blaðið - 31.12.2005, Qupperneq 10
LAUGARDAGUR 31. DESEMBER 2005 blaA'lA
10 I ERLENDAR FRÉTTIR
Fjöldi fanga í hungurverk-
falli eykst til muna
Fjöldifanga í hungurverkfalli ífangabúðunum í Guantanamo-flóa hefur aukist um hátíð-
irnar. Með verkfallinu vilja fangarnir mótmœla slœmum aðstœðum í búðunum og broti á
réttindum sínum. Sumir fangarnir eru neyddir til að nœrast.
Tala þeirra fanga sem taka þátt í
hungurverkfalli í fangelsi Banda-
ríkjahers við Guantanamo-flóa á
Kúbu hefur hækkað upp í 84 að sögn
bandaríska hersins. 46 fangar bætt-
ust í hóp verkfallsmanna um jólin.
Bandaríska varnamálaráðuneytið
segir að alls séu um 500 fangar í búð-
unum þar sem grunuðum hryðju-
verkamönnum er haldið föngnum.
Aðeins níu fangar hafa verið ákærðir
fyrir glæpi. Talið er að nær eingöngu
múslimar séu í hópi fanga.
Lögmenn sumra fanganna segja
að með hungurverkfallinu vilji þeir
mótmæla aðstæðum í fangelsinu og
brotum á réttindum sínum. Herinn
hefur neitað ásökunum þess efnis að
fangar sæti pyntingum í búðunum.
Neyddir til að nærast
Heilbrigðisstarfsmenn neyddu 32
fanga í hungurverkfalli til að nær-
ast með því að gefa þeim næringu
gegnum munn og nef að sögn tals-
manns hersins. Þegar hann var
spurður um tilgang aðgerðanna
sagði hann að stefna þeirra væri að
vernda líf.
Hungurverkfall fanganna hófst
snemma í ágúst eftir að herinn gekk
á bak orða sinna. Hann hafði lofað
því að fangabúðirnar yrðu reknar
í samræmi við Genfarsáttmálann
að sögn lögmannanna. Þeir segja
ennfremur að fangar séu tilbúnir til
að svelta sig í hel til að fara fram á
mannúðlega og réttláta meðferð.
Sýnir hversu alvarlegt málið er
Flestir vistmanna voru teknir til
fanga í Afganistan og hafa verið í
haldi í nærri fjögur ár.
Jumana Musa, fulltrúi alþjóðlegu
mannréttindasamtakanna Amnesty
International, segir að fjölgun þeirra
fanga sem séu í hungurverkfalli sýni
hversu alvarlegt málið sé. „Við erum
að tala um að af hópi hundruð fanga
sem telja að þar sem ekki sé fyrirsjá-
anleg breyting á aðstæðum þeirra í
framtíðinni kæri þeir sig ekki lengur
um að lifa,“ sagði hann.
1 yfirlýsingu frá Bandaríkjaher
segir aftur á móti að hungurverk-
fall sé í samræmi við þjálfun sem A1
Kaída liðar hljóti og endurspegli til-
raunir fanga til að fanga athygli fjöl-
miðla og auka þrýsting á bandarísk
stjórnvöld um að láta þá lausa. ■
Gasdeilan í Úkraínu:
Júsjenkó fer
fram á frest
Viktor Júsjenkó, forseti Úkraínu,
bað rússnesk stjórnvöld í gær um
að fresta fyrirhugaðri lokun gas-
leiðslu til landsins um tíu daga.
Hið rlkisrekna rússneska gasfyrir-
tæki Gazprom hafnaði þegar í stað
beiðninni. Gazprom hefur tilkynnt
um margfalda hækkun á gasverði
til Úkraínu um áramótin og hefur
verið stirt á milli nágrannaríkjanna
vegna hækkunarinnar að undan-
förnu. Gazprom segir að Úkraínu-
menn verði að samþykkja verðhækk-
anirnar fyrir sunnudag ella verði
skrúfað fyrir gasleiðslurnar. „Þeir
vilja frysta verðið í tíu daga í janúar
og síðan munu þeir fara fram á tíu
daga til viðbótar," sagði fulltrúi
Gazprom af þessu tilefni. ■
Mannskætt
snjóflóð
Að minnsta kosti 24 fórust í snjó-
flóði í norðausturhluta Pakistan á
þriðjudag. Lögregluforingi í hérað-
inu þar sem hörmungarnar áttu sér
stað greindi frönsku fréttastöðinni
Agence France Presse frá þessu í gær.
Fólkið var í um 120 manna hópi sem
var við gimsteinaleit 1 nágrenninu
þegar flóðið brast á. ■
Lögreglumenn leggja
undir sig landamærastöð
Um 100 palestínskir lögreglumenn
lögðu undir sig landamærastöð í
borginni Rafah á Gasasvæðinu í gær
og hröktu eftirlitsmenn á vegum
Evrópusambandsins á flótta. Lög-
reglumennirnir hleyptu af skotum
upp í loftið en ekki er vitað til þess
að nokkur hafi særst í áhlaupinu.
Mennirnir voru vinir og ætt-
ingjar lögreglumanns sem myrtur
var í fjölskylduerjum daginn áður
á Gasasvæðinu. Þeir lögðu undir sig
landamærastöðina til að koma í veg
fyrir að nokkur úr fjölskyldunum
tveimur gæti flúið svæðið. Þeir fóru
jafnframt fram á að morðinginn
yrði tekinn af lífi. Yfirmaður palest-
ínsku landamæragæslunnar bað lög-
reglumennina að hafa sig á brott en
þeir neituðu því. ■
Condoleezza Rice utanríkisráðherra Bandaríkjanna:
Fagnar athugun á meintu
kosningasvindli
Condoleezza Rice, utanríkisráð-
herra Bandaríkjanna, fagnar því að
írösk stjórnvöld hafi boðið alþjóð-
legum eftirlitsmönnum að athuga
hvað hæft væri í ásökunum um
svindl í þingkosningum sem ffam
fóru í landinu á dögunum. Fulltrúar
súnnímúslima hafa haldið því fram
að víðtækt svindl hafi átt sér stað í
kosningunum og blésu þeir til fjöl-
mennra útifunda í vikunni þar sem
nýrra kosninga var krafist.
„Kjörnefndin hefur enn á ný sýnt
hve henni er í mun að kosningarnar
séu réttlátar og trúverðugar og upp-
fylli alþjóðleg skilyrði,“ sagði Rice
og bætti við að Bandaríkin styddu
heilshugar rannsóknina á fram-
kvæmd kosninganna.
Kofi Annan, aðalritari Samein-
uðu þjóðanna, fagnaði einnig rann-
sókn alþjóðlegu eftirlitsmannanna
og sagði að nauðsynlegt vaéri að
þeir sem hefðu eitthvað við kosning-
arnar að athuga fengju réttláta með-
ferð sinna mála. ■
Condoleezza Rice, utanrfkisráðherra Bandaríkjanna, fagnar þvf að alþjóðleg athugun
verði gerð á þvf hvað hæft sé f ásökunum um vfðtækt svindl f þingkosningunum í (rak
um miðjan desember.
(Flórens mældist mesta snjókoma í tvo áratugi.
Ekkert lát á
vetrarhörkum
Ekkert lát er á vetrarhörkum á meg-
inlandi Evrópu. Samgöngur fóru úr
skorðum víða í álfunni í gær vegna
mikillar snjókomu. Sums staðar
hægðist á lestarferðum og víða
sátu ökumenn fastir í bílum sínum.
Tilkynnt hefur verið um hundruð
árekstra og bílslysa og vetrarhörk-
unum hefur verið kennt um að
minnsta kosti fjögur mannslát. Að
minnsta kosti ellefu manns slös-
uðust ( 60 bíla árekstri á þjóðvegi í
Ungverjalandi. 1 Flórens mældist 16
sm jafnfallinn snjór og hefur ekki
snjóað jafnmikið í tvo áratugi. Hita-
stig á norðurhluta Italíu fór allt niður
í 17 stiga frost og á lestarstöð í Róm
fannst ungur heimilislaus maður
látinn að því er virðist úr ofkælingu.
1 Frakklandi létust einnig tveir úr
ofkælingu. ■
Belgar líklegastir til
að halda áramótaheitin
Reiknað er með að 435 milljónir ára-
mótaheita verða strengd um þessi
áramót í sjö Evrópulöndum. Þetta
kemur fram í nýlegri könnun sem
ennfremur leiðir í ljós að Belgar eru
Hklegastir til að halda sín áramóta-
heit en Bretar munu að öllum lík-
indum gefast upp. Helstu ástæður
þess að fólki tekst ekki að standa við
áramótaskuldbindingar sínar eru
skortur á vilja, tíma og peningum.
47% Belga sögðust myndu gefast upp
á áramótaheitinu innan mánaðar
en 64% Breta. Irar, nágrannar Breta,
standa þeim ekki langt að baki, en
63% þeirra eiga ekki von á að standa
við gefin heit. Könnunin var einnig
gerð í Þýskalandi, Hollandi, Sviss og
Austurríki en alls tóku 3500 manns
þátt í henni. ■
Án efa strengja marglr þess heit aö hætta
aö reykja um áramótin en fólki reynist oft
misjafnlega aö standa viö þaö heit sem
önnur.