blaðið - 30.06.2006, Blaðsíða 18
18 I VIÐTAL
FÖSTUDAGUR 30. JÚNÍ 2006 blaöiö
Það er ekkert aö hræöast
f hjarta borgarinnar, fyrir ofan
verslunina Pelsinn, í skjóli við
Dómkirkjuna hafa þrjár ungar
konur komið sér vel fyrir í björtu
skrifstofuhúsnæði. Þær halda
úti líflegri vefsíðu í sumar sem
ber þann skemmtilega titil Lata
stelpan. Þær Ugla Egilsdóttir,
Rakel Adolphsdóttir og Elín
Björk Jóhannsdóttir eru allar
miklir femínistar sem hafa
sterkar skoðanir á hlutunum.
Þeim fannst vanta vefrit sem skoð-
aði borgina og samfélagið allt í
gegnum kynjagleraugu og þær
sóttu því um skapandi sumarstörf
á vegum Hins hússins til að vinna
verkefnið.
Rakel Adolphsdóttir fékk hug-
myndina að Lötu stelpunni. „Hug-
takið femínismi hefur oft yfir
sér neikvæðan blæ í samfélaginu.
Okkur langar að breyta þeirri ásýnd,
kynna femínisma á jákvæðan hátt í
víðu samhengi og sýna fólki á öllum
aldri að það sé ekkert að hræðast
þegar feminisma ber á góma. Okkur
datt í hug að þetta gæti verið mjög
skemmtileg sumarvinna og úr því
að borgin býður upp á þessi skap-
andi sumarstörf þá fannst okkur til-
valið að sækja um. Við þrjár vinnum
því við þetta í sumar og erum hæst-
ánægðar með það,“ segir Rakel.
Ekki einsleit hugmyndafræði
Þær Ugla, Elín og Rakel eru allar í
ungliðahópi Femínistafélagsins og
gegnir Rakel embætti ráðskonu þar
á bæ. Félagið hefur verið duglegt að
berjast gegn klámvæðingunni, hlut-
gervingu kvenna í auglýsingum og
kynbundnu ofbeldi svo fátt eitt sé
nefnt og er nóg verk eftir .óunnið.
,Það er margt agressívt að gerast í fem-
ínisma í dag og það er nauðsynlegt
að hafa svolitla hörku í baráttunni.
Við viljum þó líka sýna kátínuna og
hversu skemmtilegt það er í raun að
vera femínisti í dag. Við munum t.d.
birta greinar um kynbundið ofbeldi,
klám og annað slíkt þó bjartsýnari
greinar séu i aðalhlutverki. Við
reynum líka að vera auðskiljanlegar
og notum ekki flókin hugtök nema
við skýrum þau út,“ segir Elin.
Stelpurnar hafa lengi verið með-
vitaðar um jafnréttisbaráttuna. Þær
Elín Björk Jóhannsdóttir, Rakel Adolphsdóttir og Ugla Egilsdóttir. BlalMtemrHugi
Lata stelpan er feminískt vefrit. Nafnið vísar til bókar eftir Emil Ludvik. í upphafi bók-
arinnar er aðalpersónan illa þrifin og hugsar lítið sem ekkert um húsverkin. Kötturinn
hennar neyðir hana ímeikóver og eftirþað breytist hún íofurhúsmóður. Ritstjórn Lötu
stelpunnar finnst sagan táknræn fyrir kraftinn sem samfélagið setur í að uppfylla staðal-
ímyndir. Pennar vefsíðunnar leita fjölbreyttra leiða til að koma á kynjajafnrétti og miðla
þeim hér."
(www.latastelpan.is)
voru allar að ljúka stúdentsprófi frá
MH nú í vor og má segja að áhugi
þeirra á femínisma hafi kviknað
þar fyrir alvöru. „ Þegar við vorum
að byrja í menntaskóla þá voru eldri
krakkar í skólanum sem opnuðu
augu okkar fyrir mikilvægi jafnrétt-
ismála. Að einhverju leyti viljum við
gera það sama fyrir yngri krakka og
þeir gerðu fyrir okkur á sínum tíma,“
segir Elín.
Þær leggja áherslu á að femínism-
inn sé langt frá því að vera einsleit
hugmyndafræði.
„Femínistar eru mjög fjölbreyttur
hópur og deila oft sín á milli um
markmið og aðferðir, t.d. hvað
varðar súlustaði, klám og annað
slíkt. Fólk er bara alls ekki sammála
BORN & UPPELDI
Þriðjudaginn 4. Júií
blaöió
Auglýsendur, upplýsingar veita:
Kolbrún Ragnarsdóttir • Simi 510 3722 • Gsm 848 0231 • kolla@bladid.net
Magnús G Hauksson • Sími 510 3723 • Gsm 691 2209 • maggi@bladid.net
um það hvernig skuli ná fram
jafnrétti þó allir geti tekið undir
að jafnrétti skuli ríkja í samfélag-
inu,“ segir Rakel.
Viðtökurnar góðar
Stelpurnar eru ánægðar með
þær góðu viðtökur sem Lata
stelpan hefur fengið.
„Okkur hefur verið ákaflega
vel tekið - kannski svona éinn
af hverjum tíu sem finnst við
eitthvað vafasamar en allir
hinir níu hrósa okkur fyrir
síðuna,“ segir Rakel.
Lata stelpan fær meira að
segja öðru hverju ástarbréf
inn um lúguna í miðborg-
inni. „Við fáum mikið af að-
dáendabréfum og fellum oft
tár yfir því hversu hjartnæm
þau eru,“ segir Ugla, kát
með athyglina góðu. Rakel
telur að flestir átti sig á því
að það sem þær séu að gera með
vefritinu sé mjög mikilvægt fyrir
jafnréttisbaráttuna. „Ég held það
sé líka mjög mikilvægt og þarft að
koma boðskapnum áfram til nýrra
kynslóða. Það hefur komið bakslag i
jafnréttisbaráttuna síðustu ár og því
nauðsynlegt að kynna þessar hug-
myndir í nýju samhengi fyrir yngra
fólki.“
Nú er 19. júní nýafstaðinn og því
jafnréttið ofarlega i hugum margra
þessa dagana. „19. júní heppnað-
ist sérlega vel í fyrra en þetta árið
fannst mér dagurinn og boðskapur
hans fara svolítið fyrir ofan garð og
neðan. Það er enn mjög margt sem er
að í samfélaginu og jafnrétti er alls
ekki náð. Okkur miðar ansi hægt og
því verðum við að standa vaktina
og vera dugleg að þrýsta á um breyt-
ingar,“ segir Rakel. Aðspurðar segja
þær Ugla, Elín og Rakel að strákar
hafi tekið þeim ágætlega. „Flestir
VjB«0»r úJfaidani
u,i%l
Jj*
^ / >1
fe£5«KSisr
-■^^sxaaBaswaKs-.«M.,«.,
strákar í lífi
okkar hafa tekið Lötu stelpunni
vel. Sumir strákar halda því fram að
femínistar séu ógnvekjandi og stór-
hættuleg kvendi sem séu að taka
störf af körlum. Við þekkjum samt
nokkuð marga karlkyns femínista
og flestir vinir okkar eru mjög jafn-
réttissinnaðir,“ segir Elín.
Burt með staðalímyndir
Lata stelpan reynir eftir fremsta
megni að vera með sem fjölbreyttast
efni. Þar er hægt að finna lítil viðtöl
við fólk á götunni, greinar um listir
og menningu og smásögur svo fátt
eitt sé nefnt. „Við erum með marga
gestapenna og skrifum líka mikið
sjálfar. Aðalatriði ritstjórnarstefn-
unnar er að hafa efnið sem fjölbreytt-
ast og að það nái til sem flestra. Við
hvetjum líka fólk sem er ósammála
okkur til þess að skrifa svo lengi
sem það er ekki niðrandi fyrir einn
eða neinn,“ segir Rakel.
Þó sumarið líði undir
lok þá ætla stelpurnar
þrjár alls ekki að leggja
árar í bát að því loknu.
„Reykjavíkurborg greiðir
okkur laun út júlí fyrir
verkefni en við ætlum
að sjálfsögðu ekki að láta
Lötu stelpuna lönd og
leið og við munum halda
áfram að uppfæra vefinn.
Okkur þykir svo vænt um
þetta hugarfóstur okkar
að við getum ekki sleppt af
því hendinni," segir Rakel.
Þær telja ekki vanþörf á að
skera upp herör gegn stað-
alímyndum í samfélaginu
og segjast verða áþreifan-
lega varar við hvernig reynt
sé að steypa konur í sama
mót. „Staðalímyndirnar eru
út um allt og neikvæð um-
ræða um konur er áberandi.
Það er talað allt öðruvísi við
konur í fjölmiðlum en karla. Á dög-
unum sáum við t.d. viðtal við unga
tónlistarkonu og uppistaðan i spurn-
ingunum sem hún fékk snerist um
hvort hún ætti kærasta eður ei og
hvað það væri merkilegt að hún
kynni að spila á gítar,“ segir Rakel.
Lata stelpan.is er sérlega glæsileg og
lífleg í útliti. Stelpurnar þakka góð-
vini sínum Kára Hreinssyni fyrir
ómetanlega aðstoð við alla tölvu-
vinnu. „ Hann hefur verið okkur
mikil stoð og stytta í öllum tölvu-
málum og hann á mestan heiðurinn
af vel heppnuðu aðgengi síðunnar.
Áður en langt um líður munum við
svo líka setja inn greinar um tónlist
og meira myndefni sem við hvetjum
fólk til að kynna sér,“ segja þessar
kátu stúlkur að lokum.
hilma@bladid.net