blaðið - 14.01.2006, Blaðsíða 23

blaðið LAUGARDAGUR 14. JANÚAR 2006
VIÐTALI 23
Hvernig finnst þér Nýja fréttastöðin
hafa plumað sig?
„Ég hef alltaf dáðst að Stöð
2 og mönnunum sem komu
henni á laggirnar. Það var mikill
metnaður fólginn í því að setja upp
fréttastofu og fara í samkeppni við
Ríkisútvarpið sem hafði á þeim tíma
úr miklu meira að spila en þessir
menn. Það var ekki annað hægt en
að taka þessa samkeppni alvarlega
enda var keppt við okkur á faglegum
forsendum sem ég hef alltaf kunnað
vel að meta. Þegar Stöð 2 stóð illa og
uppi voru hugmyndir um að leggja
fréttastofuna niður þá hugsuðum
við með okkur að það versta sem
gæti komið fyrir Ríkisútvarpið
væri að eiga ekki alvöru keppinaut.
Stöð 2 er enn að gera góða hluti í
aðalfréttatíma sínum. En ég verð
að segja eins og er að það sem ég
hef séð af dagskrá Talstöðvarinnar í
sjónvarpi er 90 prósent útvarpsefni.
Það er gott að hafa þessa stöð þegar
eitthvað er að gerast og hægt er að
sjónvarpa beint án þess að grípa
til sérstakra ráðstafana. Það er fín
viðbót við íslenska fjölmiðlaflóru.
En þegar ekkert sérstakt er í gangi
þá er þetta útvarp í sjónvarpi.“
Heldurðu að stöðin lifi?
„Ég hef ekki hugmynd um það.
Eigendurnir verða að ákveða
hvað þeir vilja eyða miklum
peningum í hana. Ég hef ekki séð
áhorfskannanir en vísa í það sem
var skrifað í Víkverja fyrir nokkrum
dögum þar sem Víkverji hafði eftir
stórnmálamönnum að þeir fengu
aldrei nokkur viðbrögð eftir að hafa
komið fram á stöðinni, það væri eins
og enginn væri að horfa. Ég veit ekki
hvort þeir verða langlífir, það ræðst
af þolinmæði eigendanna gagnvart
þessu barni sínu.“
Hrist upp í RÚV
RÚVhefurfengið nýjan útvarpsstjóra
Pál Magnússon og menn segja að
hann hafi á stuttum tíma stimplað
sig rœkilega inn og það sjáist á
stofnuninni.
„Ég er sammála því. Ég held að
það hafi verið lífsnauðsynlegt
fyrir RÚV á þessum tíma að fá
sem útvarpsstjóra mann sem kom
utan frá, þekkti þennan heim og
stóð í rekstri sem stundum var
ekki auðveldur. Þannig maður sér
hlutina með allt öðrum augum en
við sem höfum meira og minna
alið allan okkar starfsaldur innan
stofnunarinnar. Nú er ég ekki að
lasta Markús Örn Antonsson sem
á sínum tíma gerði verulega mikið
fyrir þessa stofnun og var góður
útvarpsstjóri. En öðru hvoru þarf
að hrista upp í fyrirtækjum. Nú er
verið að hrista upp í okkur og það er
hið besta mál.“
Nú hefur Páll tekið að sér að lesa
fréttir, auk þess að sinna starfi
útvarpsstjóra. Fannst þér hann vera
aðfara inn á þitt svæði?
„Þetta er nú ekki flóknara en
svo að hugmyndin kom frá okkur
Elínu Hirst. Á sama tíma og Páll
kom hingað til starfa misstum við
einn helsta fréttalesarann okkar.
Fáir eru vanari fréttalesarar en Páll
Magnússon og okkur fannst sjálfsagt
og eðlilegt að biðja hann um að
taka þetta að sér. Það tók reyndar
talsverðan tíma að sannfæra hann
um að gera þetta.“
Hvernig finnst þér að hafa
fyrrverandi keppinaut sem
yfirmann þinn?
„Við Páll höfðum starfað saman
áður en hann byrjaði á Stöð 2 og
hittumst margoft sem keppinautar.
Við vorum að sjálfsögðu ekki
sammála um allt en skoðanaskiptin
voru heil. Ég kveið því ekki að fá Pál
sem yfirmann.“
Erfiðasta fréttin
Hverjum hefurðu lœrt mest af á
ferlinum?
„Ferilllinn slagar í 30 ár. Ég kom
hingað beint úr Háskólanum og
hafði þá aldrei unnið við fjölmiðla.
99..............................................................
Ég kom hingað beint úr Háskólanum og hafði þá aldrei unnið við fjölmiðla.
Þegar ég sé starfsumsóknir frá ungu fólki sem er vel menntað og jafnvel
með reynslu, þá áttta ég mig á því að efmín umsókn frá því fyrir tæpiega
30 árum væri þar á meðal þá myndi ég ekki taka hana til greina."
Þegar ég sé starfsumsóknir frá ungu
fólki sem er vel menntað og jafnvel
með reynslu, þá áttta ég mig á því að
ef mín umsókn frá því fyrir tæplega
30 árum væri þar á meðal þá myndi
ég ekki taka hana til greina. Maður
lærir af mörgum en á fyrstu árunum
voru það menn eins og séra Emil
Björnsson og Eiður Guðnason, sem
voru lykilmenn á fréttastofunni
þegar ég var að byrja og höfðu
mótandi áhrif á mig. Áf þeim góðu
samstarfsmönnum sem ég hef
unnið með í gegnum tíðina og fóru
til starfa á öðrum vettvangi þá nefni
ég Ögmund Jónasson sem er einn af
þeim mönnum sem var afskaplega
gaman að vinna með. Hann var
maður ákveðinna skoðana en þess
gætti aldrei í fréttaflutningi hans,
enda sagnfræðingur sem kunni
að vera hlutlægur í fréttaflutningi
sínum.“
Hefurðu einhvern tíma átt erfitt með
að lesafrétt?
„Það erfiðasta sem ég man eftir
var að lesa nöfn þeirra sem fórust í
snjóflóðunum á Flateyri og Súðavík.
Ég held að flestir fjölmiðlamenn sem
hafa fjallað um hörmungaratvik
muni þau alla tíð. Slik atvik verða til
þess að djúpar tilfinningar bærast
með fólki. Ég átti mjög erfitt með að
lesa listann án þess að röddin færi
að bresta."
Hefurðu gert alvarleg mistök?
„Allirgeramistök. Kannski varþað
vitlausasta sem ég gerði þegar ég var
með frétt frá Berlín á 25 ára afmæli
Berlínarmúrsins. Ég stóð fyrir
framan múrinn með hljóðnema og
sagði: „Hér hefur þessi múr staðið í
25 ár og ekkert bendir til annars en
að hann standi í önnur 25 ár“. Það
liðu rétt þrjú ár og þá var múrinn
fallinn. Á þessu getur fólk séð hversu
góður spámaður ég er.“
(hringiðu manniífsins
Hvernig hefurþér gengið að eiga við
stjórnmálamenn ístarfi þínu?
„Þar er ekki undan neinu
að kvarta. Ég hef aldrei lent í
stjórnmálamönnum sem hafa
verið með hótanir. Þeir hafa lýst
óánægju og ég hef rifist við marga
þeirra og margir hafa orðið reiðir,
stundum hafa þeir haft ástæðu til
en oftar hafa þeir ekki haft ástæðu
til. Stjórnmálamenn hringja eins og
aðrir og ég vil frekar að menn hringi
eða skrifi og segi hvað þeim finnst
frekar en að menn geymi atvikið
með sér og sjái stórt samsæri ef þeim
þykir seinna á sig hallað. En meðan
skammirnar koma úr öllum áttum
hef ég engar stórar áhyggjur."
Gremst þér þegar menn eru að
klína pólitískum skoðunum upp á
þigj
„Ég er löngu hættur að hugsa um
það og löngu hættur að láta það fara
í taugarnar á mér. Enda held ég að
menn séu hættir þessu að mestu. Ég
sat í stúdentaráði fyrir Vöku á sínum
tíma og átti marga ágæta vini sem
voru og eru í Sjálfstæðisflokknun
en ég hef ekki verið flokksbundinn
í meira en þrjátíu ár. Þegar ég ákvað
að gerast fréttamaður þá tók ég þá
ákvörðun að stjórnmálaþátttaka og
stjórnmálaafskipti væru úr sögunni.
Mér finnst eðlilegt að fréttamenn
séu ekki flokksbundnir.“
Þú ert þekktur maður. Því hljóta
að fylgja kostir og gallar. Hvað er
leiðinlegast?
„Þetta er orðið svo samofið mínu
daglega lífi að ég er hættur að taka
eftir því. Þegar ég er að versla með
dætrum mínum segja þær mér
stundum að mikið hafi verið horft á
mig. Það fer alveg framhjá mér. Ég
verð nánast aldrei fyrir óþægindum
af því að fólkþekkir mig. Oft heilsar
mér fólk sem ég þekki ekki og ég
heilsa til baka. Ég hef verið gestur
inni í stofu á heimili þessa fólks og
því finnst að það þekki mig og að
sjálfsögðu heilsa ég því. Það að vera
þekktur í þessu örsmáa samfélagi er
ekkert sérstaklega merkilegt."
Hefurðu einhvern tíma séð eftir að
hafa valið þérþetta starf?
„Já, ég hef gert það. Stundum
velti ég því fyrir mér að ég hefði
getað gert eitthvað annað við
líf mitt en það er hugsun sem
hvarflar ekki að mér lengur en í
fimm mínútur. Ég lærði sagnfræði
í Háskólanum og hefði væntanlega
haldið því áfram. Sagnfræði er
mjög góður undirbúningur undir
fréttamennsku vegna þess að menn
læra heimildarrýni og gagnrýna
hugsun sem er hverjum fréttamanni
afskaplega nauðsynlegt.
Nei, ég get ekki sagt að ég sjái
eftir að hafa farið þessa braut. Þetta
er svo skemmtilegur vinnustaður.
Manni finnst maður vera í hringiðu
mannlífsins. Manni finnst maður
vita allt, sem er náttúrlega tóm þvæla
því það er svo margt sem maður veit
ekki. En fyrir alla sem hafa áhuga
á samfélagi sínu og umhverfi og
þróun þess þá er þetta afskaplega
skemmtilegt starf. Fréttamenn
eiga að vera stéttlausir. Þeir eru
ekki beinir þátttakendur heldur
skoðendur samfélagsins og verða að
geta talað við alla í samfélaginu, frá
þeim lægsta til hins hæsta án þess
að setja sig í stellingar. Og það er
hverjum manni hollt."
kolbrun@bladid. net
Auglýsing um fasteignagjöld
7' Reykjavík áríð 2006
Álagningarseðlar fasteignagjalda í Reykjavík 2006 verða sendir út næstu daga
sem og greiðsluseðlar fyrstu greiðslu. Tollstjórinn í Reykjavik sér um innheimtu
gjaldanna.
Fasteignagjöldin skiptast í fasteignaskatt, lóðarleigu, holræsagjald, vatnsgjald
og sorphirðugjald.
Fjármálasvið framkvæmir breytingar á fasteignaskatti og holræsagjaldi elli- og
örorkulífeyrisþega eftir yfirferð skattframtala.
Þarf því ekki að sækja sérstaklega um lækkun eða niðurfellingu þessara gjalda.
Þeir sem fengu lækkun á fasteignaskatti og holræsagjaldi á liðnu ári, fá að
óbreyttum aðstæðum einnig lækkun á árinu 2006, að teknu tilliti til tekju- og
eignaviðmiðunar.
Skilyrði lækkunar eru að viðkomandi elli- eða örorkulífeyrisþegi eigi lögheimili í
Reykjavík og sé þinglýstur eigandi viðkomandi fasteignar og/eða geti átt rétt á
vaxtabótum vegna hennar skv. B-lið 68. gr. laga nr. 90/2003 um tekjuskatt og
eignarskatt.
Einungis er veitt lækkun vegna íbúðarhúsnæðis til eigin nota.
Borgarráð hefur ákveðið að tekjumörk elli- og örorkulífeyrisþega vegna
lækkunar fasteignaskatts og holræsagjalds á árinu 2006 hækki um 4% á milli
ára og verði eftirfarandi miðað við tekjur liðins árs:
100% lækkun:
Einstaklingar með tekjur allt að kr. 1.560.000.
Hjón meo tekjur allt að kr. 2.180.000.
80% lækkun:
Einstaklinqar með tekjur á bilinu kr. 1.560.000- til kr. 1.790.000.
Hjón meo tekjur á bilinu kr. 2.180.000- til kr. 2.440.000.
50% lækkun:
Einstaklingar með tekjur á bilinu kr. 1.790.000 til kr. 2.080.000.
Hjón með tekjur á bilinu kr. 2.440.000 til kr. 2.910.000.
Við álagningu fasteignagjalda nú í janúar verður afsláttur eili- og
örorkulífeyrisþega til bráðabirgða miðaður við tekjur ársins 2004. Þegar álagning
vegna ársins 2005 liggur fyrir í ágúst á þessu ári, verður afslátturinn endanlega
ákvarðaður og verða þá allar breytingar tilkynntar bréflega.
Umhverfissvið Reykjavíkurborgar, Skúlagötu 19, veitir allar upplýsingar
varðandi álagningu og breytingar á sorphirðugjaldi í síma 411 8500.
Einnig má leita upplýsinga með tölvupósti á netfangið sorphirda@reykjavik.is.
Orkuveita Reykjavíkur, Bæjarhálsi 1, veitir upplýsingar sem snerta álagningu og
breytingar á vatnsgjaldi í síma 516 6000.
Einnig má leita upplýsinga með tölvupósti á netfangið or@or.is.
Fjármálasvið Reykjavíkurborgar, Ráðhúsi Reykjavíkur, veitir upplýsingar um
álagningu annarra fasteignagjalda og breytingar á þeim í síma 411 3602.
Einnig má leita upplýsinga með tölvupósti á netfangið innheimta@reykjavik.is.
Gjalddagar ofangreindra gjalda umfram kr. 20.000 fyrir árið 2006 eru:
1. febrúar, 1. mars, 1. apríl, 1. maí, 1. júní og 1. ágúst.
Gjalddagi gjalda undir kr. 20.000 og gjalda þeirra gjaldenda er völdu
eingreiðslu fasteignagjaldanna er 1. maí.
Hægt er að leita upplýsinga um ofangreind atriði á heimasíðu
Reykjavíkurborgar.
www.reykjavik.is
Reykjavík, 14. janúar 2006.
Borgarstjórinn (Reykjavík.