blaðið - 20.01.2007, Qupperneq 18

blaðið
blaöi
Útgáfufélag:
Stjórnarformaður:
Ritstjóri:
Fréttastjórar:
Ritstjórnarfulltrúi:
Árog dagurehf.
SigurðurG.Guðjónsson
Trausti Hafliðason
Brynjólfur Þór Guðmundsson og
Gunnhildur Arna Gunnarsdóttir
Elín Albertsdóttir
Misnotkun
á Netinu
Netið er óvæginn miðill. Þar er margt ljótt sagt sem enginn dirfðist að
segja frammi fyrir persónunni sjálfri. Siðferði á Netinu er því ekki í takt
við siðferðið almennt. Því miður er alls kyns viðbjóðslegt efni öllum að-
gengilegt á Netinu, jafnt börnum sem fullorðnum. Þá hafa mörg sakamál
komið upp þar sem ljóst þykir að barnaníðingar hafi nýtt sér Netið til
að ná sambandi við börn og unglinga og allnokkrir karlmenn hafa verið
handteknir með fulla tölvu af klámmyndum af börnum. Það er sorglegt
að Netið, sem í sjálfu sér er algjörlega frábær heimur, skuli vera misnotað
á þennan hátt. Einnig eru mörg dæmi til um að Netið hafi lagt líf fólks í
rúst eftir að myndir hafa verið settar þar inn. Spurning hvor sé meiri saka-
maður, sá sem dreifir slíku efni eða gerandi á mynd. Netverjar eiga ekki að
dæma fólk, til þess höfum við lög og reglur. Það er líka umhugsunarefni
hvernig siðferði fólks er almennt þegar litið er til þess að það skuli yfirleitt
hafa áhuga á að setjast fyrir framan tölvu til að horfa t.d. á perragang trú-
boða í kynlífsmynd sem gengur manna á milli á Netinu. Ógeðið flæðir yfir
netheima og þeir sem þess óska eiga greiðan aðgang að því. Ömurlegt!
SAFT, vakningarverkefni Heimilis og skóla auk auglýsingastofa og
fjölmiðla, hefur nú tekið höndum saman um að bæta siðferðið á Netinu
í herferð um jákvæða og örugga notkun barna og unglinga á Netinu og
tengdum miðlum sem verkefnið stendur fyrir. Markmiðið með herferð-
inni er að hvetja til heilbrigðari samskipta á Netinu með einföldum reglum
sem kallast lykilorðin fimm. Þetta eru ósköp einföld lykilorð eins og þetta:
„Allt sem þú gerir á Netinu endurspeglar hver þú ert“.
Það ber að fagna þessari herferð því hún er löngu tímabær. Um heim
allan hafa menn áhyggjur af börnum gagnvart Netinu. Það eru þó fyrst
og fremst foreldrar sem verða að fylgjast með hvað börn þeirra aðhafast
á Netinu. í ábendingum til forráðamanna barna sem fram koma á Lög-
regluvefnum má sjá að ekki er talið æskilegt að ung börn séu nettengd
í herbergjum sínum enda, eins og segir á vefnum, „hefur borið á því að
óprúttnir náungar lokki til sín börn á spjallrásum með ýmislegt misjafnt
í huga“.
Áður var það brýnt fyrir börnum að fara ekki inn í ókunnugar bifreiðar.
Það er vitaskuld enn í fullu gildi en það er ekki nóg; perrarnir hafa nú, því
miður, aðgang að heimilum fólks í gegnum tölvurnar. Foreldrar ættu því
að vera mjög vakandi yfir netnotkun barna sinna og kenna þeim helstu
varnir á Internetinu. Þá er góð regla að staðsetja heimilistölvuna í opnu
rými þar sem auðvelt er að fylgjast með skjánum.
Allir ættu að taka þátt í herferð Heimilis og skóla og bæta siðferði sitt á
Netinu, hvort sem það er á bloggsíðum, spjallrásum eða annars staðar.
Gerum perrana brottræka úr netheimum.
Elín Albertsdóttir
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
Hugurinn ber
þig alla leið
18 LAUGARDAGUR 20. JANÚAR 2007
EF-riR. MRK&Tin VíK\Ja Srrnív A PLbÍUGí, Mr SfM 'TrhdST
VAF $ Í.EVFA SKKLPi Kh&rUN A SiöUV/UÍPSEFUi
tzmy? sm uuurmiL af nuaiÝSimn-rEKjuM epa zfov,
GWF ALKlEUNÍfiQUH MiNS UoKTT Ynk
Vi&VöLLiVN OQ VoURP AP TtfrTUFXit) ttm~i StGitnV
Breytum Alþingi
Þá eru jólin loks liðin og við al-
þingismennkomnirafturtilbyggða.
I þetta sinn á þing að standa í tvo
mánuði en eftir það verður hlé á
þinghaldi í rúmlega 6 mánuði. Því
valda auðvitað kosningarnar að
hluta en það vekur líka athygli á
fráleitum starfstíma Alþingis. Sagt
er að fjórar góðar ástæður séu fyrir
því að vera á þingi: júní, júlí, ágúst
og september.
Þó starfar Alþingi í álíka margar
klukkustundir á ári og þingin í
nágrannalöndunum og afgreiðir
jafn mörg mál. Hér er það bara
gert á miklu færri mánuðum, með
handarbökunum í törnum og tíma-
pressu í stað þess að vinna eins og
fólk. Enda er ríkisstjórninni um-
hugað um að losna við þingið heim
eins fljótt og hægt er á hverju ári
svo hún geti haft sína hentisemi.
Þegar ég lenti í fyrstu þingskorp-
unni fyrir þremur árum í fjárlaga-
nefnd var maður að heiman meira
og minna, en til að slá á samvisku-
bitið sagði ég elstu stelpunni okkar
að svo yrði jólaleyfi og var spurður
hve langt það væri. Þegar ég svar-
aði að það væri fram í lok janúar
spurði grunnskólabarnið hvenær
við hættum í vor og þegar ég svar-
aði fyrri hluta maí gall í henni: Og
eruð þið þá í páskafríi þarna á milli!
Bragð er að þá barnið finnur.
Málþóf og meirihlutaofbeldi
Þetta vitlausa verklag leiðir auð-
vitað af sér mistök við lagasetningu
og skortur á samfellu í störfum
þings bitnar á gæðum stefnumörk-
unar. Það leiðir líka til þess að of-
bjóði minnihlutanum meirihluta-
ofbeldi getur hann með umfjöllun
sinni um mál dregið mjög úr skil-
virkni þingsins og jafnvel varnað
stöku máli framgöngu.
Með þróaðri þjóðum eru oft
skorður við þessum möguleikum,
Helgi Hjörvar
þannig að ræðutími er takmark-
aður. Enda augljóslega tóm vitleysa
að tala í fimm tíma um eitt mál.
En hjá nágrönnum okkar er þetta
líka unnt vegna þess að meirihluti
á hverjum tíma reynir í stórum
málum að skapa sem víðtækasta
samstöðu og er tilbúinn til mála-
miðlana í þessu skyni. En hér er
hefðin fremur sú að naumur meiri-
hluti reynir að keyra sitt fram hvað
sem tautar og raular og lætur sig
lítt varða um fulltrúa tæplega helm-
ings kjósenda. Slíkt gagnkvæmt
ofbeldi getur svo endað í vondum
lagafrumvörpum og löngum um-
ræðum á Álþingi sem enginn
skilur neitt í.
Úrelt þing
Starfstími Alþingis heyrir til liðinni
öld. Það gerir lika virðingarleysi fyrir
sjónarmiðum minnihlutans og nætur-
langar neftóbaksræður. Þessu verður
að breyta en til þess að um það geti
tekist samstaða þarf ekki bara breytt
viðhorf við gerð stjórnarfrumvarpa
heldur þarf að sýna þingmönnum þá
lágmarksvirðingu að mál þeirra kom-
ist til afgreiðslu.
I dag hefur ríkisstjórnin þingið
nefnilega i rassvasanum því þingmál
þingmanna, hvort sem þeir eru í
stjórn eða stjórnarandstöðu, komast
aldrei til atkvæðagreiðslu í þinginu
heldur er bara vísað til nefnda og
svæfð þar. Þannig kemst ríkisstjórn-
armeirihlutinn hjá því að þurfa að
taka málefnalega afstöðu til tillagna
þingmanna. Þetta fráleita ofbeldi
verður til þess að þingmenn vita að til-
lögur þeirra munu aldrei koma til af-
greiðslu og því lítil hvatning fýrir þá
að verja tíma í framgang eigin tillagna.
Hlutskipti okkar er þess í stað miklu
fremur að ræða stjórnarfrumvörpin.
Og kannski einhverjum þyki ekkert
að því þó stjórnarfrumvörp fái ekki af-
greiðslu þegar þeirra eigin frumvörp
hafa aldrei komist til atkvæða.
Það er aðkallandi verkefni þeirra
sem veljast á Alþingi í vor að breyta
þinginu til nútímahorfs í vinnu-
tíma, vinnubrögðum og virðingu
meirihluta og minnihluta hvors fyrir
öðrum. Enda verður virðing þingsins
aldrei meiri en virðing þingmanna
hvers fyrir öðrum.
Höfundur er alþingismaður
Klippt & skorið
að skýrist á
sunnudaginn
næstkomandi,
21. janúar, hver mun
leiða lista Framsóknar-
flokksins í Suðurkjördæmi. Guðni Ágústsson
og HjálmarÁrnason bítast um hnossið. Á Stöð
2 í fyrrakvöld sagði Hjálmar að nákvæmlega
1.976 manns hefðu skorað á sig og í Ijósi þess
mikla stuðnings hefði hann ákveðið að bjóða
sig fram í fyrsta sætið. Það er alveg Ijóst að það
verður á brattann að sækja hjá Hjálmari en hann
hefur þó eitt með sér. Þann 21. janúar árið 1976
fórfyrsta Concorde-þotan í loftið. Spurningin
er sú hvort sami kraftur sé f Hjálmari. Þetta er
kannski svolítið langsótt og spurning hvort
Hjálmar láti það trufla sig að f dag er búið að
leggja þessum flugvélum.
að kom berlega í Ijós f þætt- * gn
inum fslandi í dag að Guðni / ' \
er greinilega ekki búinn '
að fyrirgefa Hjálmari fyrir að hafa
ákveðið að taka slaginn. Sérstak-
lega er hann ósáttur í Ijósi þess að Hjálmar lýsti
yfir stuðningi við Guðna í varaformannskjörinu á
síðasta ári. Það er ýmislegt sem bendir til þess að
Guðni hætti í pólitík nái hann ekki efsta sætinu
um helgina. Þegar hann var spurður út í þetta
sagði hann: „Þá fer ég eðlilega yfirþað með mínu
góða stuðningsfólki f kjördæminu og á landinu
hvort ég hafi veikst verulega sem varaformaður,"
sagði hann og bætti við: „Ég tel gríðarlega mikil-
vægt að annar helsti talsmaður flokksins á eftir
Jóni Sigurðssyni haldi styrk sínum í kjördæminu."
Það er erfitt að túlka þetta svar öðruvísi en að
hann muni hætta verði hann ekki númer eitt.
Hjálmar sagði að efGuðni
myndi lenda í öðru sæti
í prófkjörinu hefði hann
meiri tíma til að sinna hinu mikil-
væga starfi varaformanns. Guðni
var fljótur að bregðast við þessu og sagðist
ekki búa við neinn tímaskort. Hjálmar reyndi
þá að milda Guðna svolítið og sagðist ekki
vera að fara „gegn" honum. „Hjálmar, ekki
tala svona," sagði Guðni þá. bað andar greini-
lega köldu milli þeirra kumpána um þessar
mundir. Það verður spennandi að fylgjast með
framvindu mála hjá Framsóknarflokknum um
helgina. Guðni stillir þessu þannig upp að ef
framsóknarmenn ætli að styðja Hjálmar þá
séu þeir um leið að greiða atkvæði með því að
vilja varaformanninn út úr stjórnmálum, eða
hvað?