blaðið - 31.12.2005, Blaðsíða 12
12 I ERLENDAR FRÉTTIR
LAUGARDAGUR 31. DESEMBER 2005 blaöiö
Hætta talin á að átök brjótist út á ný
Tamíltígrar liggja undir grun um árásir á lögreglumenn á Sri Lanka en þeir neita sök.
Spenna hefur magnast í landinu að undanförnu og óttast sérfrœðingar að sjóða kunni upp
úr á nœstunni.
Uppreisnarmenn Tamíl tigra eru
grunaðir um að hafa gert árásir á
lögreglu í norður- og austurhluta
Sri Lanka í gær. Norsk friðarsendi-
nefnd undirbýr för til landsins í
kjölfar aukins ótta manna um að
átök brjótist út.
Iqbal Athas, fréttaskýrandi, segir
að ef árásir uppreisnarmanna haldi
áfram komi að því að herinn muni
svara í sömu mynt. Sérfræðingar í
öryggismálum segja að Tamíltígr-
arnir hafi safnað liði og byggt upp
vopnabúr síðan vopnahléi var komið
á árið 2002. Þá hafi þeir ennfremur
komist yfir flugvélar og sett á fót
hópa sjálfsmorðssprengjumanna
í Colombo sem geti látið til skarar
skríða hvenær sem er. „Tígrarnir
hafa byggt upp mun öflugri her á
þeim fjórum árum sem vopnahléið
hefur staðið," segir Athas og bætir
við að ef spenna aukist enn frekar sé
hætta á að þeir láti til skarar skríða
í Colombo.
Tígrarnir vilja bæta ímynd sína
Lögreglumaður særðist í skotárás
í héraðinu Batticaloa í austurhluta
landsins í gær. Talið er að uppreisnar-
menn beri ábyrgð á árásinni. Ríkis-
stjórnin hefur hingað til ekki viljað
svara uppreisnarmönnum í sömu
mynt og vill að Evrópusambandið
láti verða af því að setja þá á lista
yfir ólögleg hryðjuverkasamtök.
Tígrarnir hafna ásökunum um að
þeir hafi átt þátt í árásum að und-
anförnu en fáir virðast trúa þeim í
Lögreglumenn á Sri Lanka standa vörfi við útför stjórnmálamannsins Joseph Pararajasingam sem myrtur var nýlega en hann var hlið-
hollur uppreisnarmönnum Tamíltígra. Hætta er talin á að átök brjótist út á ný í landinu.
Colombo. Tígrarnir sem hafa reynt
að bæta ímynd sína á alþjóðavett-
vangi á undanförnum árum vilja
ekki að þeim verði kennt um að hafa
komið öllu í bál og brand á ný.
Erik Solheim, yfirmaður norsku
nefndarinnar sem hefur fylgst með
að vopnahléið sé virt varaði við því á
fimmtudag að stríð kynni bráðlega
að brjótast út á ný. Hann mun heim-
sækja Sri Lanka þann 23. janúar og
reyna að höggva á hnútinn í við-
ræðum aðila sem geta ekki einu
sinni komið sér saman um stað fyrir
neyðarviðræður.
Meira en 64.000 manns fórust í
borgarastríðinu sem geisaði 1 tvo
áratugi á Sri Lanka. ■
Stjórnvöld t Úkraínu um mál meints stríðsglæpamanns:
Ihuga ákvörðun
Bandaríkjanna
Stjórnvöld í Úkraínu hyggjast taka
til athugunar ákvörðun bandarískra
stjórnvalda um að flytja meintan
stríðsglæpamann nasista til lands-
ins. Akvörðun um hvort hann fái
landvistarleyfi verður ekki tekin
fyrr en að athuguninni lokinni en
hún gæti jafnvel tekið mörg ár.
Bandarísk innflytjendayfirvöld
ákváðu á miðvikudag að senda
John Demjanjuk, 85 ára, aftur til
föðurlands sín Úkraínu en hann
hefur búið í Bandaríkjunum með
hléum síðan 1951 og er bandarískur
ríkisborgari. Demjanjuk er sakaður
um að hafa verið fangavörður í út-
rýmingarbúðum nasista í seinni
heimsstyrjöld.
Ekki með úkraínskan
rfkisborgararétt
Heimildarmaður innan stjórnkerfis
Úkraínu sagði AFP-fréttastofunni
að Demjanjuk hefði ekki úkra-
ínskan ríkisborgararétt og það væri
fullgild ástæða til að veita honum
ekki landvistarleyfi.
Sami heimildarmaður sagði að
það kæmi væntanlega í hlut leyni-
þjónustu ríkisins að taka ákvörðun
um hvernig brugðist verður við mál-
inu. Ef Úkraína neitar að taka við
Demjanjuk verður hann að öllum
líkindum fluttur til Þýskalands eða
Póllands.
Ekki er Ijóst hvort John Demjanjuk fái
landvistarleyfi 1 Úkraínu en Bandaríkja-
menn vilja flytja hinn meinta stríðsglæpa-
mann þangað.
Langar biðraðir mynduðust víð bensínstöðvar f Bagdad eftir að sú frétt barst út að
stærstu olfuhreinsistöð landsins hefði verið lokað.
Stœrstu olíuhreinsistöð íraks lokað:
íbúar í Bagdad
óttast bensínskort
Langar biðraðir mynduðust f gær
við bensínstöðvar í Bagdad eftir
að sú frétt barst út að stærsta olíu-
hreinsistöð íraks hefði verið lokað.
Olíuhreinsistöðinni í Beiji var
lokað 18. desember síðastliðinn af
öryggisástæðum.
Framleiðslugeta stöðvarinnar er
7-8 milljón lítrar af bensíni á dag
og hún er talin ein af mikilvægustu
hreinsistöðvum landsins að sögn
Ibrahim Bahar el-Ulom, olíumála-
ráðherra ríkisins.
Eftir að það barst út að stöðinni
hefði verið lokað mynduðust raðir
hundruð bíla við eina af stærstu
bensínstöðvum Bagdad-borgar
vegna ótta fólks um bensínskort.
AIi Moussa, 51 árs olíubílstjóri,
sagði að hann og félagar hans ynnu
við hættulegar aðstæður. „Við krefj-
umst þess að ríkisstjórnin tryggi
öryggi okkar og vernd,“ sagði hann.
„Birgðatankar Beji-stöðvarinnar
eru fullir og þar er enginn bensín-
skortur. Vandamálið er að bílstjórar
eru of hræddir við að aka nema þeir
njóti verndar," sagði Moussa.
Hilton-hótelin
í eina sæng
Bandaríska Hilton hótelkeðjan hefur
ákveðið að kaupa bresku Hilton
hótelkeðjuna fyrir 3,3 milljarða
punda (rúmlega 356 milljarða
íslenskra króna). Með samrun-
anum verður Hilton keðjan
sameinuð á ný í fyrsta sinn síðan
1964 þegar fyrirtækið klofnaði.
Síðan þá hefur bandaríska keðjan
rekið hótel um Bandaríkin en
breska keðjan hótel á Bretlandi
og annars staðar í heiminum.
Fækkun í
herafla
Suður-Kóreu
Þing Suður Kóreu samþykkti að
skera niður herafla sinn í Irak um
þriðjung. 3200 suður-kóreskir
hermenn eru nú í írak en verða
2300. Jafnframt var samþykkt að
framlengja dvöl hersveitanna
í landinu um ár eða til ársloka
2006. Suður-Kóreumenn hafa
hingað til haft þriðja stærsta her-
afla erlends rílds í landinu á eftir
Bandaríkjamönnum og Bretum.
Kona mótmælir áætlunum um aö
framlengja um ár dvöl suður-kóreskra
hersveita I frak.
Hótun berst
sendiráði
Bandaríkjanna
Sendiráði Bandaríkjanna í Kuala
Lumpur, höfuðborg Malasíu, var
lokað í gær af öryggisástæðum. Stað-
fest hefur verið að sendiráðinu barst
einhvers konar hótun en ekki liggja
fyrir nákvæmar upplýsingar um f
hverju hún var fólgin. Sendiráðið
verður lokað fram á þriðjudag en
þá verður metið hvort opna beri
það á ný. Loka þurfti sendiráðinu í
stuttan tíma í september á siðasta
ári eftir að því hafði borist bréf sem
innihélt hvítt duft. Duftið reyndist
vera harmlaust.
Mikið mann-
fall á Filipseyj-
um á árinu
Að minnsta kosti 2838 hermenn og
uppreisnarmenn féllu í átökum á
Filipseyjum á árinu sem er að líða
samkvæmt tölum frá hernum. Af
þeim sem féllu voru 723 hermenn
en 1810 uppreisnarmenn kommún-
ista. Uppreisnarmenn hafa barist
fyrir því í rúma þrjá áratugi að
maóísku ríki verði komið á lagg-
irnar f landinu. Abu Sayyaf-sam-
tökin sem eru róttæk samtök mús-
lima og íslamska frelsisfylkingin
misstu samanlagt nærri 300 félaga í
átökum. Ekki fylgir sögunni hversu
mikið mannfall varð í röðum lög-
reglumanna og óbreyttra borgara
vegna átaka á árinu.