blaðið - 03.11.2005, Blaðsíða 26

34 I MENNING
FIMMTUDAGUR 3. NÓVEMBER 2005 blaAÍð
Össur Skarphéðinsson gerist útgáfustjóri
Tœr snilld
á mettíma
Össur Skarphéðinsson.„Það er firna-
gaman að vera útgefandi! Nú mega þeir
Jóhann Páll, Páll Bragi og Snæbjörn í
Bjarti fara að vara sig." Með á myndinni er
Róbert Harðarson sem valdi skákirnar.
99..........................
Við rukum í þetta,
harður kjarni úr
Hróknum, og nánast
rifum þessa stór-
skemmtilegu bók upp
úr grjótinu á mettíma.
•••••••••••••••••••••••••
„Hrafn hefur unnið einstakt starf
við að rífa upp skákíþróttina með-
al barna í skólum landsins og ver-
ið ótrúlega fórnfús á sjálfan sig í
því verki. Mér fannst tilvalið að á
fertugsafmæli Hrafnsins kæmi út
bók sem tengdist þessu verki og
heiðraði í senn þennan góða vin
minn og Hrókinn en lyfti um leið
undir skákina. Það var líka nauð-
synlegt að bókin endurspeglaði
þann sóknarhug sem einkennir
Hrafn í öllu sem hann tekur sér
fyrir hendur - ekki síst í skákinni.
Niðurstaðan var að færa Hrafni í
afmælisgjöf bók sem innihéldi 40
glæsilegustu sóknarperlur skák-
sögunnar - eða eina skák fyrir
hvert ár í lífi okkar góða vinar, “
segir Össur Skarphéðinsson, al-
þingismaður, sem er útgefandi
bókarinnar Tær snilld, sem kom
út á fertugsafmælisdegi Hrafns
Jökulssonar síðastliðin þriðjudag.
„Við rukum í þetta, harður
kjarni úr Hróknum, og nánast
rifum þessa stórskemmtilegu bók
upp úr grjótinu á mettíma. Ró-
bert Harðarson valdi skákirnar í
samráði við nokkra fleiri, og vin-
ir okkar í Birtingaholti sáu um
umbrotið. Þannig varð bókin Tær
snilld til og hún kemur úr prent-
smiðjunni í dag, nokkrum tím-
um fyrir afmæli Hrafnsins. Inni-
hald bókarinnar og uppsetning
átti að miða að því að allir hefðu
ánægju og gagn af því að lesa og
eiga bókina, jafnt börn, sem eru
að byrja að æfa skák, áhugamenn
sem ekki kunna mikið fyrir sér í
manntafli en hafa áhuga á skák-
sögunni - en líka þeir bestu í
röðum skákmanna. Eins og svo
oft þegar menn vinna saman að
göfugu verkefni tókst þetta með
þeim fádæmum að Tær snilld er
einhver skemmtilegasta skákbók
sem ég hef haft í höndunum. Hún
er byggð upp á örstuttum köflum
í kringum sérhverja skákperlu,
sagt er aðeins frá skákmönnun-
um sem tefldu, og loks er skákin
birt með stöðumynd. Fyrirsagn-
ir kaflanna bera þess auðvitað
merki að gamlir blaðamenn koma
að verki og eru kannski skemmti-
legustu bútar bókarinnar. Ég
skrifa svo sjálfur lítinn formála
þar sem tilurð Hróksins og fram-
lag Hrafns til skákarinnar hér og
á Grænlandi er gert skil. Þetta var
einhver skemmtilegasta vinna
sem ég hef komið að.“
Össur segist vonast til að fram-
hald verði á starfi hans sem út-
gáfustjóri. „Það er firnagaman að
vera útgefandi! Nú mega þeir Jó-
hann Páll, Páll Bragi og Snæbjörn
í Bjarti fara að vara sig. Ég hef full-
an hug á því að halda áfram að
gefa út skákbækur ef við förum
ekki á hausinn af þessari. Þetta
kostar auðvitað helling af pening-
um en kannski förum við bara út
í að framleiða smjörlíki eins og
Ragnar í Smára til að eiga fyrir
útgáfunni. Þetta var að minnsta
kosti stórskemmtileg lota og sann-
kallað ævintýri að búa til Tæra
snilld á metttíma." ■

':m\ 554-3377 www.krossinn.is

TÓNLEIKARKL. 20:00 rlP
meö Gospel Invasion Group. f *. ■€';f/
Gestasöngvari verður Jónsi
söngvari hljómsveitarinnar flprA' sWj
"ísvörtum fötum" Frítt inn!
Allir sem geta, mæti í felulituðum fatnaði.clxó—c
SAMKOMA KL. 20:30
Gospel Invasion Group spilar.
Dr Richard Perinchieftalar.
SAMKOMA KL. 16:30
Gospel Invasion Group spilar.
Dr Richard Perinchief talar.
Ath. þrískipt barnagæsla cr á meðan a samkomu stendur.
FRÍTT imi
ALLTAF!
ROSSUýNfl