Bændablaðið - 24.11.2011, Blaðsíða 10

Bændablaðið | fimmtudagur 24. nóvember 201110
Fréttir
Það er ekki á hverjum degi sem
menn koma ríðandi að ráðhúsi
Reykjavíkur, en það gerðist á dög-
unum þegar Jónas Kristjánsson
og hans föruneyti afhenti fyrstu
eintökin af nýju bókinni Þúsund
og einni þjóðleið. Í bókinni eru
vönduð kort af rúmlega 1000
reið- og gönguleiðum sem Jónas
Kristjánsson hefur safnað saman
síðasta aldarfjórðunginn.
Þeir Haraldur Þórarinsson, formað-
ur Landssambands hestamanna-
félaga og Ólafur Örn Haraldsson,
forseti Ferðafélags Íslands, fengu
sitt eintakið hvor við stutta athöfn
sem haldin var fyrir utan Iðnó
laugardaginn 12. nóvember síðast-
liðinn. Þar var haft á orði að bókin
yrði verðmætur leiðarvísir hesta- og
göngufólks í framtíðinni en skrá-
setning gönguleiðanna byggir m.a.
á heimildum úr Sturlungu.
GPS staðsetningarpunktar fylgja
með á geisladiski
Með bókinni fylgir geisladiskur með
GPS-hnitum sem hægt er að hlaða
inn á tölvur og staðsetningartæki.
Í fréttatilkynningu frá útgefanda
bókarinnar, Sögum útgáfu, segir að
Þúsund og ein þjóðleið sé viðburður
í íslenskri bókaútgáfu, enda mikill
doðrantur, alls 400 blaðsíður og afar
yfirgripsmikil. Auk kortanna er í
bókinni ýmis fróðleikur um ferða-
lög og hestaferðir auk fjölda mynda.
Jónas Kristjánsson kom ríðandi á Bókamessu í Ráðhúsi Reykjavíkur ásamt föruneyti og afhenti þar fyrstu eintökin af nýju bókinni „Þúsund og einni þjóðleið“.
„Þúsund og ein þjóðleið“ er verðmætur
leiðarvísir hesta- og göngufólks
Haraldur Þórarinsson, formaður Landssambands hestamannafélaga, og
Ólafur Örn Haraldsson, forseti Ferðafélags Íslands, fengu sitt eintakið hvor.
Myndir / TB
Á hrossaræktarráðstefnu fagr-
áðs sl. laugardag kom út bókin
Hrossaræktin 2011. Bókin er ársrit
hrossaræktarinnar, hugmyndin að
baki er að hluta til á eldri, sam-
nefndri bók sem BÍ gaf út um ára-
bil. Að útgáfunni stendur hópur
áhugafólks um hrossarækt sem
einnig hefur gefið út stóðhestabók,
haldið stóðhestasýningar og rekur
vefinn stodhestar.com, þar sem er
að finna upplýsingar um rúmlega
600 íslenska stóðhesta víðsvegar
um heiminn.
Í bókinni er að finna umfjöllun
um tíu efstu hross í hverjum aldurs-
flokki á árinu, umfjöllun um öll
ræktunarbú sem tilnefnd voru til
ræktunarverðlauna í ár, umfjöllun um
öll hross sem hlutu afkvæmaverðlaun
á árinu, landsmót, heimsmeistaramót,
einlægt viðtal við Þórð Þorgeirsson,
sem hefur umbylt lífi sínu, „Tíur allra
tíma“og margt fleira áhugavert.
Bókin er til sölu í hestavöruversl-
unum og víðar, auk þess sem allir
félagsmenn í Félagi hrossabænda
fá bókina endurgjaldslaust og munu
aðildarfélög FHB sjá um dreifingu
til félagsmanna sinna. Skuldlausir
félagar í Félagi tamningamanna geta
einnig keypt bókina með 20% afslætti
í Ástund í Austurveri í Reykjavík.
Magnús Benediktsson, ritstjóri
bókarinnar, segir hugmyndina að
útgáfunni hafa komið upp sl. sumar:
„Margir hafa saknað þess að geta
eignast einhvers konar ársrit en frá
því að gamla Hrossaræktin, og síðar
Hesta-Freyr, hættu að koma út hefur
myndast ákveðið tómarúm hvað þetta
varðar. Okkur langaði að fylla í þetta
gat og höfðum metnað til að ganga
í verkið.“ Vinna við bókina hófst
svo í lok ágúst og unnu félagarnir
að henni í sameiningu en öll eru þau
í fullri vinnu og/eða námi þess utan.
Niðurstaðan er 208 blaðsíðna rit sem
spannar fjölbreytt og viðburðaríkt
hrossaræktarár 2011. Magnús segir
að lokum að það sé von útgefenda
og höfunda að bókin verði áhuga-
fólki um hrossarækt til ánægju og
fróðleiks og bendir á að allar nánari
upplýsingar megi fá á Facebook-síðu
Hrossaræktarinnar 2011 og á vefnum
hrossaraekt.is.
Hrossaræktin 2011 komin út
Bókarhöfundar og útgefendur ánægðir með afraksturinn, f.v. Magnús Bene-
diktsson, Björn Kristjánsson, Guðbrandur Stígur Ágústsson, Hulda G. Geirs-
dóttir, Heimir Gunnarsson og Snorri Kristjánsson. Ljósm.: Kári Steinsson.
Forsíða Hrossaræktarinnar 2011, en
hana prýða þeir Þórður Þorgeirsson
og Spuni frá Vesturkoti. Mynd / HP
Landselsstofninn við Ísland hefur
ekki rétt úr kútnum frá árinu 2003.
Þetta er niðurstaða talningar á
fjölda landsela við Íslandsstrendur
sem gerð var á vegum Selaseturs
Íslands, en verkefnið stóð yfir frá
síðastliðnu sumri og fram á haust.
Markmið verkefnisins var að afla
upplýsinga um stöðu íslenska land-
selsstofnsins. Þetta kemur fram á
vef Selasetursins.
Þetta er tíunda heildartalning
landsela úr lofti sem hefur farið fram
hérlendis, en slíkar talningar hófust
árið 1980. Ekki hefur þó verið talið
síðan árið 2006 og var því mjög brýnt
að telja í ár.
Talningarnar fóru í ár þannig fram
að flogið var yfir alla landshluta allt
að þrisvar sinnum og var fjöldi sjáan-
legra landsela talinn í öllum látrum.
Talningar fyrri ára miðuðu að því að
fljúga aðeins einu sinni yfir ströndina
hvert talningarár. Talningin 2011 er
því sú viðamesta sem ráðist hefur
verið í til þessa.
Slysaveiðar í fiskinet hafa nei-
kvæð áhrif
Að meðaltali sáust um 4.512
landselir, en sú tala er mitt á milli
talningarniðurstaðna áranna 2003 og
2006. Þrátt fyrir síminnkandi veiðar
landsela benda þessar niðurstöður til
þess að landselsstofninn hafi ekki rétt
úr kútnum síðan árið 2003. Skýringar
á því geta verið margvíslegar, meðal
annars er líklegt að slysaveiðar á sel
í fiskinet hafi neikvæð áhrif á land-
selsstofninn.
Samstarfsaðilar verkefnisins
voru Veiðimálastofnun, Rannsjá,
BioPol og Hafrannsóknar-stofnun.
Verkefnisstjóri flugtalningar-
verkefnisins er Sandra Granquist,
starfsmaður Veiðimála-stofnunar
og Selaseturs Íslands, en meðverk-
efnastjóri og aðaltalningarmaður var
Erlingur Hauksson hjá Rannsjá.
Í verkefninu tóku einnig þátt
Arna Björg Árnadóttir, sumarstarfs-
maður Veiðimálastofnunar og Jacob
Casper, starfsmaður Hafró og BioPol
á Skagaströnd. Verkefnið er styrkt
af Verkefnasjóði sjávarútvegsráðu-
neytisins.
Landselsstofninn
nær sér ekki á strik
Selasetur íslands á Hvammstanga.
Ævintýri tvíbur-
anna er skemmti-
leg barnasaga sem
Töfrakonur/Magic
Women ehf. Gefur
út. Fjallar bókin
um tvíburana
Bjössa og Begga.
Þeir eru átta ára og búa norður í
Húnavatnshreppi.
Einn daginn eignast þau dásam-
lega ferfætta vini, en hinn næsta
kemur óvænt illa upp alin tíu ára
frænka inn í líf þeirra. Börnin takast á
við daglegt líf, óttann við að foreldrar
þeirra skilji og endalausar spurningar
vakna. Munu þau eignast systkyni?
Hvers vegna skammar amma afa
ekki fyrir að taka í nefið þegar hún er
á ferðalagi? Mun Kalli frændi byrja
með Rósu, gellunni á mótorhjólinu?
Sagan lýsir vel lífinu í sveit-
inni, gleði og sorgum og ekki
síður skemmtilegum uppákomum.
Bókina prýða skemmtilegar og
líflegar myndir eftir Ernu Hrönn
Ásgeirsdóttur.
Ævintýri
tvíburanna