blaðið - 30.03.2006, Side 18
FIMMTUDAGUR 30. MARS 2006 blaðið
18
Heimilis
hjálpin!
Það er fátt sem hefur staðist
tímans tönn eins vel og Kitchen-
Aid hrærivélarnar. Hönnunin
er nánast óbreytt frá fyrstu
dögum en samt sem áður er
hrærivélin alltaf jafn vinsæl.
Það má segja að það sem hafi
helst breyst í áranna rás sé að
litaúrvalið er orðið meira auk
nýrra aukahluta.
Árið 1908 þurfti Herbert Johnson
verkfræðingur á tæki að halda
sem blandaði saman brauðdeigi
hratt og vel. Lausnin var 80 lítra
hrærivél sem hann hannaði
sjálfur. Sjö árum síðar notuðu bak-
arar uppfinningu Herberts enda
fannst þeim hrærivélin auðvelda
vinnuna auk þess sem hreinlætið
var meira. Eftir fyrri heimsstyrj-
öldina var byrjað að framleiða
„H-5“ sem var fyrsta tegundin af
mörgum hrærivélum sem notuðu
svokallaða plánetuhreyfingu. Þá
hreyfist þeytarinn í eina átt en
skálin sjálf í aðra átt.
Eiginkonurnar fundu nafnið
Til að draga að sér nútíma húsmóð-
urina á þriðja áratug síðustu aldar
var einblínt á það í auglýsingum
að KitchenAid hrærði, hnoðaði,
blandaði, skæri og gerði margt
fleira. Nafnið KitchenAid á sér
skemmtilega sögu en það voru eig-
inkonur yfirmanna í Troy Metal
Products Company sem fundu
Það er fátt sem hefur staðist timans
tönn eins vel og KitchenAid hrærivél-
arnar.
þetta skemmtilega nafn. Á meðan
þær prófuðu vélarnar sagði ein
þeirra að henni væri nákvæmlega
sama hvað tækið væri kallað en
hún vissi að þetta væri besta heim-
ilishjálpin (kitchen aid) sem hún
hefði prófað. Or því varð nafnið
KitchenAid.
Mikið litaúrval
Á næstu árum minnkuðu eldhúsin
á heimilum fólks og að sama skapi
minnkuðu KitchenAid vélarnar
og urðu auðveldari í notkun. Á
þessum tíma þróuðu hönnuðir
KitchenAid þessa hefðbundnu
hrærivél sem hefur verið nánast
óbreytt til dagsins í dag. Á sjötta
áratugnum voru nýir litir kynntir
til sögunnar og enn þann dag í
dag má sjá nýja og fallega liti.
Fálkahúsinu * Suðurlandsbraut 8
;ími: 554 0655 • candc@simnet.is • www.cogc.is
opið: 10-18 virka daga • Lau: 11-17
Forvarnir hafa áhrif!
f byrjun sumars mun Sjóvá opna
Forvarnahúsið í Morgunblaðshús-
inu í Kringlunni. Forvarnahúsið
er fræðslumiðstöð þar sem gestir
fá fræðslu um þau lífsgæði sem fel-
ast í forvörnum á ýmsum sviðum
og til dæmis verður hægt að prófa
hvernig er að lenda í árekstri
á 6 kílómetra hraða, hvernig
er að velta bifreið auk þess sem
í húsinu verður margvíslegur
búnaður sem tengist forvörnum á
heimilum og í fyrirtækjum. Einar
Guðmundsson, forvarnafulltrúi
Sjóvá, segir að forvarnir hafi vafa-
laust áhrif á tjónatíðni.
„Við höfum verið með námskeið
fyrir unga ökumenn í sennilega tíu
ár. Við höfum fylgst með þessum
krökkum og borið saman tjónatíðni
þeirra fyrir og eftir námskeið,“ segir
Einar. „Það er allt að þrefalt lægri
tjónatíðni hjá krökkum sem koma á
námskeið þannig að við sjáum gríð-
arlegan árangur. Þetta eru yfirleitt
skynsamir krakkar og með réttum
leiðum er hægt að fá þau til að velta
örygginu meira fyrir sér. Sama má
segja um ýmis fyrirtæki sem við
höfum unnið með á svipaðan hátt
en tjónatíðnin hefur jafnvel lækkað
um 70-80% innan ákveðinna fyrir-
tækja. Við sjáum nú þegar árangur
og þetta hefur mikil áhrif fjárhags-
lega fyrir fyrirtæki. Forvarnir eru
því hagur allra.“
Einstaklingurinn skiptir máli
Forvarnahúsið verður um 300-400
fermetrar en þar við hliðina verður
fræðslusetur þar sem eru kennslu-
stofur og fleira til að bjóða hópa vel-
komna. Enda segir Einar að Sjóvá
taki við nokkrum hópum á viku í
Einar Guðmundsson: „Forvarnir eru
hagur allra."
fræðslu, bæði ungum ökumönnum,
grunnskólanemum og fyrirtækjum.
„Við höfum unnið að forvörnum á
mörgum sviðum undanfarin ár og
sjáum að það virkar að láta fólk upp-
lifa hluti til að koma forvarnarskila-
boðum til þeirra. Til dæmis passar
einstaklingur betur upp á að nota
belti og svo framvegis ef hann hefur
prófað veltibílinn. Við ákváðum að
víkka þetta út í Forvarnahúsinu og
vera með fjölskylduna í fyrirrúmi.
Ef hugsað skal um öryggi er best að
hugsa fyrst um öryggi sitt og sinna
nánustu. Það viðhorf er síðan víkkað
út í öryggi á heimilum, öryggi í um-
ferðinni, öryggi í frístundum og
vinnu. Við viljum koma þeim skila-
boðum áleiðis að einstaklingurinn
skiptir máli og þarf að passa upp
á sig,“ segir Einar og bætir við að
sennilega verði ákveðnir viðburðir
í Forvarnahúsinu þar sem fjölskyld-
unni er boðið að koma og kynna sér
öryggi heimilisins.
(samstarfi við slökkvilið
og Lýðheilsustöð
Samkvæmt Einari verður ekki
bara einblínt á umferðina í For-
varnahúsinu heldur líka öryggi á
BlaðiÖ/Frikki
heimili. „Til að mynda skoðum
við hvort flóttaleiðir séu í lagi á
heimilum, hvort reykskynjarar og
slökkvitæki séu í lagi, hvort hugað
sé nægilega að öryggi barnanna
og svo framvegis. Við verðum til
dæmis með eldhús þar sem við
sýnum klemmuvarnir, hættuna af
heitum pottum og annað sem er
hættulegt fyrir börn. Forvarnirnar í
Forvarnahúsinu verða sveigjanlegar
þannig að það sem við tökum fyrir
verður árstíðabundið. Fyrir jólin
munum við einblína á kertabruna
og flugeldaslys en á haustin á börnin
og skólann og svo mætti lengi telja.
Þá erum við í samstarfi við þá aðila
sem eru að vinna í þessu líka eins og
slökkviliðið, Lýðheilsustöð og fleiri,“
segir Einar upprifinn.
svanhvit@bladid. net
fn
MASTER
Glæsibæ / Álfheimum 74/ 104 Reykjavík / sími 540-2200 / www.masterbill.is