blaðið - 13.05.2006, Side 8

8 I FRÉíTífc
LAUGARDAGUR 13. MAÍ 2006 blaöiö
John Murtha
Hernámsliðið
heim 2007
John Murtha, þingmaður demó-
krata í bandarísku fulltrúadeild-
inni, spáir því að bandaríska her-
námsliðið verði kallað heim frá
írak á næsta ári. Murtha segir að
annaðhvort muni George Bush,
forseti, láta undan þrýstingi al-
menningsálitsins fyrir næstu
kosningar og kalla hermennina
heim eða demókratar muni
vinna svo stóran kosningasigur
í þingkosningunum í nóvember
að forsetinn neyðist til þess að
fallast á kröfur þingsins.
Murtha, sem var ofursti í
Víetnamstríðinu, var fyrst kos-
inn á þing árið 1974 en í þeim
kosningum unnu demókratar
stórsigur vegna Watergate-
hneykslisins. Hann segir að
kosningarnar í nóvember verði
vendipunktur í bandarískum
stjórnmálum líkt og kosning-
arnar 1974 og 1994, en í þeim
siðarnefndu unnu repúblikanar
stórsigur. John Murtha hefur
verið talinn til þeirra demókrata
sem eru „haukar“ í utanríkis-
málum. Hann studdi innrásina
í Irak en vakti mikla athygli síð-
asta nóvember þegar hann varð
einn fyrsti þungavigtarmaður-
inn í bandarískum stjórnmálum
til að lýsa því yfir að Bandaríkja-
menn gætu ekki unnið stríðið í
írak og tími væri til kominn að
kalla herinn heim.
Angela Merkel vill „lífga
við" stjórnarskrá ESB
Kanslari Þýskalands telur nauðsynlegt að skera niður skrifstofubákn og reglugerðarveldi.
Angela Merkel, kanslari Þýskalands,
hefur heitið því að „endurlífga"
stjórnarskrá Evrópusambandsins
(ESB) sem tekin var af dagskrá
þess eftir ósigra í þjóðaratkvæða-
greiðslum í Frakklandi og Hollandi.
Kanslarinn telur og nauðsynlegt að
skrifstofuveldi sambandsins verði
markvisst skorið niður og að tryggt
verði að aðildarríkin geti sameinast
„um aðgerðir“.
Merkel lét þessi orð falla í ræðu er
hún flutti á þingi. Fréttaskýrendur
segja þetta fyrstu meiriháttar ræðu
hennar um Evrópumálin frá því
hún komst til valda í Þýskalandi.
„Enginn vafi er á því, að við
þurfum á stjórnarskrá að halda
til að tryggja skilvirkni Evrópu-
sambandsins," sagði kanslarinn í
ræðu sinni. Þjóðverjar táka við af
Finnum sem forsætisþjóð Evrópu-
sambandsins um áramót.
Merkel vék að því skrifstofu- og
reglugerðarveldi sem Evrópusam-
bandið hefði getið af sér. Lýsti hún
þeirri skoðun sinni að fækka bæri
reglum og reglugerðum á vettvangi
þess um fjórðung; þær ætti einfald-
lega að nema úr gildi. „Við verðum
fyrst og fremst að hugsa um almenn-
ing,“ sagði kanslarinn er hún ávarp-
aði neðri deild þýska þingsins. Kvað
hún fyrirliggjandi verkefni stjórn-
málaleiðtoga vera að sannfæra al-
menning, sem væri fullur efasemda,
um að Evrópusambandið kæmi að
miklu gagni á sviðum sem stæðu al-
þýðu manna nærri. Nefndi hún sér-
staklega atvinnu- og húsnæðismál.
Framkvæmdastjórn Evrópusam-
bandsins hefur lagt til að aðildar-
ríkin undirriti yfirlýsingu á næsta
ári þar sem upp verði talin þau
gildi sem þau eigi sameiginleg og
skilgreint verði hvert stefna skuli
á vettvangi þessa samstarfs. Slik yf-
irlýsing gæti, að mati framkvæmda-
stjórnarinnar, lagt grunn að breyt-
ingum á vettvangi stofnana ESB í
líkingu við þær sem lagðar voru til
í stjórnarskránni og Frakkar og Hol-
lendingar höfnuðu í fyrra.
Eftir ósigurinn í þeim kosningum
var stjórnarskráin í raun lögð á ís
þó svo að nokkur aðildarríki hafi
raunar lagt blessun sína yfir hana.
Merkel sagði í þingræðu sinni að
mál þetta yrði að leysa. Boðaði hún
að Þjóðverjarhyggðust taka ákveðið
frumkvæði í þessu efni. Hins vegar
væri ráðlegt að fara varlega. „Við
þurfum að hugleiða hvernig við
getum staðið að málum þannig að
stjórnarskráin skili tilætluðum ár-
angri. Ég vil að Evrópusambandið
eignist stjórnarskrá, þýska ríkis-
stjórnin vill að Evrópusambandið
eignist stjórnarskrá.“
Skoðanir um ágæti stjórnarskrár
eru mjög svo skiptar á vettvangi Evr-
ópusambandsins. Mörg aðildarríkj-
anna telja texta þann sem lagður
var fram i þjóðaratkvæðagreiðslu
í Frakklandi og Hollandi þann
besta sem möguleiki sé á að ná sam-
komulagi um. Önnur ríki vilja að
þvi verði lýst yfir að stjórnarskráin
heyri sögunni til.
Fyrr í vikunni lagðiþing Eistlands
blessun sína yfir stjórnarskrána og
hafa því 15 af 25 aðildarríkjum stað-
fest hana. Búist er við Finnar bætist
í þann hóp á næstu vikum.
Annan vill að Bandaríkjamenn
komi að vióræðum við Irani
Kofi Annan, framkvæmdastjóri
Sameinuðu þjóðanna, hvatti Banda-
ríkjamenn í gær til að taka upp form-
legar viðræður við írani varðandi
deiluna um kjarnorkuáform klerka-
stjórnarinnar í Teheran.
Annan, sem ávarpaði fund leið-
toga ríkja Evrópusambandsins og
Suður-Ameríku í Vín í Austurríki,
sagði að Bandaríkin þyrftu að
setjast að samningaborðinu með
ríkjum Evrópu og Irönum. Annan
sagði að viðræður við Irani án að-
ildar Bandaríkjanna væru þyngri i
vöfum en ella og taldi að ástandið
gerði að verkum að klerkastjórnin
sýndi ekki jafn mikinn vilja til þess
að koma til móts við alþjóðasamfé-
lagið en ella.
Yfirlýsing framkvæmdastjórans
kemur í kjölfar þess að Mahmoud
Ahmadinejad, forseti Irans, sendi
George Bush, forseta Bandaríkj-
anna, sögulegt bréf fyrr í vikunni.
Var litið á bréf íransforseta sem til-
raun til þess að koma á formlegum
samskiptum við Bandaríkin. Stjórn-
völd í Washington gerðu ljóst að þau
væru ekki reiðubúin til þess. Þau
hafna þó tvíhliða viðræðum við
klerkastjórnina á þeirri forsendu
að deilan um kjarnorkuáætlunina
sé á milli hennar og umheimsins en
ekki Irana og Bandaríkjanna.
I vikunni lýsti Sean McCormack,
talsmaður bandaríska utanríkis-
ráðuneytisins, því yfir að franir
hefðu nauðsynleg úrræði til þess
að koma skilaboðum áleiðis til ráða-
manna í Bandaríkjunum. Iranir
og Bandaríkjamenn hafa ekki átt í
stjórnmálasambandi frá árinu 1980
og hefur sendiráð Sviss í Teheran
gegnt hlutverki milliliðs í tengslum
ríkjanna.
Wolfgang Schuessel, kanslari Austurríkis, ræðir málin við Kofi Annan, aðalritara Samein-
uðu þjóðanna
Yfirburdafellihýsi
Rýmið í fellihýsum gerist ekki betra en í Fleetwood, rúmstæðin
taka ekki pláss frá gólfplássi og ferðalagið verður hreinn lúxus.
Tjalddúkurinn er með öndunareiginleika sem gerir það nær
ómögulegt að hann slagi.
Opið
virka daga 10-18
laugardaga 10-16
sunnudaga 12-16
EVRÓ
Grandagarði 2, sími 580 8500
Reuters