Bændablaðið - 05.07.2005, Síða 45

Þriðjudagur 5. júlí 2005 45
„Vöxtur í neyslu mjólkurafurða
hefur ekki verið meiri í langan
tíma en um þessar mundir. Ef
horft er til neyslu síðustu 12
mánaða, til og með maí síðast-
liðnum, þá er neysla að aukast
um sem svarar 5 milljónir lítra á
ársgrunni. Í þessu ljósi er lagt til
að greiðslumark næsta verðlag-
sárs, sem hefst 1. september
2005, verði 111 milljónir lítra á
móti 106 milljónum lítra á nú-
verandi verðlagsári sem
er 4,7% aukning á
milli ára. Þetta
er mun meiri
neysluaukning en
við höfum séð und-
anfarin ár þegar
aukningin hefur
verið rúmlega 1% á
ári,“ sagði Guð-
brandur Sigurðsson
forstjóri MS/MBF í
starfsmannablaðinu
Mjólkurpóstinum sem
kom út á dögunum.
„Þessa myndarlegu
aukningu má fyrst og
fremst rekja til aukinnar
neyslu á skyrdrykkjum og
ostum auk nokkurra ann-
arra afurðaflokka. Það er
fróðlegt að skoða aðeins
helstu framleiðsluflokkana
okkar og velta fyrir sér
hvað framtíðin ber í skauti
sínu varðandi þær afurðir.
Fyrst ber að nefna stóran
og mikilvægan flokk sem
er neyslumjólk. Til þessa
flokks telst nýmjólk, léttmjólk,
undanrenna og önnur neyslumjólk
(stoðmjólk er þó undanskilin).
Þessi flokkur hefur verið að drag-
ast saman jafnt og þétt á undan-
förnum árum að meðaltali um 2%
á ári. Stóra verkefnið hér er að
draga úr þeirri stöðugu neyslu-
minnkun sem við sjáum á þessum
afurðum. Hér þurfum við að skoða
hvort að aukið aðgengi á mjólk
geti rétt okkar hlut og hvort að
þær umbúðir sem notaðar eru
svari kröfum neytenda. Það er sér-
stakt áhyggjumál að neysla barna
og unglinga er að dragast verulega
saman á mjólk og er því unnið að
sérstöku átaki á þessum vettvangi.
Bragðbættar
mjólkuraf-
urðir eru í
góðum og
miklum
vexti, þökk sé
skyr- og jóg-
úrtdrykkjum
sem hafa
gengið af-
burðavel á
markaði. Þess-
ar afurðir virð-
ast henta vel
þeim lífsstíl
sem er að ryðja
sér til rúms. Af-
urðirnar eru
hollar, næringa-
ríkar og ákaflega
einfaldar í neyslu
auk þess að vera
pakkað í hand-
hægar umbúðir.
Við eigum örugg-
lega eftir að vinna
mikið á þessum
vettvangi í fram-
tíðinni og má bú-
ast við miklum fjölda nýrra afurða
á þessu sviði á næstu misserum.
Grunnréttirnir okkar eru
óbragðbættar sýrðar afurðir og
skyr. Eins og nafnið gefur til
kynna eru þetta grunnvörur sem
eru mikilvægur grunnur að marg-
víslegri matargerð. Vaxtarmögu-
leikar á þessu sviði eru takmark-
aðir og hefur þessi flokkur dregist
nokkuð saman undanfarið. Til-
búnir réttir og eftirréttir eru skyr,
jógúrtafurðir og svipaðar vörur.
Þessi flokkur hefur stækkað mikið
á undanförnum árum og líklegt að
flokkurinn sé kominn að efstu
mörkum hvað varðar stækkunar-
möguleika. Þó svo að flokkurinn í
heild stækki ekki mikið má gera
ráð fyrir mikilli þróun innbyrðis
með nýjum bragðtegundum, nýj-
um framsetningarmöguleikum og
svo framvegis.
Stoðvörur og iðnaðarhráefni
eru G-mjólk, rjómi og sýrður
rjómi. Þessi flokkur hefur nánast
allur verið í góðum vexti undan-
farið. Hér eru örugglega töluverð
tækifæri sem mætti nýta betur til
að auka framleiðsluna bæði í af-
urðum fyrir heimili en ekki síður í
afurðum fyrir stóreldhús og iðnað.
Markfæði og bætiefnavörur er
flokkur sem hefur vaxið mjög
hratt og gengið vel. Til þessara af-
urða teljast AB-mjólk, Stoðmjólk
og smáskammtarnir (LGG, LH og
Benecol). Afurðir sem fólk tengir
heilsu og vörur sem hafa að
geyma lífvirk efnasambönd virð-
ast hafa góða vaxtarmöguleika.
Þessar vörur eru allar búnar að
vinna sér sess á markaði hér á Ís-
landi og öruggt að þetta svið má
stækka nokkuð frá því sem nú er.
Við framleiðum bæði lífræna
drykkjarmjólk og AB-mjólk. Þó
svo að þetta sé mjög lítill afurða-
flokkur er það eftirtektarvert að
þessar vörur hafa gengið vel frá
áramótum og verið í stöðugri
aukningu. Það bendir til þess að
afurðir af þessu tagi eigi ákveðna
möguleika ef rétt er á málum hald-
ið.
Síðast en ekki síst eru það svo
ostarnir sem eru allir seldir af
Osta- og smjörsölunni. Góð
neysluaukning hefur orðið á bæði
hefðbundnum ostum og nýjum sé-
rostum á borð við Feta. Þá virðist
ostasneiðing á föstum (gulum)
osti, til þæginda fyrir neytendur,
verða til þess að auka ostaneysl-
una en frekar.
Eins og þessi upptalning hér
að ofan bendir til er framundan
mikið þróunarstarf í flestum ef
ekki öllum þeim afurðaflokkum
sem við framleiðum. Virkt og
markvisst þróunarstarf sem er
unnið í nánum tengslum við mark-
aðinn er einn af lyklum okkar að
framtíðinni.“
Guðbrandur Sigurðsson
framkvæmdastjóri MS/MBF
Virkt og markvisst þróunar-
starf sem er unnið í nánum
tengslum við markaðinn er einn
af lyklum okkar að framtíðinni
Bragðbættar mjólkur
afurðir eru í góðum og
miklum vexti.
Í lok síðasta mánaðar voru liðin
þrjú ár síðan veitingastaðurinn
Skriðuland var opnaður.
Skriðuland er í Saurbæjar-
hreppi í Dalasýslu og eru eigend-
ur hans Dórótea Sigvaldadóttir
og Fannar Eyfjörð. Nú eru um
fimm ár liðin síðan þau hjón
fluttu í sveitina frá Akranesi en
þá höfðu þau keypt samnefnda
verslun, en húsakynnin á
Skriðulandi tilheyrðu á
sínum tíma Kaupfélagi
Saurbæinga og hefur verið
rekin þar matvöruverslun
um áratugaskeið.
,,Okkur fannst vanta
svona stað fyrir ferðaþjón-
ustu sveitarinnar. Húsnæðið
var fyrir hendi því verslunin
var bara í hluta af gamla
kaupfélagshúsinu en hitt
nánast fullt af drasli og hafði
ekki verið notað í mörg ár.
En það var mikið átak bæði
varðandi vinnu og peninga
að laga þetta til þannig að
hér væri hægt að taka á móti
gestum, sagði Dórótea þegar
tíðindamaður blaðsins kom
við hjá henni á dögunum.
Saurbæjarhreppurinn er ekki fjöl-
menn sveit, með tæplega 90 íbúa.
En Skriðuland er í þjóðbraut þeirra
sem ætla út á Barðaströnd eða
vestur á firði. Því er talsverð um-
ferð einkum yfir sumarið og marg-
ir sem staldra við. Veitingasalur-
inn tekur um sextíu í sæti og er
mjög smekklegur.
Hvað stendur ferðalöngum til
boða?
,,Hér er opið yfir sumarið frá
kl. 9 árdegis til kl. 22, bæði veit-
ingastaðurinn og búðin enda er
þetta allt samliggjandi. En yfir vet-
urinn er styttri opnunartími. Við
erum með kaffi á boðstólum allan
daginn og svo er matseðill þar sem
allur hefbundinn matur stendur til
boða og svo höfum við vínveit-
ingaleyfi.
Á tímabilinu 20. nóvember til
áramóta erum við með ýmsar
uppákomur hérna. Svo eru krakk-
arnir í skólanum hér með tónleika
og stundum fáum við tónlistar-
menn til að spila, svo er ég með
kaffihlaðborð af og til og þau hafa
oft verið mjög vel sótt. Einnig tek
ég að mér að sjá um veitingar við
ýmis tækifæri t.d. voru Sniglarnir
með samkomu hérna í
sveitinni um síðustu
helgi. Auðvitað byggist
svona staður upp á sumar-
umferðinni og hún er allt-
af að aukast. Við kvörtum
ekkert, það þýðir einfald-
lega ekki neitt, enda erum
við vön að reka eigin fyr-
irtæki. Vorum með útgerð
í Ólafsvík í 15 ár og nú
rekur bóndinn vinnuvéla-
fyrirtæki. Fyrirtæki hans
heitir Skriðufell og er
með gröfu og vörubílaút-
gerð. Hann grípur nú í
þetta með mér þegar ró-
legt er hjá honum í vélun-
um,“ sagði Dórótea að
lokum. /ÖÞFannar og Dórótea við barinn í Skriðulandi.
Veitingastaðurinn Skriðuland
fagnar þriggja ára afmæli!
Æðardúnn óskast
Okkar vantar æðardún til útflutnings
Vinsamlegast hafið samband
og kynnið ykkur markaðsverð
Xco ehf.
Inn og útflutningur
Vatnagörðum 28
104 Reykjavík
Sími: 581-2388
Netfang: sre@xco.is
 B+
 I
 




 
  




 


   

+ ;
 !"!