blaðið - 30.06.2006, Síða 4

4
4 I FRÉTTIR
FÖSTUDAGUR 30. JÚN{ 2006 blaðið
Hestamönnum
tryggt símasamband
Síminn hefur komið upp tveimur
færanlegum GSM-stöðvum við
Vindheimamela í Skagafirði þar
sem Landsmót hestamanna fer nú
fram. Með því hefur fyrirtækið
tífaldað afkastagetu kerfisins, sam-
kvæmt tilkynningu frá Símanum í
gær.
Þetta er gert til að mæta aukinni
farsímanotkun á svæðinu. Það er
ekkibaraþannigað landsmótsgestir
þurfi að geta hringt í vini og vanda-
menn, heldur er GSM-samband nú
orðið afar mikilvægt fyrir þá sem
selja vörur og þjónustu. Ástæðan er
sú að peningar eru nánast horfnir
úr umferð í kjölfar gríðarlegrar
kortavæðingar landans. Því þurfa
þeir sem selja vörur og þjónustu á
Vindheimamelum sífellt meira að
treysta á GSM-posa svo þeir geti
fengið greitt fyrir vöru sína.
Heildartekjur
ríkissjóðs 96,5
milljarðar
Heildartekjur ríkissjóðs námu 96,5
milljörðum króna á fyrsta fjórðungi
þessa árs samkvæmt bráðabirgða-
tölum frá Hagstofu Islands. Sam-
kvæmt sömu tölu var tekjujöfnuður
jákvæður um 18,5 milljarða króna.
Tekjur hafa aukist um 17,7% frá
sama fjórðungi fyrra árs en gjöld
um 6,4% og hefur afkoman því
batnað talsvert.
„Tekjur sveitarfélaganna á 1. árs-
fjórðungi eru áætlaðar 27,9 millj-
arðar króna, rekstrargjöld eru
áætluð 27,8 milljarðar og virðist
rekstrarniðurstaðan því hafa orðið
jákvæð um 0,1 milljarð. Þetta er lak-
ari niðurstaða en í fyrra þar sem
gjöldin hafa hækkað meira en tekj-
urnar,“ segir í fréttinni.
Svafa Grönfeldt, aðstoðarforstjóri Actavis
Group, afhendir Guðrúnu Agnarsdóttur,
forstjóra Krabbameinfélagsins, styrkinn.
Krabbameins-
félagið fær 10
milljónir
Actavis afhenti í gær Krabbameins-
félagi fslands tíu milljónir króna að
gjöf. Var gjöfin afhent í húsi Krabba-
meinsfélags íslands en í gær átti
félagið 55 ára afmæli. Guðrún Agn-
arsdóttir, forstjóri Krabbameinsfé-
lagsins, tók við gjöfinni og þakkaði
fyrir þá miklu velvild sem Actavis
sýndi félaginu. Guðrún sagði að
gjöfin kæmi að sérstaklega góðum
notum til að styrkja hin fjölmörgu
verkefni félagsins. Svafa Grönfeldt,
aðstoðarforstjóri Actavis, sagði við
afhendinguna að stjórn fyrirtækis-
ins hefði ákveðið að styrkja félagið
á þessum tímamótum í viðurkenn-
ingarskyni fyrir áratuga starf í þágu
baráttunnar gegn krabbameini.
Vaxandispenna á Gaza
(kjölfar þess að ísraelskar hersveitir réðust inn á Gaza-svæðið aðfaranótt miðvikudags hefur spenna þar vaxið og óttast margir að
ástandið fari úr algjörlega úr böndunum með þeim afleiðingum að aðrar þjóðir dragist inn í átökin. fsraelsmenn hófu aðgerðirnar
til þess að frelsa nítján ára gamlan hermann sem herskáir palestínskir vígamenn rændu um síðustu helgi. (sraelskir hermenn hafa
handtekið átta ráðherra í ríkisstjórn Hamas og tugi þingmanna þeirra. Háttsettir embættismenn innan palestínsku heimastjórnarinn-
ar segja að svæðið sé stjórnlaust og algjör glundroði ríki. fsraelsmenn hóta áframhaldandi aðgerðum verði hermanninum unga ekki
sleppt úr haldi.
Fjórði góðgerða-
dagurinn
Gera má ráð fyrir að mikið fjör
verði við Smáralindina á mánudag-
inn þegar um 1600 gestum verður
boðið í Tívolí verslunarmiðstöðv-
arinnar. Um er að ræða börn og
fylgdarlið allra aðildarfélaga frá
Umhyggju, sambýlum, BUGL og
fleirum. Dagurinn verður haldinn
með sama sniði og síðustu ár og
verður öllu stýrt á þann hátt að allir
geti notið sín hvort sem um er að
ræða einstakling sem þarf á mikilli
hjálp að halda eða ekki og verða því
hjúkrunarfræðingar á svæðinu.
Þetta er í fjórða skipti sem Tívoí
Smáralind heldur slíkan góðgerða-
dag. I fyrra mættu um 1.200 gestir
og var þá mikið fjör, en um 1.600
einstaklingar hafa þegið boðið um
að mæta að þessu sinni.
„Mörkin yrðu sett ofar en
gildandi hámarkshraði"
Einar M. Magnússon, upplýsingafulltrúi Umferðarstofu segir uppsetningu hraðahemla
vera meðal fjölda hugmynda sem skoðaðar eru til að uppræta alvarleg umferðarslys.
Eftir Atla fsleifsson
Skýr fyrirmæli hafa borist frá sam-
gönguráðherra um að Umferðarstofa
geri sérstaka könnun á möguleikum
þess að setja upp hraðahemla í bíla,
að sögn Einars Magnúsar Magnús-
sonar, upplýsingafulltrúa hjá Umferð-
arstofu. „Við munum að sjálfsögðu
ekki víkjast undan því. Þetta er ekki
enn komið í formlegan farveg, en á
hverju ári skoðar Umferðarstofa fjöld-
ann allan af hugmyndum og leiðum
til þess að uppræta alvarleg umferð-
arslys. Það getur snúið að breytingu
á umferðarlögum, tæknibúnaði og
alls kyns uppfinningum sem verið
er að gera tilraunir með erlendis.
Hraðahemlar eru meðal þessara
hugmynda.“
Af fyrirsögn fréttar Blaðsins á
mánudaginn um hraðahemla í
bílum hefði mátt skilja sem svo að
uppi væru hugmyndir um það hjá
Umferðarstofu að tryggt yrði með
slíkum búnaði að bílar kæmust ekki
hraðar en 90 km á klukkustund.
Þetta er ekki rétt, eins og kom fram
í viðtali sem fylgdi fréttinni við Einar
Magnús Magnússon, upplýsingafull-
trúa Umferðarstofu. „Ef af þessu
verður munu mörkin án efa verða
sett ofar en gildandi hámarkshraði.
Hraðahemlar eru einungis einn af
mörgum möguleikum sem koma
til greina varðandi það að uppræta
alvarleg umferðarslys. Við köllum
eftir skynsamlegri og fordómalausri
umræðu um þessar hugmyndir og
aðrar sem geta vonandi orðið til þess
að bjarga mannslífum,“ segir Einar
Magnús.
Getur þurft að fara hraðar en 90
Einar Magnús segir að það segi sig
sjálft að ef hraðahemlar yrðu settir
upp í bíla og mörkin sett við 90 km
hraða og ekkert umfram það, gætu
skapast ákveðnar hættur og erfið-
leikar í umferðinni. „Þó að menn
hafi ekki lagalega heimild til þess að
fara fram yfir 90 km hraða við fram-
Einar Magnús Magnússon
úrakstur, t.d. áþjóðvegum í dreifbýli,
þá geta skapast ákveðnar aðstæður
þar sem ökumenn neyðast til að fara
fram yfir löglegan hámarkshraða.
Svo geta ökumenn þurft að viðhafa
svokallaðan neyðarakstur, t.d. til
móts við sjúkrabíl með sjúkling eða
slasaðan einstakling, og þá getur
þurft að fara fram yfir leyfðan há-
markshraða. f 8. gr. umferðarlaga
kemur fram að ökumenn hafi heim-
Mynd/Július
ild til þess í neyðartilfellum, en þá
þarf að merkja bílinn með hvítri
veifu að framan og gera lögreglu við-
vart. Hafa ber i huga að ábyrgðin er
þó alltaf ökumannsins, líkt og þegar
lögreglubifreiðar eða sjúkrabifreiðar
viðhafa forgangsakstur.“
Furðulegt viðhorf
Einar Magnús segir að ýmislegt þurfi
aðskoðaogmetavarðandiþannmögu-
leika að setja upp hraðahemla í bíla.
„Það eru ótal mörg atriði sem þarf að
skoða varðandi tæknilegar útfærslur
á þessu. Auk margs annars þarf t.d.
að skoða vel við hve mikinn hraða
umfram löglegan hámarkshraða eigi
að miða hraðatakmörkunina.“
Einar Magnús segir að nú sé lög-
reglan að taka í gagnið fleiri hraða-
myndavélar. „Það getur vel verið að
sú aðgerð fullnægi kröfum okkar
um bætta umferðarmenningu. Það
er hins vegar furðulegt viðhorf sem
fram hefur komið í þessari umræðu,
að möguleg uppsetning hraðahemla
væri skerðing á persónufrelsi. Það
er líkast því að segja að uppsetning
þjófavarna í skartgripaverslunum
sé skerðing á persónufrelsi þess sem
ætla að brjótast inn 1 verslunina.“
Tilraunir erlendis
I Bretlandi hafa verið gerðar tilraunir
með að koma upp aðvörunarkerfi í
bíla. Sérstakt GPS-staðsetningartæki
er tengt við ákveðinn kortagrunn.
„Ef ökumaður keyrir um hverfi þar
sem er 30 km hámarkshraði, þá
kemur upp aðvörun í bílnum um
að hann sé að keyra of hratt. Það er
tækni sem getur vel verið að okkur
hugnist betur en margt annað. Aðal-
atriðið í þessu er að taka úr umferð
það sem kallast ofsaakstur. Hættuleg-
ustu einstaklingarnir eru ekki þeir
sem eru að keyra um á „rétt rúmlega“
hámarkshraða,“ segir Einar Magnús.
Að sögn Einars myndi það breyta
viðhorfi margra ökumanna ef þeir
ynnu á slysaskráningu Umferðar-
stofu f nokkra daga. „Þar kemur í ljós
ýmislegt sem af tillitssemi við fólk
birtist ekki í fjölmiðlum, svo sem or-
sakir, afleiðingar og hvers eðlis slysin
eru. Lögregla, læknar, sjúkraliðar og
fleiri vilja allt til þess vinna að þessar
hörmungar verði teknar af vegum og
götum landsins.“
atlii@bladid.net