Orðlaus - 01.12.2003, Blaðsíða 8

Vilhelm Anton Jónsson
Hver er besta jólagjöf sem þú hefur
fengið?
Ekki spurning, Kokkteil-hristari og
playstation-tölva sem ég fékk frá
kærustunni minni.
Hver er versta jólagjöf sem þú
hefur fengið?
Það eru eiginlega heil jól. Þegar
við bjuggum í Skotlandi fengum við
bræðurnir bara bækur frá íslandi. Það
héldu allir að við myndum gleyma
íslensku eða eitthvað. Mjög súrt að vera
10 ára og fá bara bækur og ullarsokka....
ekkert dót.
Hver er versta jólagjöf sem þú
hefur gefið?
Ekki gott að segja. Ég gef mikið af
skrýtnum jólagjöfum og sumt fer fyrir
ofan garð og neðan. Ég ber ekkert
skynbragð á það hvort hlutir séu góðir
eða vondir... mæli það bara í jólagjöfum
sem ég fæ árið eftir.
Hver er besta jólagjöf sem þú hefur
gefið?
Ég er svo hrikalega ánægður með þær
jólagjafir sem ég gef. Áramótaferð til
Austur-Berlín var mjög góð. Ég gef llka
mikið af hljóðfærum, sérstaklega litlum
börnum. Besta jólagjöfin sem ég gef
núna verður hiklaust nýji
Naglbítadiskurinn, Hjartagull, hann er
frábær.
Ásmundur Helgason.
Hver er besta jólagjöf sem þú hefur
fengið?
Ofboðslega margar jólagjafir hafa verið
ofboðslega góðar. Að minnsta kosti eru
allar jólaminningar hlaðnar góðum
gjöfum. Þó er gallinn að maður man
ekki nógu langt aftur til þess að muna
eftir því hvað gladdi mest 10 eða 12 ára
gutta. En nú á síðustu árum hef ég
sjaldan orðið jafnánægður með gjöf og
þegar ég fékk skíði, með bindingum, í
jólagjöf fyrir tveimur árum frá
fjölskyldunni. Þetta voru s.k. Carving
skíði og gjöfin kom mér algerlega í opna
skjöldu. Gleðin var því mikil.
Hver er besta jólagjöf sem þú hefur
gefið?
Það er nú einhvernveginn þannig að ég
er ekki mjög góður í að hitta á vel
heppnaðar gjafir. Þó koma dúkkuhús,
Playstation 1 og 2 og annað stórtækt
upp í hugann. En í fyrra hitti ég betur
í mark en nokkurn tímann áður þegar
ég gaf konunni minni Kósý pakka. í
pakkanum var bók, náttföt, inniskór,
svört Grand Marinier og rafknúið
nuddtæki. Þetta urðu rosalega Kósý jól.
Hver er versta jólagjöf sem þú hefur
gefið?
Þegar ég var 12 eða 13 gaf ég mömmu
forláta ausu sem ég hafði unnið hörðum
höndum við að smíða í skólanum í þrjá
mánuði. Ætlaði heldur betur að gleðja
þá gömlu. Mamma kom henni fljótt í
hvarf og alltaf þegar ég spurði hvort
hún ætlaði ekki að nota ausuna í
grautinn eða súpuna var viðkvæðið að
ausan mætti ekki blotna. Ég hef aldrei
séð ausuna síðan þennan aðfangadag.
Hver er versta jólagjöf sem þú hefur
fengið?
Stundum hefur maður fengið gjafir sem
hafa ekki alveg hitt í mark hjá manni,
ég hef líka fengið gjafir sem ég hef
ákveðið að skila um leið og
gjafapappírinn hvarf en aldrei hef ég
beinlínis orðið vansæll og hreinlega
sprungið af harmi, nema einu sinni. Ég
var 8 ára og Bonanza var í sjónvarpinu
í hverrí viku. Bonanza fjölskyldan
samanstóð af nokkrum karlmönnum og
var Ben þeirra myndarlegastur og
hugrakkastur. Annar meðlimur
fjölskyldunnar var maður að nafni Huss
eða eitthvað álíka. Hann var eldri en
Ben og nokkuð feitlaginn með
hallærislegan hatt. Nú, upp úr
jólapakkanum þetta árið komu sem
sagt Ben og Huss nema hvað Gunni
bróðir fékk Ben en ég Huss. Ég hætti
ekki að berja Huss í gólfið (á bak við
sófa) fyrr en hann var bæði handa- og
höfuðlaus.
Heiðar Kristjánsson
Hver er besta jólagjöf sem þú hefur
fengið?
Það er auðvitað hún Eneka Aris dóttir
mín sem fæddist á jóladag árið 2000.
Hver er versta jólagjöf sem þú hefur
fengið?
Það er erfitt að gera upp á milli gjafanna
sem ég hef fengið frá vinum mínum, þá
aðallega Ragga, Sindra og Halla. En það
er hugurinn sem gildir, er það ekki?
Hver er besta jólagjöf sem þú hefur
gefið?
Það eru þær gjafir sem maður býr til,
eða leggur mikla vinnu í sjálfur.
Persónulegar gjafir. Reyni alltaf að gera
sem mest af því fyrir hver jól.
Hvað er versta jólagjöf sem þú
hefur gefið?
Örugglega allar æðislegu gjafirnar sem
ég hef gefið Ragga í gegnum árin, í
fyrra gaf ég honum t.d. fljúgandi
jólasvein!
Þóra Karítas
Hver er besta jólagjöf sem þú hefur
fengið?
Það er lítill pakki sem ég fæ á hverjum
jólum með merkimiða sem á stendur:
Til Þóru: Frá: Jóla. Pakkinn inniheldur
nokkrar plötur af siríus súkkulaði og ég
hef grun um að afi hafi lætt
hugmyndinni að jólasveininum.
Hver er versta jólagjöf sem þú
hefur fengið?
Verst þykir mér að fá dýrar jólagjafir þá
fæ ég bara samviskubit.
Hver er versta jólagjöf sem þú
hefur gefið?
Mér finnst alltaf svo gaman að gefa
mömmu eitthvað fallegt í jólagjöf en
einhvern tímann þegar ég var lítil og
bjó út á landi þá hafði ég ekki haft
nægan fyrirvara á jólainnkaupunum. Þá
varð úr að ég gaf mömmu
möndlugjöfina hennar ömmu í jólagjöf
og ég skammaðist mín gríðarlega fyrir
að hafa ekki hugað að einhverju sjálf.
Hver er besta jólagjöf sem þú hefur
gefið?
Ég reyni oft að velja falleg orð á kortin
sem fylgja gjöfunum til þeirra sem mér
þykir vænt um.
Arnþrúður Dögg
Sigurðardóttir
Hver er versta jólagjöf sem þú
hefur fengið?
Ég hef barasta aldrei fengið jólagjöf
sem ég hef veið óánægð með, það þarf
svo lítið til að kæta mig!
Hver er besta jólagjöf sem þú hefur
fengið?
Námskeið í samkvæmisdönsum
Hver er versta jólagjöf sem þú
hefur gefið?
Nefhárasnyrtir!
Hver er besta jólagjöf sem þú hefur
gefið?
Það er ekki séns að gera upp á milli, gef
alltaf það sem mig langar í og þarsem
ég er mikil smekkmanneskja þá eru þær
allar frábærar eða ég held það að
minnsta kosti!
Sveppi
Hver er besta jólagjöf sem þú hefur
fengið?
Besta sem ég hef fengið var bókin
“Þegar orð fá vængi” frá írisi konunni
minni.
Hver er versta jólagjöf sem þú hefur
fengið?
Versta sem ég hef fengið var slímhendi
og krukka með gormtrúð inní sem skaust
upp þegar maður opnaði krukkuna frá
John Inga vini mínum.
Hver er besta jólagjöfin sem þú
hefur gefið?
Besta sem ég hef gefið var þegar ég gaf
mömmu og pabba uppþvottavél ásamt
bróður mínum.
Hver er versta jólagjöf sem þú hefur
gefið?
Versta sem ég hef gefið var mynd af
mér í fallegum ramma sem ég gaf
bróður mínum.
Geir H. Haarde.
Hver er besta jólagjöf sem þú hefur
fengið?
Miðað við mikilvægi á þeim tíma, held
ég að besta jólagjöfin hafi verið
Matador spilið, sem ég fékk frá bróður
mínum þegar ég var sjö ára, og hafði
þráð að fá allt haustið. í seinni tíð þykir
mér meira til um hugarfar gefandans
en innihalds pakkans.
Hver er versta jólagjöf sem þú
hefur fengið?
Hafi mér einhvern tíma þótt jólagjöf
vond, hef ég ekki lagt á mig að muna
hver hún var.
Hver er besta jólagjöf sem þú hefur
gefið?
Kærleikurinn sem gjafirtil barna minna
hafa verið vafðar í.
Hver er versta jólagjöf sem þú
hefur gefið?
Bók sem ég eitt sinn laumaði í jólapakka
og gaf sjálfum mér (frá Hilmari til Geirs!)