blaðið - 20.01.2007, Blaðsíða 25

blaðið
LAUGARDAGUR 20. JANÚAR 2007 25
Landnámssefrið z Borgarnesi
Gísli Einars í
gervi Mýramanns
Það er skammt stórra högga á
milli hjá Landnámssetri í Borgar-
nesi en á laugardaginn eftir viku,
27. janúar, verður enn eitt splunku-
nýtt verk frumsýnt á Söguloftinu
en ekki er mánuður liðinn frá frum-
sýningu sagnasöngleiksins Svona
eru menn þar sem Einar Kárason
og KK fara á kostum. Næstur á
svið er fréttamaðurinn, lífsspek-
úlantinn og grínarinn Gísli Einars-
son sem nær daglega gleður hjarta
landsmanna með einlægum frétta-
flutningi úr sveitum landsins.
1 verkinu rekur Gísli þróunarsögu
Mýramannsins allt frá steinöld
að Mýraeldunum 2006. Þetta ger-
ir hann í eigin persónu með hjálp
hreyfimynda. Meðal gestaleikara
á hvíta tjaldinu eru Ilmur Kristjáns-
dóttir leikkona, Hallgrímur Olafs-
son og formenn stjórnmálaflokk-
anna ásamt fjölda annarra. Gísla
Einarsson þarf vart að kynna fyrir
landsmönnum. Hann hefur heillað
áhorfendur Sjónvarpsins með sinni
einstöku og einlægu framkomu.
Ekki ólíkt kollega sínum, Ómari
Ragnarssyni, hefur Gísli þefað uppi
athyglisverða Islendinga á ferðum
sínum út og suður um landið. Nú
beinir hann kastljósinu í sinn eigin
rann og gerir upp við Mýramann-
inn í sjálfum sér. Nánari upplýsing-
ar má finna á www.landnamssetur.
is
óo<y>'v'<V
Rær á ný mið Gísli leitar uppi
Mýramanninn i sjálfum sér í Land■
námssetrinu um næstu helgi
Hnífar Jóns
I gær var opnuð sýningin
Hnífar á völdum verkum eftir
Jón Gunnar Árnason í Galleríi
Terpentínu. Jón Gunnar er
höfundur verksins Sólfarið víð
Skúlagötu. Hann var vélvirki og
málmsmiður sem gekk myndlist-
inni á hönd, mikill áhugamaður
um vísindaskáldskap og trúði
því að vélar myndu í framtíð-
inni hafa vit fyrir mönnunum.
Verk hans bera sterkan keim
af þeirri lífsskoðun hans. Jón
Gunnar var einnig hönnuður og
skildi eftir sig mikla arfleifð af
nytjahlutum svo sem stólum og
borðum sem einnig getur að líta
á sýningunni.
DIMMA með
tónleika
Þungarokkssveitin Dimma
verður með miðnætur-rokk-
messu á Amsterdam á laug-
ardaginn 20. janúar þar sem
boðað verðurfagnaðarerindið
um eilíft rokk og ról. Dimma
hefur vakið mikla athygli und-
anfarið með kröftugri útgáfu
sinni á Sykurmolalaginu Mama
sem farið hefur hátt á flestum
vinsældalistum útvarpsstöðv-
anna undanfarið, þó að Björk
Guðmundsdóttir hafi ekki lagt
blessun sína yfir þungarokksút-
gáfu Dimmu.
Rokkmessan á Amsterdam
verður að öllum líkindum sú
eina sem Dimma stendur fyrir
í vetur þar sem sveitin er nú á
fullu að vinna að nýrri plötu til
að fylgja eftir frumburði sínum
sem bar einfaldlega heitið
Dimma og er nú uppseld í versl-
unum. Dimma mun frumflytja
nýtt efni af væntalegri plötu
sinni við þetta tækifæri. Eins og
áður sagði hefjast herlegheitin
á miðnætti en ásamt DIMMU
kemur fram rokksveitin Hells-
hare. Aðgangur er ókeypis fyrir
alla sem mæta fyrir kl. 00:30.

Bíldshöfða 18 »110 Reykjavík
Pöntunarsími 567 2770 • Fax 567 2760
matbordid@isl.is