blaðið - 20.01.2007, Blaðsíða 24

LAUGARDAI
blaðiö
Hlyiwr sýnir t Berltn
Myndlistarmaðurinn Hlynur Hallsson opnar í dag sýningu í Kuckei + Kuckei
í Berlín. Hér er um að ræða Ijósmyndir ásamt textum á þremur tungumál-
um sem eru samsettar úr reynslu og minningum Hlyns.
UAR 2007
Antta Karenína
Margir urðu frá að hverfa um síðustu helgi þegar MÍR sýndi kvikmyndina
Önnu Karenínu með Gretu Garbo í titilhlutverki. Því verður myndin sýnd
aftur í dag, laugardag, klukkan 15 í sal MÍR við Hverfisgötu.
Nýr vefur Fram-
tíöarlandsins
Framtíðarlandið hefur opnað
nýjan vef á léninu www.framt-
idarlandid.is. Vefurinn verður
uppfærður vikulega með
greinum, viðtölum og pistlum
sem tengjast málefnum félags-
ins, auk frétta úr starfi þess. I
fyrsta tölublaði vefsins er viðtal
við Ágúst Einarsson, rektor Há-
skólans á Bífröst, þar sem hann
segir stóriðju vera atvinnugrein
stjórnmálamannanna, og greinir
frá auknu efnhagslegu vægi
skapandi atvinnugreina. Guðrún
Eva Mínervudóttir rithöfundur
ritar pistil og Pétur Óskarsson,
forsvarsmaður Sólar í Straumi,
segir frá framtíðarlandinu sínu,
þar sem arðsemi og umhverf-
isvernd eru ekki andstæður.
Framtíðarlandið er skipað
einstaklingum af ólíkum sviðum
þjóðlífsins sem telja að þörf sé
fyrir afl sem upplýsir, gagnrýnir
og leggur til hugmyndir að nýrri
framtíðarsýn og að nauðsyn beri
til að efla lýðræði og lýðræðis-
lega umræðu á Islandi.
Hinn hlutlausi
helgidómur
Dr. Gunnar Kristjánsson, prestur
á Reynivöllum og prófastur í
Kjalarnessprófastsdæmi, flytur
erindi í Listaháskóla íslands,
Skipholti, þriðjudaginn 23.
janúar kl. 12.00 í stofu 112.
Erindið ber yfirskriftina Hinn hlut-
lausi helgidómur.
Gunnar er kunnur fyrir áhuga
sinn á tengslum myndlistar og
trúar og þekkingu á kirkjubygg-
ingum landsins. í fyrirlestrinum
fjallar Gunnar um helgidóminn
sem frátekið rými í áhættusamfé-
lagi samtímans. Sér í lagi verður
athyglinni beint að helgidómum
í fjölmenningarsamfélaginu þar
sem táknmyndir einstakra trúar-
bragða eru ekki taldar æskilegar.
Hvert verður hlutverk listarinnar í
hinum nýju helgidómum?
Margverðlaunað verk
með beittan undirtón
ögusviðið er Irland ár-
ið 1993 en verkið gæti
gerst hvar og hvenær
sem er. Það fjallar um
þráhyggju og ofbeldi og
hvað við eigum oft auðvelt með að
telja okkur trú um að það sem við
erum að gera sé ekki vitleysa heldur
það eina rétta,“ segir Magnús Geir
Þórðarson, leikhússtjóri Leikfélags
Akureyrar, um leikverkið Svartur
köttur eftir Martin McDonagh sem
frumsýnt verður nyrðra í kvöld í
hans leikstjórn. Verkið var frum-
sýnt í Bretlandi fyrir fimm árum
og hefur síðan hlotið lofsamleg um-
mæli gagnrýnenda helstu fjölmiðla
í Evrópu. McDonagh er íslenskum
leikhúsgestum að góðu kunnur en
hér á landi hafa verið sett upp þrjú
verka hans; Fegurðardrottningin
frá Línakri, Halti Billi og Kodda-
maðurinn. „Svartur köttur er ekki
ósvipað hans fyrri verkum en húm-
orinn er kannski aðeins meira í for-
grunni hér en áður. Verkinu var af-
ar vel tekið þegar það var frumsýnt
i Bretlandi og var meðal annars val-
ið gamanleikrit ársins þar í landi.
Þó þótti sumum verkið of ögrandi
og kannski ekki við öðru að búast
en að svona verk höfði ekki jafn
sterkt til allra. Þarna er flugbeitt
ádeila undir niðri þótt verkið sé
mjög aðgengilegt og sagan skýr á
yfirborðinu. Það er þessi þungi und-
irtónn sem ögraði mörgum í Bret-
landi og það er ekki ósennilegt að
það sama muni gerast hér á landi,
enda er þetta kröftugt innlegg í um-
ræðu samtímans,“ segir Magnús
Geir.
Stútfullt af tilvísunum
Þrátt fyrir þungan undirtón
segir Magnús að verkið sé óhemju
fyndið og fullyrðir að sá sem leggur
leið sína í leikhús til að létta lund
í skammdeginu verði ekki svikinn.
„ Að mörgu leyti er verkið eins og góð-
ur vestri. Þarna er maður sem fer
burt úr heimabæ sínum og óvinir
sem ætla að lokka hann til baka til
þess að sitja fyrir honum og drepa
hann. Verkið er fullt af skemmtileg-
um tilvísunum í leikhús- og kvik-
myndasöguna. Persónurnar eru
brjóstumkennanlegar og fallegar
en gera heilan helling af vitlausum
hlutum. Það má segja að þær séu
svolítið tsjekovískar í ákveðnu til-
liti. Maður situr í salnum og langar
til að skerast í leikinn, hafa vit fyrir
persónunum og láta þær hætta að
gera alla þessa vitleysu.“
Patrekur, aðalpersóna verksins,
er fullur af hefndarþorsta eftir að
besti vinur hans í öllum heimin-
um, svartur köttur, finnst dauður.
Honum finnst það réttlæta morð á
fjölda annarra katta og manna og
sinnir lítt um annað en eigin sorg.
„Það er hægt að heimfæra þetta á
flestar styrjaldir og vítahringi sem
mannkynið hefur gengið í gegnum.
1 verkinu eru persónurnar stans-
laust að réttlæta fyrir sjálfum sér
að halda ofbeldinu áfram og maður
sér að þær telja sér trú um að það
sem stendur manni ekki næst sé
minna mikilvægt en það sem stend-
ur manni nærri.“
Leikhús af bestu gerð
Aðspurður um þá feikilega góðu
dóma sem verkið hefur fengið segir
Magnús að þeir skýrist af mörgum
þáttum. „Það er engum blöðum
um það að fletta að þetta er gríð-
arlega vel skrifað leikrit og nánast
fullkomið í uppbyggingu. Eg tel að
þetta hafi mjög góðan snertiflöt
við áhorfendur sem koma í leikhús
og vilja láta skemmta sér en svo
vonandi hafa þeir verið snertir og
hafa um margt að hugsa þegar þeir
ganga út úr leikhúsinu. Þannig á
gott leikhús að vera. Sjálfur hef ég
verið aðdáandi McDonagh í mörg
ár. Hann kann að skrifa góða sögu
og hnýtir alla hnúta mjög rækilega
í þessu verki sem sínum fyrri.“
Magnús segir leikhópinn hafa
lagt upp með það að vera trúr verk-
inu í uppfærslunni og draga fram
manneskjulegu hliðarnar á persón-
unum. „Þarna eru margir sem við
fyrstu sýn virka óttalegir hrottar
en allir eiga þeir sína dramatík og
sorgin í verkinu er hvað allir eru
vitlausir að gera alla þessa röngu
hluti. Við nálguðumst það þannig
og reyndum að forðast ódýrar leiðir
að gríninu. Grínið liggur í verkinu,
aðstæðunum, textanum og kemur
að miklu leyti af sjálfu sér ef allt
hitt er gert af einlægni."
Tónlistin skipar stóran sess í upp-
færslunni en hljómsveitin SKE sem-
ur, útsetur og flytur tónlistina. Fil-
ippía Elísdóttir hannar leikmynd
og búninga og Þórður Orri Péturs-
son lýsingu. Leikarar eru: Guðjón
Davíð Karlsson, Þráinn Karlsson,
fvar Örn Sverrisson, Gísli Pétur
Hinriksson, Ólafur Steinn Ingunn-
arson, Páll S. Pálsson og Þóra Kar-
ítas Árnadóttir. Þýðinguna gerði
Hávar Sigurjónsson. Magnús Geir
leikstýrir verkinu.
hilma@bladid.net
Magnús Geir Þórðarson
„Það er engum blöðum um það að
fletta að þetta er gríðarlega vel
skrifað leikrit og nánast fullkomiö í
uppbyggingu
■
rtSÍ
m
blaði
alla daga
Auglýsingasíminn er
510 3744
Myrkir músíkdagar
Senn fer að líða að því að tónlistar-
hátíðin Myrkir músíkdagar hefjist.
Tónlistarhátíðin Myrkir músíkdag-
ar var fyrst haldin í Reykjavík árið
1980 og fagnar því 27 ára afmæli
sínu á árinu 2007. Hátíðin er tileink-
uð nýrri íslenskri tónlist og eru tug-
ir íslenskra tónverka frumfluttir þar
hverju sinni. Sinfóníuhljómsveit
íslands leggur að venju sín lóð á
vogarskálar hátíðarinnar. Á tónleik-
um Sinfóníuhljómsveitar fslands
á Myrkum músíkdögum hefur í
gegnum tíðina skapast mikilvægur
vettvangur fyrir nýja íslenska hljóm-
sveitartónlist. í ár eru það fjórir höf-
undar sem kynna verk sín á tónleik-
unum með Sinfóníuhljómsveitinni
þann 25. janúar næstkomandi, þau
Karólína Eiríksdóttir, Örlygur Bene-
diktsson, Herbert H. Ágústsson og
Erik Mogensen. Hljómsveitarstjóri
er Roland Kluttig. Þetta er spenn-
andi tækifæri fyrir áhugafólk um
íslenska samtímatónlist enda gefst
sjaldan tækifæri til að heyra glæ-
nýja tónlist leikna af helstu tónlist-
armönnum þjóðarinnar.