Fréttablaðið - 29.02.2012, Blaðsíða 26

KYNNING − AUGLÝSINGSafetravel MIÐVIKUDAGUR 29. FEBRÚAR 20124
HRINGDU STRAX Í 112
Ef þú sérð einhvern lenda í snjóflóði er mikilvægt að þú reynir að staðsetja hvar þú sást við-
komandi síðast, notaðu einhver kennileiti í landslaginu til þess. Tilkynntu strax um flóðið með
því að hringja í 112 eða senda einhvern til þess. Áður en þú stekkur af stað til bjargar þarftu að
tryggja öryggi þitt – kannaðu til dæmis hvort hætta sé á öðru flóði. Ef þú telur enga hættu á
öðru flóði skaltu hefja tafarlausa leit.
Fyrst er gott að svipast um eftir vísbendingum á yfirborði en svo skaltu nota þau tæki sem þú
ert með til að leita betur. Snjóflóðaýlir virkar best, þar á eftir snjóflóðastöng. Ef hvorugt er með
í för skaltu nýta það sem til er svo sem sköft, plaströr eða annað til að stinga niður í snjóinn. Ef
hundur er með í för skaltu reyna að virkja hann. Fyrstu staðir sem þú leitar á eru við kletta, þar
sem beygjur eru á flóðinu og svo neðst í flóðinu.
RÝMINGARÁÆTLANIR
FYRIR ÞÉTTBÝLI Á NETINU
Við Íslendingar höfum því miður
of oft verið minnt illa á að snjóflóð
falla ekki eingöngu í óbyggðum.
Í gegnum tíðina hefur þessi hvíti
djöfull fallið á þorp og bæi og
oft banað fjölda íbúa. Eftir hin
hörmulegu snjóflóð á Flateyri og
í Súðavík á síðasta áratug síðustu
aldar hefur verið unnið stöðugt
að gerð varnarmannvirkja til að
bæta öryggi íbúa. Þrátt fyrir það
skapast oft hættuástand víða um
landið vegna snjóflóðahættu.
Almannavarnadeild Ríkislögreglu-
stjóra hefur fjölda rýmingaráætl-
ana fyrir þéttbýli sem skynsam-
legt er að kynna sér. Áætlanirnar
má finna á heimasíðunni www.
almannavarnir.is undir útgefnu
efni. Meðal bæja sem áætlanirnar
ná til má nefna Ísafjörð, Neskaup-
stað, Eskifjörð, Þingeyri, Flateyri
og Siglufjörð.
Meðal bæja sem áætlanirnar ná til má
nefna Flatetyri og Ísafjörð.
Lenti í
flóði
Líklegur
ferill
Líklegasta
leitarsvæði
Sást
síðast
NÝTT SNJÓFLÓÐAKORT
Á VEDUR.IS
Eftir snjóflóðaslysin miklu í
Súðavík og á Flateyri árið 1995
urðu straumhvörf í snjóflóða-
málum á Íslandi. Fyrstu árin eftir
1995 var lögð mest áhersla á að
meta hættu í þéttbýli og byggja
upp varnir ásamt því að bæta
eftirlit með byggð. Eftirlit og
hættumat hefur verið á könnu
Veðurstofu Íslands og er nú til
staðfest ofanflóðahættumat fyrir
flest þéttbýlissvæði þar sem við
á. Unnið er að úttekt á ofanflóða-
hættu fyrir dreifbýli og hættumati
fyrir skíðasvæði.
Á síðustu árum hefur verið unnið
að því að bæta aðgengi almenn-
ings að upplýsingum um snjóflóð
og snjóalög. Nýlega var tekið í
notkun nýtt kort á forsíðu www.
vedur.is sem sýnir snjóflóðaskrán-
ingar síðustu vikuna á svipaðan
hátt og stærð og staðsetning
jarðskjálfta er sýnd. Þar eru einnig
athugasemdir frá snjóflóðavakt
og hægt verður að nálgast upp-
lýsingar um snjódýpt og stöðug-
leikaprófanir. Stefnt er að því fyrir
næsta vetur að gefa út snjóflóða-
spá fyrir ákveðin landsvæði sem
miðuð er að ferðamönnum. Það
yrði í samræmi við spár sem
margir kannast við til dæmis frá
Ölpunum þar sem snjóflóðahætta
er flokkuð í fimm flokka, frá lítilli
upp í mjög mikla hættu með til-
heyrandi litaskala.
Hægt er að tilkynna snjóflóð til
Veðurstofunnar, bæði á vefnum
og símleiðis.
Nýlega var tekið í notkun nýtt kort
á forsíðu www.vedur.is sem sýnir
snjóflóðaskráningar síðustu vikuna á
svipaðan hátt og stærð og staðsetning
jarðskjálfta er sýnd.