blaðið - 16.12.2005, Blaðsíða 12

20%

cifsláttur
út
desember
EURO SKO
KRINGLAN 568 6211
12 I ERLENDAR FRÉTTIR
FÖSTUDAGUR 16. DESEMBER 2005 blaöiö
Mótmælendur hafa haft sig mikið í frammi á fundi Heimsviðskiptastofnunarinnar sem fram fer í Hong Kong þessa dagana.
Tilboð Bandaríkjamanna
sætir gagnrýni
Bandaríkjamenn bjóðast til að veita bómullarframleiðendum í
Vestur Afríku tollfrjálsan aðgangað mörkuðum sínum. Evrópusam-
bandið og Oxfam segja aftur á móti rót vandans vera niðurgreiðslur
til bandarískra bómullarrœktenda en ekki markaðsaðgengi.
Bandaríkjamenn segjast vera reiðu-
búnir að veita bómullarframleið-
endum í Vestur Afríku tollfrjálsan
aðgang að bandarískum mörkuðum.
Vonir um að einhver árangur náist
á fundi Heimsviðskiptastofnunar-
innar hafa glæðst Htillega við þetta.
Bómullarframleiðendur í Afríku
hafa þegar hótað því að þeir muni
neita að styðja allar ályktanir, sem
samstaða ríkir um á fundinum, ef
riku löndin skuldbinda sig ekki til
að draga úr opinberum styrkjum til
bómullarræktenda.
Evrópusambandið sýndi tilboði
Bandaríkjamanna dræman áhuga
og sagði að það gengi ekki nógu
langt. „Það er jákvætt skref að
Bandaríkin séu tilbúin til að veita
bómullarframleiðendum frjálsan
aðgang að mörkuðum sínum,“
segir Fabian Delcros, talsmaður
Evrópusambandsins í viðskipta-
málum. „Engu að síður mun þetta
skref ekki leysa þau vandamál sem
steðja að bómullarmarkaðinum,"
sagði Delcros og bætti við að megin-
vandamálið væri að niðurgreiðslur
Bandaríkjamanna héldu niðri verði
á heimsmarkaði og gerði það að
verkum að framleiðendur í Afriku
væru ekki samkeppnishæfir.
Mannúðarsamtökin Oxfam Int-
ernational höfnuðu tilboðinu aftur
á móti sem „innantómu loforði."
„Afríka flytur ekki út eitt einasta
gramm af bómull til Bandaríkj-
anna og hefur ekki gert það árum
saman,“ sagði Phil Bloomer fulltrúi
Oxfam og benti líkt og Delcros á að
rót vandans lægi ekki í aðgengi að
mörkuðum heldur í niðurgreiðslum
Bandaríkjanna.
Þörf áöðrumfundi
Um leið og Rob Portman, aðalfull-
trúi Bandarikjamanna á fundinum,
lagði fram tillöguna sagði hann að
ólíklegt væri að heildarsamningar
um aukið frelsi í viðskiptum næðust
í Hong Kong og því væri nauðsyn-
legt að halda annan fund í lok mars
á næsta ári.
„Ef við náum ekki þeim árangri
sem við höfðum vonast eftir í Hong
Kong, og ég er hræddur um að við
gerum það ekki, tel ég að við ættum
að ákveða nýjan fundartíma áður
en við förum héðan,“ sagði hann við
fréttamenn í gær.
Frítt í desember
Kaffi/súkkulaöi og
konfektmoli
Aji œVVj,. fylgir öllum réttum
CtuiznosSuB
HMHH... GLÓDAOUR
Lækjargata 8
Suðurlandsbraut 32

Sendu eina fyrirsögn úr Blaðinu í dag
á holar@vbl.is og þú gætir eignast eintak
af bókinni Karlar ljúga, konur gráta.
Blaðið
Bæjarlind 14-16
201 Kópavogur
blaðió
<D
BÓKAÚTGÁFAN HÓLAR
FRJÁLST
I ftw | V I
blaði&H
Reynt að
kveikja í
kjörstað
Reynt var að kveikja í byggingu sem
hýsir kjörstað fyrir írösku þing-
kosingarnar í Kista, norður af Stokk-
hólmi í gær. Enginn hafði verið
handtekinn í tengslum við íkveikju-
tilraunina síðdegis í gær. Öryggis-
gæsla var aukin við utankjörstaði
í Svíþjóð í kjölfarið. 1 Danmörku
herti lögregla einnig eftirlit við
kjörstaði. Talsmaður lögreglu sagði
að einhver hefði kastað flöskum
fullum af bensíni í húsið en ekki
hefði verið eldur í þeim og þvi hefði
ekki hlotist mikið tjón af. Um ein
og hálf milljón íraka í 15 löndum
greiddu atkvæði í kosningunum
utan heimalandsins. Um 40.000
íraskir ríkisborgarar búa í Svíþjóð.
Harmleikur
í Nepal
Nepalskur hermaður varð að
minnsta kosti 11 manns að bana og
særði 19 til viðbótar þegar hann hóf
skothríð á mannfjölda á trúarhátíð
hindúa í nágrenni Kathmandu
í gær. Vitni segja að maðurinn
hafi skotið af handahófi á um 500
manna hóp sem hafði komið saman
við hof og stóð skothríðin i um
10 - 15 mínútur. Maðurinn sem var
undir áhrifum áfengis þegar hann
framdi ódæðið svipti sig síðan
lífi. Þúsundir manna söfnuðust
saman á götum höfuðborgarinnar
í kjölfar harmleiksins til að syrgja
hina föllnu og mótmæla ofbeldinu.
Menn á Bret-
landseyjum
lengur en
talið var
1 ljós hefur komið að menn voru
uppi á Bretlandseyjum fyrir um
700.000 árum eða um 200.000
árum fýrr en hingað til hefur verið
talið. Vísindamenn eru sannfærðir
um þetta eftir að munir úr tinnu-
steini sem fundust á strönd við
Suffolk voru aldursgreindir. Upp-
götvunin sýnir að frummenn hafi
komið yfir Alpana til norðurhluta
Evrópu meira 200.000 árum fyrr
en talið var og aðeins um 100.000
árum eftir að þeir komu fýrst til
suðurhluta Evrópu frá Afríku.
Fréttastöð ITV
lögð niður
Sérstök fréttastöð breska sjónvarps-
félagsins ITV verður lögð niður
eftir áramót en stöðin hefur sent
út fréttir og fréttatengt efni allan
sólarhringinn. Alþjóðasamband
blaðamanna hefur fordæmt lokun
stöðvarinnar sem sett var á lagg-
irnar fyrir fimm árum. Stöðin hefur
átt í harðri samkeppni við BBC
News 24 og Sky News en rekstur-
inn hefur ekki gengið sem skyldi.
Forráðamenn fyrirtækisins hyggjast
í staðinn efla aðrar stöðvar á sínum
vegum og viðræður við starfsmenn
standa yfir. í versta falli kunna allt
að 70 störf að glatast með stöðinni.