blaðið - 30.03.2006, Síða 20

FIMMTUDAGUR 30. MARS 2006 bla6ið
20 l
Hemlað á himnum
Blaðakona Blaðsins, Margrét H. Gústavsdótttir, reynsluekur bíl í
fyrsta skipti og byrjar á sannkölluðum lúxusdreka.
Ég get ekki sagt að ég sé vön því að prufukeyra bíla þó að ég hafi vissu-
lega bæði verið farþegi og setið undir stýri á ýmsum tegundum; allt frá
Bentley og Jagúar yfir í Lödu Sport. Það var því skemmtileg upplifun
að stíga inn í Lexus IS 250 og fá að bruna á honum um höfuðborgar-
svæðið, í jómfrúarferð minni í reynsluakstri í mildum regnúða einn
morgun í mars.
Ævintýrið byrjaði þegar umsjón-
armaður drekans kenndi mér að
opna bílinn og koma honum í gang.
Lexus IS gengur ekki fyrir lykli og
hvergi þarf að stinga neinu í hann
sem hlýtur að vera kostur því það
kemur í veg fyrir að rispur myndist
á honum. Innan á handfangi hurðar-
innar er snertiskynjari sem nemur
höndina og þá er hægt að kippa í og
opna. Þegar ég settist inn í bílinn
kom mér til hugar félagsheimilið
í myndinni Með allt á hreinu. Það
virkaði látlaust að utan en þegar
inn var komið blasti við heljarinnar
rými. Þannig er Lexus IS. Hann er
fallegri að innan en utan, þó vissu-
lega sé hann fagur að utan. Það er
eins og maður átti sig ekki á því
hverslags glæsikerra þetta er fyrr en
inn í bílinn er komið.
Hvert einasta smáatriði er út-
hugsað í þessum nýja Lexus og allt
virðist hafa verið hannað með það
fyrir augum að ökumanninum líði
sem best. Sætin eru fallega hönnuð
og sérlega þægileg. Þau eru rafstýrð
og með hita sem einnig er hægt að
stilla eftir þörfum og kulvísi. Stýrið
má líka hækka eða lækka og færa
fram eða aftur, allt eftir því hvað
ökumanninum finnst best. Reyndar
er stýrið hálfgert stjórnborð því þar
má m.a. skipta um gíra, fjarstýra
hljómflutningskerfinu, skipta á
milli upplýsinga á upplýsingaskjá og
skriðstilla.
Aksturseiginleikar
Ég ræsti bílinn með þvi að ýta á
hnapp og hann byrjaði strax að
mala eins og friðsælt ljón sem
vaknar af værum blundi. Setti í
bakkgír, renndi út úr stæðinu og
um leið gaf ég gírstönginni gaum en
í henni er bæði bein- og sjálfskipting
sem mjög einfalt er að flakka á milli
og það má fylgjast með gírskipting-
unni í mælaborðinu.
Við Lexus sigldum hóflega út úr
hlaðinu fyrir framan umboðið en
stefndum svo niður í miðbæ. Ég tók
strax eftir því hvað stýrið var þétt
og gott og hvað það fór vel í hendi.
Þetta var nánast eins og framleng-
ing á útlim, svo nákvæmt og hlýðið
var það. Óvenju gott grip. Þar sem
skiptiflipar eru staðsettir í stýrinu
þegar beinskipting er valin var líka
auðvelt að ímynda sér einhverja
ökumenn upplifa sig sem formúlu
eitt kappa, þar sem formúlu bílarnir
eru einmitt með svona útbúnaði í
stýrinu.
Ein merkilegasta upplifunin við
að aka þessum bíl var þó að stíga á
hemlana. Líkt og flest fólk dreymir
mig stundum að ég sé að fljúga en
svo stöðva ég ferðina í lausu lofti líkt
og Superman (eða Superwoman) án
mikillar fyrirhafnar. Þessa sömu
tilfinningu upplifði ég við akstur
bílsins, en hemlarnir eru ótrúlega
mjúkir og nákvæmir og eiga mjög
auðvelt með að hægja snögglega
eftir mikinn hraða án þess að maður
finni fyrir því.
Mælaborðið
Mælaborðið í Lexus IS 250 er kapít-
uli út af fyrir sig. Skjárinn, optitron,
er með 30% lituðu gleri, hvítri lýs-
ingu og hvítum LED vísinálum sem
lýsa dulúðlegri birtu um leið og
keyrt er undir brú eða inn í göng.
Afar smekklegt allt saman.
Vélin
Lexus IS virðist vera eins konar
blanda af sportbíl og lúxuskerru líkt
og prinsessa af Mónakóættum. Við-
bragð og vinnsla vélarinnar, sem er
208 hestöfl, er mjög gott og allt ger-
ist þetta á hljóðlátan og dannaðan
hátt líkt og þegar fáguð dama yfir-
gefurveislu.
Vélin er líka nánast hljóðlaus,
nema þegar komið er upp í 5000
snúninga, en þá byrjar hún að urra
eins og ljón með lokaðan munn, en
alveg án þess að öskra.
Lokaorð
Gallarnir á þessum bíl eru ekki
margir. Sá sem ég fann kannski mest
fyrir var sá að afturglugginn liggur
hátt sem gerir það að verkum að út-
sýni úr honum er ekki eins og best
verður á kosið. Kostirnir eru hins
vegar mjög margir og um þá má lesa
að ofan. Sumum gæti kannski þótt
það galli að bíllinn er heldur fallegri
þegar maður kemur inn í hann, en
mér finnst það kostur. Þó að maður
leggi út tæpar fjórar fyrir flottum
bíl þá þurfa ekki allir að vita það.
Margrét H. Gústavsdóttir
Jeppa- og vélsleðagalH
Jakki og buxur á 21.900 kr.
Gallinn er úr slitsterku næloni
og er allur fóöraður að innan
með hlýju vatteruðu lagi
og auk þess er rakalag.
Allir saumar límdir.
FYRIR PASKA
Scotchlite -
endurskin
á baki
Vindlok er við
alla rennilása.
Buxurnar eru meö
axlaböndum sem
eru hneppt með
leðurbótum við
buxumar.
Cordura -
slitefni á rassi m
og hnjám.
Thinsulate - flls
frágangur á hettu og
strekkingar til að loka
I miklu óveðri.
Mittisbelti
Hægt er að strekkja
með frönskum
rennilás um miðjuna
sem kemur í veg
fyrir vind upp
undir jakkann
eða ofan I
buxurnar.
Gjöf fyrir þann sem þér er hlýtt til.
Kletthálsi 3 I 110 Reykjavtk I Slmi 540 4900 I arctictrucks.is
ARCTIC
TRUCK5
General Motors býr í
haginn fyrir framtíðina
Þó bandarísku bílarisarnir gömlu
hafi íhaldssamt yfirbragð verður
General Motors ekki sakað um að
horfa ekki fram á veginn. Verkfræð-
ingar þeirra eru þegar farnir að und-
irbúa sig fyrir þann dag, sem bílar
verða knúnir með efnarafölum og
vélin verður inngreypt í bygginguna.
Um leið gera þeir ráð fyrir að stýris-
stangir og fetlar heyri fortíðinni til.
Nýverið lagði GM inn einkaleyfis-
umsókn þar sem undir húddinu er
ekki gert ráð fyrir neinum vélbúnaði
heldur einskonar álsvampi, sem á að
taka á sig megnið af áreksturshöggi
áður en það dynur á farþegarýminu.
Audi Q7 alltof vinsæll
Audi hefur tilkynnt að framleiðsla á
nýja Audi jeppanum, Q7, verði snar-
aukin á næstunni, en aðeins eru
nokkrar vikur síðan fyrstu eintökin
runnu út úr verksmiðjunum. Q7 er
ætlað að keppa við X5 jeppann frá
BMW og ekki er annað að sjá á við-
brögðunum en að þær fyrirætlanir
ætli að ganga vel eftir. Fyrirspurnir
og pantanir hafa verið mun meiri
en markaðsmenn Audi þorðu að
vona og hefur því verið ákveðið að
auka framleiðsluna um helming eða
úr 200 bílum á dag í 300. Talsmenn
Audi segja að þeim hafi borist 16.000
pantanir til þessa og ætla að salan
á árinu geti numið 70.000 bílum.
Tvær gerðir eru framleiddar af Q7,
annars vegar með þriggja lítra V6
hverfildísilvél og hins vegar með 4,2
lítra, átta strokka benzínorkuveri,
en vélarnar skila 233
Fleiri ofurbílar á
leiðinni frá Svíþjóð
Svíar hafa lengst af verið þekktir fyrir
örugga en eilítið óspennandi bíla.
Þetta kynni þó að vera að breytast.
Sænski ofurbíllinn Köningsegg hefur
vakið verðskuldaða athygli, enda er
þar ekki slegið af neinum kröfum,
hvorki hvað varðar verkfræði né
fagurfræði. Nú bíða menn spenntir
eftir öðrum sænskum ofurbíl, en
það er Bebi Quercianella. Gangi allt
að óskum mun hann veita Ferrari
og Lamborghini verðuga samkeppni
í haust. Bílaáhugamenn eru mjög
spenntir fyrir verkfræðinni að baki
bílnum, en spurst hefur út að hann sé
aðeins 525 kg á þyngd með 2,4 lítra V8
vél, sem á að ná um 525 hestöflum. Að
sögn framleiðandans er markmiðið
það að bíllinn komist úr kyrrstöðu
í hæsta leyfilega hraða í Svíþjóð á
innan við þremur sekúndum. Verðið
er ekki alveg á hreinu, en giskað er
á 12-15 milljónir íslenskra króna við
verksmiðjudyr.