blaðið - 30.03.2006, Blaðsíða 6

6 I INNLENDAR FRÉTTIR
FIMMTUDAGUR 30. MARS 2006 blaðið
Utvarpsstjórar sammála um
kosti sameinaðs dreifikerfis
Telja margfalt dreifikerfi ekki
vera neinum til hagsbóta. Ljós-
vakamiðlar eigi að keppa á sviði
dagskrárgerðar og efnisvals en
ekki ólíkra dreifikerfa.
Páll Magnússon, útvarpsstjóri,
og Ari Edwald, forstjóri 365, eru
sammála um að til mikils væri að
vinna við að því koma upp sam-
einuðu dreifikerfi á landsvísu
í stað þess að hver bauki í sínu
horni við þá iðju. Þetta kom fram
á fundi sem Heimdallur, félag
ungra sjálfstæðismanna í Reykja-
vík, boðaði til í gær til þess að
ræða fyrirliggjandi frumvarp um
breytt útvarpslög.
A ri Edwald sagði á fundinum að
sjálfsagt væri að ljósvakamiðlar
kepptu um hylli áhorfenda og
hlustenda með efnisvali, en taldi
ekki sjálfgefið að sú samkeppni
væri jafnframt á sviði dreifikerfa.
Uppbygging þeirra væri afar dýr,
en vandséð að neytendur væru
nokkru bættari við að þurfa að
velja á milli dreifikerfa eða að
koma sér upp margföldum bún-
aði til þess að geta nýtt efni, sem
dreift væri með mismunandi efni.
„Það væri þá nær að við legðum
saman í púkk við að koma upp
góðu dreifikerfi um land allt,“
sagði Ari og bætti því við að dreif-
ingarsamningar 365 og Skjás eins
væru nánast frágengnir.
Páll Magnússon, útvarpsstjóri,
kvaðst sammála þessu mati Ara.
„Við eyðum alltof miklum fjár-
munum í dreifikerfi og tækja-
búnað og dagskráin geldur fyrir.
Auðvitað á það að vera okkar
helsti starfi að halda úti metnað-
arfullri dagskrá og ef við getum
sparað okkur óþarfa útgjöld við
að koma upp margföldu dreifi-
kerfi græða allir.“
Deilt um markmið
nýrra útvarpslaga
Ekki var það þó svo að þeir Páll
og Ari væru sammála um allt á
ÚTVARP:

Páll Magnússon.
Bla6iö/lngú
fundinum frekar en við var að
búast. Páll sagði að sumir hefðu
orðið til þess að gagnrýna RÚV
fyrir að senda út afþreyingarefni
í stað þess að sinna menningar-
hlutverki sínu af fullum þrótti.
Hann teldi á hinn bóginn að
þetta tvennt gæti farið vel saman
og raunar mætti samtvinna af-
þreyingarefni og menningarlegra
efni í dagskrá þannig að hið vand-
aðra efni fengi meira áhorf og út-
breiðslu en ella.
Ari taldi á hinn bóginn sér-
kennilegt að stofnun, sem eyddi
2,5 milljörðum króna á ári, fengi
ekki nákvæmari leiðbeiningu í
lögum um markmið sín. „Það
hlýtur að koma skattgreiðendum
við hvernig fjármunum af þessari
stærðargráðu er varið."
Hvað ný útvarpslög áhrærir
sagði útvarpsstjóri að þau væru
RUV afar nauðsynleg. „Stjórn-
skipulagið er 80 ára gamalt og
það er einfaldlega úrelt og óskil-
virkt. Það má í raun kalla það
stjórnunarlegan bastarð, þar sem
Ari Edwald.
vald og ábyrgð fara ekki alltaf
saman og þetta verðum við að
laga. Með þessu frumvarpi verður
hins vegar tryggt að fjármunirnir
fari í það, sem þeir eiga að fara:
dagskrána." Á hinn bóginn taldi
Páll ekki að fjárhagur RÚV yrði
bættur með frumvarpinu, en
annar ávinningur vægi það upp.
Ari Edwald taldi á hinn bóg-
inn einsýnt að aukin skilvirkni
myndi skila sér í því að fjármunir
myndu losna innan stofnunar-
innar og þannig væri verið að
bæta samkeppnisstöðu RÚV.
Hann gaf hins vegar lítið fyrir að
það ætti að vera sérstakt markmið
með slíkri lagasetningu, að veita
fjölmiðlarisanum 365 samkeppni.
„Eg trúi því ekki, ef menn hafa
áhyggjur af einhverjum slíkum
vanda, að þá telji menn lausnina
felast í auknum ríkisrekstri. Ég
held að minnsta kosti að það sé
ekki almenn skoðun á þessum
fundi, þá hefur mikið breyst
síðan ég var í stjórn Heimdallar,“
sagði Ari.
Fjöldi blaða-
manna þrefald-
ast á 20 árum
Blaðamenn í Samtökum blaða-
og fréttamanna eru um þrefalt
fleiri nú en þeir voru árið 1985.
Þeir voru 669 um síðustu ára-
mót en árið 1985 voru þeir að-
eins 251.
Mjög hallar á konur í þessari
stétt því karlmenn eru þar um
þrefalt fleiri. Þetta kemur fram
í samantekt Hagstofu íslands
sem birt var í gær.
Þrátt fyrir að kynjahlutfallið
hafi heldur batnað frá árinu
1980 þegar fjórir af hverjum
fimm blaðamönnum voru
karlar, hefur hlutfallið staðið í
stað síðustu fimm ár.
Fuglaflensa.is
Sett hefur verið upp sérstök
heimasíða um fuglaflensu og
möguleg áhrif hennar. Það er
slökkvilið höfuðborgarsvæð-
isins sem hefur umsjón með
síðunni í umboði sveitarfélag-
anna sjö á höfuðborgarsvæðinu.
Markmið síðunnar er að auð-
velda íbúum aðgang að réttum
upplýsingum um fuglaflensu,
hvað verið er að gera, hvað ber
að varast og hvers má vænta.
Forsvarsmenn síðunnar vilja
taka það fram að með opnun
hennar er ekki verið að gera því
skóna að líkur á fuglaflensu hafi
aukist. Síðan er einungis gerð til
að auðvelda íbúum svæðisins að-
gang að upplýsingum.
tuglýsinj