aldarinnar var gefin
út í Poazarevac, heimabæ Slobo-
dans Milosevics, fyrrverandi for-
seta Júgóslavíu, en réttarhöld yfir
honum standa nú yfir í Haag vegna
Gömul mynd af Radovan Karadzic, fyrrver-
andi leiðtoga Bosniu-Serba, eftirlýstum
stríðsglæpamanni og Ijóðskáldi.
stríðsglæpa. Slavoljub Obradovic, út-
gefandi bókarinnar, sagði í viðtali
við AP-fréttastofuna að hann vissi
ekki hvar Karadzic héldi sig og að
hann myndi ekki gefa það upp þó að
hann vissi það. í fyrra vann önnur
bók sem hann var sagður hafa skrif-
að til bókmenntaverðlauna í Serbíu.
Talið er að verk Karadzic njóti frek-
ar vinsælda vegna persónulegrar
aðdáunar sumra Serba en út af bók-
menntalegum verðleikum þeirra. ■