Bændablaðið - 05.07.2005, Page 26

26 Þriðjudagur 5. júlí 2005
Fjórir nemendur útskrifuðust á
dögunum úr Frumkvöðlaskóla
Impru - nýsköpunarmiðstöðvar.
Skólinn er starfræktur á Akur-
eyri. Honum er ætlað að aðstoða
fólk við að hrinda viðskiptahug-
myndum af stað og hafa til þess
þá nauðsynlegu þekkingu sem
þarf.
„Þetta starf hefur borið mjög
góðan árangur. Nemendur síðustu
tveggja vetra hafa margir hverjir
verið með mjög góðar hugmyndir
sem virðist ætla að verða eitthvað
meira úr og það jafnvel ábatasam-
ur rekstur. Spanna þessar hug-
myndir öll svið atvinnulífsins, „
sagði Sigurður Steingrímsson,
verkefnisstjóri Impru á Akureyri.
Brúar bilið
Sigurður segir að Frumkvöðlaskól-
inn sé einn af fjölmörgum þáttum í
starfi Impru til stuðnings við frum-
kvöðla og markmiðið sé að brúa
bilið á milli hugmyndar og fyrir-
tækis - á þann veg að nemendur
geti tekist á við frumkvöðlastarf og
rekstur fyrirtækis. Frumkvöðlum
er veitt hagnýt menntun og stuðn-
ingur sem hvetur þá og gefur þeim
tækifæri til að koma hugmyndum
sínum í framkvæmd og nýta þau
tækifæri sem til staðar eru.
„Almennt má segja að þetta
nám hvetji og styðji frumkvöðla
við að koma hugmyndum sínum í
framkvæmd og geti forðað nem-
endum frá því að gera mistök sem
margir brenna sig á,“ segir Sigurð-
ur Steingrímsson.
Meðal námsgreina í Frum-
kvöðlaskólanum er frumkvöðla-
fræði, hugverkavernd, þróunarferl-
ið, verkefnisstjórnun, markaðsmál,
fjármál og stjórnun. Nemendur
koma í skólann sérhvern fimmtu-
dag, fimm klukkustundir í senn frá
í október og fram til vors, það er í
alls 28 vikur. Fimm nemendur
voru við Frumkvöðlaskólann sl.
vetur og voru viðlíka margir vetur-
inn þar á undan.
Brautargengi fyrir konur
Kennslan hefur farið fram á Akur-
eyri en í athugun er að færa frekar
út kvíarnar með kennslu um fjar-
fundabúnað. Það hefur meðal ann-
ars verið gert í námskeiðunum
Brautargengi, sem eru sérstaklega
ætlað konum, þaðan sem útskrif-
uðust sjö konur nú á vordögum.
Í frumkvöðlaskóla Impru fékk
Haraldur Ingólfsson viðurkenn-
ingu fyrir best unnu viðskiptaáætl-
unina, það er að fyrirtækinu Harla
sem hann hefur nýlega sett á lagg-
irnar. Harla sérhæfir sig í texta-
vinnslu hvers konar, ritun og próf-
arkalestri ásamt auglýsinga- og
bæklingagerð. Starfsmenn Impru
sögðu áætlanagerð Haralds sérlega
vel unna og sömuleiðis hvernig
hann hefur staðið að öllum undir-
búningi vegna rekstursins.
Gera sér grein fyrir möguleikum
Haraldur Ingólfsson er frá
Straumfjarðartungu á Snæfells-
nesi, en hefur búið á Akureyri nú í
tæp átta ár. „Mér fannst námið
vera mjög gagnlegt og þá ekki síst
að fá tækifæri til að setja hug-
myndir mínar á blað og fá leið-
beiningar um áætlanagerð og
fleira sem nauðsynlegt er fyrir
rekstur fyrirtækis. Þannig nær
maður að forðast hætturnar og
gera sér grein fyrir möguleikun-
um. Ég held að brostnar vonir séu
algengasta dánarorsök ungra fyr-
irtækja. Það er að ekki hafa verið
gerðar raunhæfar áætlanir út frá
raunverulegum aðstæðum, heldur
treyst á vonir og þrár,“ segir Har-
aldur sem hefur starfað sem
blaðamaður og við almannatengsl
á undanförnum árum.
Aðspurður segir hann stað-
setningu fyrirtækisins síns ekki
skipta miklu máli, það geti bæði
verið kostur og galli fyrir Harla að
starfa á Akureyri en starfsemin sé
í eðli sínu landamæralaus. Þó svo
stærsti markhópurinn, svo sem
eins og auglýsingastofur, bókaút-
gáfur, stærri fyrirtæki og stofnan-
ir, séu vissulega á höfuðborgar-
svæðinu þá eigi það ekki að draga
úr möguleikunum með nútíma-
tækni að vopni.
Nemendur Frumkvöðlaskóla
Impru og starfsmenn Impru ný-
sköpunarmiðstöðvar á Akureyri.
Aftari röð frá vinstri: Haraldur Ing-
ólfsson, Tinna Lárusdóttir, Guð-
rún Pálína Guðmundsdóttir og
Jakob S. Bjarnason. Fremri röð frá
vinstri: Fjóla Björk Jónsdóttir,
verkefnisstjóri Frumkvöðlaskól-
ans, Sigurður Steingrímsson,
Björn Gíslason og Arnheiður Jó-
hannsdóttir, öll verkefnisstjórar
hjá Impru.
Þau hlutu viðurkenningar fyrir
best unnu viðskiptaáætlanirnar
hjá Frumkvöðlaskólanum og
Brautargengi; Haraldur Ingólfsson
fyrir Harla og Hildur M. Jónsdóttir
fyrir vefsíðuna Heilsubankinn.is.
Impra á Akureyri útskrifar nemendur í nýsköpun
Forðar frumkvöðlum frá mistökum
Á sama tíma og bandarískir
bændur velta fyrir sér að mjólka
kýrnar sex sinnum á sólarhring
skoða starfsbræður þeirra hin-
um megin á hnettinum á Nýja-
Sjálandi að mjólka aðeins einu
sinni á dag.
Það hefur áður komið
fram í blaðinu (Husdjur)
að bandarískir bændur
skoða það nú að mjólka
kýrnar fjórum til sex sinn-
um á sólarhring. Sú aukna
hagkvæmni sem þeir ætla
þar að sækja er alveg önd-
vert við það sem starfs-
bræður þeirra á Nýja-Sjá-
landi skoða, að auka hag-
kvæmni hjá sér í mjólkur-
framleiðslu með því að
mjólka aðeins einu sinni á
dag.
Á Nýja-Sjálandi eru
nú fundarherferðir meðal
bænda til að kynna niður-
stöður rannsókna á að
mjólka aðeins einum sinni
á dag. Byggt er á reynslu
um 130 búa sem hafa
reynt aðferðina. Þetta
hafa þeir áður reynt á tímum fóð-
urskorts (beitarskortur vegna
þurrka) en nú skoða þeir þetta sem
búskaparhætti sem skili auknum
afrakstri vegna minni vinnu. Verið
er að skoða að mjólka kýrnar sem
eru á fjarliggjandi beitarhólfum
aðeins daglega og minnka vinnu
við rekstur kúnna. Mjólkurmagn á
dag minnkar að sjálfsögðu eitt-
hvað. En í mati Nýsjálendinga,
sem framleiðslu á flatareiningu
lands, náðu þeir sömu framleiðslu
hjá Jerseykúnum með að fjölga
gripum á flatareiningu í staðinn.
Neikvæð áhrif eru stytting á
mjaltaskeiði og að frumutala
hækkar. Vandamál vegna frumu-
töluhækkunar telja þeir sig geta
leyst með breyttri meðferð.
Rétt er að minna á eldri tilraun-
ir sem hafa sýnt að daglegar mjalt-
ir hafa tilhneigingu til að gelda
kýrnar. Á tíunda áratugnum voru
gerðar tilraunir á Írlandi þar sem
bornar voru saman mjaltir 7, 13
eða 14 sinnum í viku. Þarna voru
bornar saman mjaltir einu sinni
eða tvisvar á dag. Auk þess var
skoðað að sleppa mjöltum einu
sinni í viku. Írsku til-
raunirnar byggðu á beit
en meðalafurðir kúnna
voru 6000-7000 kg af
mjólk.
Í ljós kom að vanda-
lítið var að sleppa einum
mjöltum í viku til að fá
frí á laugardags- eða
sunnudagskvöldi. Eink-
um var þetta vandalítið
ef mjaltatíma á mjöltum
fyrir og eftir þær mjaltir
sem felldar voru niður
var hnikað aðeins til.
Við mjaltir einu sinni
á dag komu hins vegar
fram vandamál. Afurðir
féllu. Kýrnar vildu geld-
ast vegna þess að ekki
var haldið upp regluleg-
um efnaskiptaferlum í
júgrinu.
(Þessi grein byggir á frásögn í
júni-júlí hefti sænska nautgripa-
ræktarritsins Husdjur og er fremur
hér birt til að sýna þær gerólíku
framleiðsluaðsæður sem eru í ýms-
um löndun en að hér geti verið um
að ræða hlut sem eigi t.d. við hér á
landi.) /JVJ.
Nægir að mjólka kýrnar
einu sinni á dag?
Héraðssýningum kynbótahrossa lokið
Héraðssýningum kynbótahrossa er nú lokið. Alls voru haldnar tíu
sýningar í vor, auk þess sem kynbótahross komu fram á Fjórð-
ungsmóti Vesturlands um sl. helgi. Hæst dæmda hross vorsins var
Númi frá Þóroddsstöðum sem hlaut 8.66 í sýningu á Sörlastöðum,
en næstur honum kom svo Blær frá Torfunesi með 8.55, á sömu
sýningu, en Blær hlaut hæstu hæfileikaeinkunn vorsins, 8.80.
Áætlað er að halda tvær síðsumarsýningar, annars vegar á Hellu,
dagana 15. - 19. ágúst nk., og hins vegar í Eyjafirði, dagana 17. - 19.
ágúst nk. Á myndinni t.h. má sjá eitt af þeim hrossum er hlaut góðan
dóm í vor, Þula frá Hellubæ, hér sýnd af Bergi Jónssyni, en hún varð
efst í elsta flokki hryssna í Kópavogi. / HGG
Kýr mjólkaðar á Nýja-Sjálandi.
Kemur næst út 30. ágúst
Sími 563 0300
Netfang auglýsingar augl@bbl.is