blaðið - 16.12.2005, Blaðsíða 23

blaöið FÖSTUDAGUR 16. DESEMBER 2005
VIÐTAL/ÁLIT I 23
99.............................................
Þú getur ekki faríð á sýningu hjá Gunnellu án þess að
brosa. Allir brosa þegar þeir horfa á listaverk hennar
Hátíöartónleikar
Sinfóníuhljómsveitar íslands.
vísi mótíf. Allt í einu eru þessar kellur
komnar fram, svunturnar, hænurnar,
sveitabærinn, íslenska sveitin og
landslagið," segir Gunnella og bætir
við að aðalatriðið sé að vera einlægur
i því sem maður gerir. „Ef maður fær
góða svörun þá heldur það manni
gangandi. En jafnvel þó maður fengi
enga svörun þá myndi maður halda
áfram. Það eru forréttindi að geta
stundað það sem manni langar til og
geta haft það að atvinnu."
Byrjað að undirbúa næstu bók
Gunnella og Bruce eru þegar farin að
semja nýja bók sem þau segja að verði
lika mjög fyndin, rétt eins og Hænur
eru hermikrákur. „Þessar konur eru
svo skondnar. Hvernig geta þær ekki
verið skondnar. Og þær eru mjög
klárar konur, segir Bruce og Gunn-
ella bætir við að hænurnar séu líka
mjög gáfaðar. „Við erum að fara yfir
textann á næstu bók og höfum valið
mikið af málverkunum. Textinn er
þó ekki alveg búinn því við eigum
eftir að ræða saman um hann. Bókin
er svipuð en samt ekki framhald. Kon-
urnar koma aftur ásamt hænunum
sem eru góðar og kindum sem eru
vondar. Bókin mun skýra út af hverju
það eru engin tré í íslensku landslagi,"
segir Bruce. Gunnella tekur undir
að efni sögunnar sé á þessa leið en
bætir við að bókin verði líka byggð
upp á sama hátt og Hænur eru hermi-
krákur. Hún erbyggð út frá myndum
sem þegar voru til staðar og svo eru
þær tengdar saman með sögu.
Aðspurð um hvernig samstarfið
hafi gengið segir Bruce það hafa
gengið mjög vel enda séu þau bestu
vinir. „Gunnella er mér eins og systir.
Eftir að hafa hitt bræður hennar þá
veit ég af hverju,“ segir Bruce og þau
hlæja bæði. „Bræður mínir eru alveg
einstakir og það eru ekki margir eins
ogþeir,“ segir Gunnella. Bruce grípur
fram í og segir að þegar hann hitti þá
finnist honum æðislegt að gantast
með þeim.
Þjóðardjásn íslendinga
Bruce heldur ekki vatni yfir hæfi-
leikum Gunnellu og margir íslend-
ingar skilja eflaust skoðanir hans
fullvel. „Gunnella er eitt af þjóðar-
djásnum ykkar. Hún nýtir íslensku
menninguna í myndir sína á ein-
stakan hátt. I Bandaríkjunum taka
allir eftir þessu og ég tók strax eftir
þessu.“ Gunnella segir að þetta sé nú
bara skoðun Bruce. „Ég myndi mjög
gjarnan vilja halda sýningu í Banda-
ríkjunum ef ég fengi tækifæri til. Það
hve vel bókin hefur gengið úti gæti
mögulega opnað einhverjar dyr.“ Sam-
kvæmt Bruce kemur næsta bók von-
andi út að vori 2007 og hann telur því
líklegt að bandarískt gallerý myndi
vilja halda sýningu á verkum Gunn-
ellu. Aðspurð hvort við megum búast
við fleiri bókum í framtíðinni segir
Gunnella að við skulum bara bíða og
sjá til. Einmitt núna er áherslan á að
gera seinni bókina enn betri en fyrri.
Gunnella vill þó ekki kannast við að
hún ætli sér að verða heimsfræg og
hlær við spurningu blaðamanns í
þá áttina. „Þetta er hins vegar mjög
skemmtilegt og ég hlakka mikið til
að sjá seinni bókina."
svanhvit@vbl.is
Þröstur Ólafsson
Leiðari Blaðsins í gær miðvikudag
fjallaði um tekjumun og áhyggjur
manna af stéttskiptu samfélagi. Þar
segir m.a. „Enn frekar urðu menn
gáttaðir þegar forsetaembættið hélt
lokaða sinfóníutónleika í samstarfi
við kaupréttarbankann fyrrnefnda
og bauð hingað ...o.s.frv."
Hér er ranglega sagt frá. Það var
ekki forsetaembættið sem hélt tón-
leikana, heldur Sinfóníuhljómsveit
íslands. Forseti íslands og KB-banki
veittu okkur dýrmætt liðsinni í því
að gera þessa tónleika að veruleika.
Hátíðartónleikar Sinfóníuhljóm-
sveitar Islands eru eins konar árshá-
tíð hljómsveitarinnar. Þar reynum
við eins og aðrar stofnanir að vanda
vel til. Árshátíð þessi er að því leyti
sérstæð að við notum tækifærið til
að bjóða til okkar tryggustu áskrif-
endum okkar, velunnurum, bak-
hjörlum og mökum hljóðfæraleikara.
Þessum viljum við sýna þakklæti
okkar í verki. Það er hverri stofnun
eða fyrirtæki afar dýrmætt að eiga
svo sterkan stofn tryggra áskrifenda
sem við eigum. Þeir mega gjarnan
vita að við metum það.
Hátíð sú sem nú er mikið á milli
tanna fjölmiðla er önnur í röðinni.
Sú fyrri átti sér stað fyrir réttu
ári síðan. Þá stóð þannig á að við
höfðum um nokkurt skeið reynt
að fá fyrrverandi aðalhljómsveitar-
stjóra okkar Osmo Vánská hingað
til að stjórna hljómsveitinni. Allar
tilraunir okkar voru árangurslausar.
Aðeins fyrir atbeina Forseta íslands
tókst að fá þann fræga stjórnanda
til landsins. Það var mikill fengur
fyrir hljómsveitina og alla þá sem
á hlustuðu bæði á tónleikum og í út-
varpi. Ef forsetaembættið hefði ekki
veitt okkur aðstoð sína hefði þessi
heimsfrægi stjórnandi ekki komið
til landsins og engir tónleikar verið
haldnir. Hann kom af því þetta voru
hátíðartónleikar.
Við endurtókum þessa tónleika nú
fyrir viku síðan. I þetta skiptið tókst
okkur að fá hingað velska söngvar-
ann Bryn Terfel. Hann er afar eftir-
sóttur og ekki ódýr söngvari.
Hann gaf ekki kost nema á einum
tónleikum. Hann var í miklum
önnum og kom hingað aðeins af því
þetta voru hátíðartónleikar þar sem
hann bjó í gestabústað Forseta ís-
lands í boði hans. Án aðkomu forset-
ans og KB-banka sem sýndi mikinn
rausnarskap hefðu þessir tónleikar
ekki átt sér stað.
Ef þessir hátíðartónleikar hefðu
ekki verið haldnir hefði enginn
hvorki tónleikagestir né útvarps-
hlustendur fengið að njóta galdurs
þessa listamanns.
Ríkissjónvarpið átti kost eins og
endranær að sjónvarpa beint eða
taka upp til síðari útsendinga frá tón-
leikunum. Það nýtti sér það ekki.
Hverjir voru gestir tónleikanna.
Af um 950 gestum voru um sex-
hundruð í boði hljómsveitarinnar.
Flestir þeirra voru áskrifendur sem
voru hjá okkur árið 1994 og síðan.
Þá voru makar og starfsfólk samtals
yfir eitt hundrað manns og gestalisti
hljómsveitarinnar sem telur um eitt-
hundrað þegar mikið stendur til.
Áskrifendur hljómsveitarinnar
koma úr öllum stéttum samfélags-
ins. Tónlistarástríða fer ekki eftir
völdum eða efnahag.
KB-banki fékk liðlega 300 miða
fyrir mikið og dýrmætt framlag.
Allt starfsfólk sinfóníuhljómsveit-
arinnar leggur mikinn metnað í
starf sitt. Við miðum aðeins við það
sem best gerist í heiminum. Okkar
markmið er að vera svo góð að við
séum þekkt utanlands. Við þurfum
því að geta laðað til okkar hæfustu
og frægustu listamenn á hverjum
tíma. Við megum ekki einangrast
eða sleppa þeim tækifærum sem
berast þegar frægir listamenn eru í
boði. Þess vegna þurfum við á sam-
starfi og stuðningi velunnara og
áskrifenda að halda.
Því þökkum við fyrir samstarf
við embætti forseta Islands og mynd
arlegan stuðning frá stórhuga fyrir-
tæki eins og KB-banka.
Tónleikarnir með Bryn Terfel
voru afar mikilvægir fyrir hljóm-
sveitina og verða henni hvatning til
dáða.
Höfundur erframkvœmdastjóri
Sinfóníuhljómsveitar íslands.
SPARITILBOÐ I DESEMBER
Svínahamborgarahryggur
Hangilæri með beini
Hangiframpartur með beini
1590
Tvíreykt sauðahangikjöt
Nautalundir NewZealand
Grillaður
kjúklingur
2ja lítra
Coca Cola
& franskar
Tilboðin gilda til 31. desember
Gerðu sparikaup!