Fréttablaðið - 08.03.2012, Blaðsíða 24

8. mars 2012 FIMMTUDAGUR24
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Auglýsingar á að senda á auglysingar@frettabladid.is eða
hringja í síma 512 5000.
timamot@frettabladid.is
SIGURÐUR HLÖÐVERSSON, betur þekktur sem Siggi Hlö, er 44 ára í dag.
„Það má segja að við séum plötusnúðar fullorðna fólksins. Við
erum mjög vinsælir í fertugs- og fimmtugsafmælum.“
Okkar ástkæri faðir, tengdafaðir og afi,
Kristján Daníelsson
matreiðslumeistari,
Starengi 28, Reykjavík,
lést á Landspítalanum á Hringbraut í faðmi
fjölskyldunnar sunnudaginn 26. febrúar.
Útför hans verður gerð frá Grafarvogskirkju
föstudaginn 9. mars kl. 13.00.

Ásta Sjöfn Kristjánsdóttir Guðmundur Ólafsson
Dagný Kristjánsdóttir Jónas B. Jónsson
Silvía Kristjánsdóttir
og barnabörn.
Ástkær eiginkona mín, yndisleg móðir
okkar, tengdamóðir, systir, amma og
langamma,
Erla Guðmundsdóttir
Smáraflöt 15, Akranesi,
andaðist í faðmi fjölskyldu sinnar sunnudaginn
4. mars á hjúkrunar- og dvalarheimilinu Höfða,
Akranesi. Útförin fer fram frá Akraneskirkju
föstudaginn 16. mars kl. 14.00.
Gísli S. Sigurðsson
Þráinn Elías Gíslason María S. Sigurðardóttir
Gunnar Valur Gíslason Hervör Poulsen
Jón Bjarni Gíslason María Kristinsdóttir
Sigurlaug Gísladóttir Guðmundur Gíslason
Guðrún Sigríður Gísladóttir Guðmundur S. Jónsson
Friðgerður E. Bjarnadóttir
barnabörn og barnabarnabörn.
Elskuleg móðir okkar, tengdamóðir,
amma og langamma,
Vigdís Auðunsdóttir
Dvalarheimili aldraðra, Borgarnesi,
sem lést miðvikudaginn 29. febrúar, verður jarðsungin
frá Borgarneskirkju laugardaginn 10. mars
klukkan 14.00.

María R. Eyþórsdóttir
Guðmundur Eyþórsson Ingibjörg Vigfúsdóttir
Ingibjörg Eyþórsdóttir Gísli Þórðarson
Þorsteinn Eyþórsson Anna Þórðardóttir
barnabörn og barnabarnabörn.
Ástkær móðir okkar, tengdamóðir,
amma og langamma,
Laufey Þorsteinsdóttir
andaðist á Dvalarheimilinu Hlíð, Akureyri, 5. mars.
Jarðsungið verður frá Akureyrarkirkju mánudaginn
12. mars kl. 10.30. Sendum innilegar þakkir til
starfsfólks á Hlíð.
Þorsteinn Árnason Eva Ásmundsdóttir
Skúli Árnason Jakobína Björnsdóttir
barnabörn og barnabarnabörn.
Elskuleg móðir okkar, tengdamóðir,
amma og langamma,
Margrét Pétursdóttir
Sléttuvegi 15, Reykjavík,
lést laugardaginn 3. mars. Útförin verður gerð frá
Siglufjarðarkirkju laugardaginn 10. mars kl. 14.00.
Þeim sem vildu minnast hennar er bent á Systrafélag
Sjúkrahúss Siglufjarðar.
Theodór Ottósson Árný Elíasdóttir
Jón Andrjes Hinriksson Brynja Gísladóttir
Ingibjörg Hinriksdóttir Andrés Ragnarsson
barnabörn og barnabarnabörn.
Okkar ástkæri,
Guðmundur Kristjánsson
vélstjóri,
frá Dunkárbakka, Hörðudal,
Krummahólum 8, Reykjavík,
lést á hjúkrunarheimilinu Mörk föstudaginn 2. mars.
Útförin fer fram frá Fella- og Hólakirkju föstudaginn
9. mars kl. 13.00.
Dagný Jónsdóttir og aðstandendur.
Sonur minn, bróðir okkar, sambýlis-
maður, faðir, tengdafaðir og afi,
Hafsteinn Sigurðsson
Silfurgötu 11, Stykkishólmi,
sem lést fimmtudaginn 1. mars, verður jarðsunginn frá
Stykkishólmskirkju laugardaginn 10. mars kl. 14.00.
Blóm og kransar eru vinsamlegast afþakkaðir en þeim
sem vilja minnast hans er bent á Krabbameinsfélag
Íslands eða Slysavarnafélag Íslands.
Ingibjörg Árnadóttir
Sigrún Ársælsdóttir
og aðstandendur.
Ástkær bróðir okkar,
Bjarnhéðinn Guðjónsson
vélvirkjameistari,
Þrúðvangi 38, Hellu,
er látinn. Útför hans fer fram frá Oddakirkju laugar-
daginn 10. mars kl. 14.00. Blóm og kransar vinsamleg-
ast afþakkaðir en þeim sem vilja minnast hans er bent á
að láta líknarfélög njóta þess.
Fyrir hönd aðstandenda,
Margrét Guðjónsdóttir
Pálmar Guðjónsson
Fyrir 50 árum stóð hin sextán ára Anna
Vilhjálmsdóttir á sviðinu í Austurbæj-
arbíói og söng með KK Sextettinum.
Þetta var í fyrsta skipti sem hún kom
fram opinberlega og upphafið að við-
burðaríkum ferli. Það er viðeigandi að
Anna skuli fagna fimmtíu ára söngaf-
mæli sínu á sama stað og ferillinn hófst,
með stórtónleikum í Austurbæ í kvöld
klukkan 20.30.
„Þetta verður bland í poka, en auðvi-
tað tek ég lög eins og Heimilisfrið, sem
ég söng með Berta Möller og hljómsveit
Svavars Gestssonar, Við bláan sæ, sem
ég söng með hljómsveit Magnúsar Ingi-
mundarsonar og Vilhjálmi Vilhjálms-
syni og Fráskilin að vestan af disknum
Frá mér til þín,“ segir Anna. Í för með
henni verða nokkrir hljóðfæraleikarar,
hver öðrum hæfileikaríkari, segir Anna.
Þetta eru þeir Vilhjálmur Guðjónsson,
Sverrir Hilmarsson, Þorleifur Gíslason,
Lárus Grímsson, Finnbogi Kjartansson
og Viðar Jónsson. Einnig koma fram
gestasöngvararnir Einar Júlíusson og
Bjarni Arason, sem flytja þekkt lög úr
eigin smiðju, auk þess sem fyrrnefndur
Viðar Jónsson mun taka lagið.
Anna hefur komið víða við á söngferl-
inum, eins og tónleikarnir í kvöld bera
með sér. „Ég varð upphaflega þekkt
fyrir að syngja lög eftir rokksöng-
konur á borð við Connie Francis. Mér
var reyndar alltaf líkt við hana. Þegar
ég fór til New York 25 ára gömul, til
að reyna fyrir mér, tóku margir feil á
okkur. Við höfum báðar há kinnbein,
brún augu, dökkt hár og vorum með
svipaða hárgreiðslu.“
Í Bandaríkjunum landaði Anna plötu-
samningi og fór heim til Íslands til
þess eins að ganga frá sínum málum og
sækja dóttur sína. Svo hugðist hún flytj-
ast alfarið vestur um haf. Þrátt fyrir að
þykja sterklík fegurðardísinni Connie
Francis voru þó gerðar kröfur um að
hún breytti útliti sínu, sem Anna gat
á endanum ekki fellt sig við. „Það átti
að gerbreyta mér allri, laga í mér tenn-
urnar og lita mig ljóshærða. Þegar ég
kom heim fann ég að þetta gat ég ekki
hugsað mér,“ segir Anna. Ferill henn-
ar var því að mestu bundinn við Ísland,
þó að hún ætti raunar eftir að flytja til
Bandaríkjanna síðar á lífsleiðinni.
Undanfarin ár hefur lítið heyrst í
Önnu. Hún heyrir ekki vel og er þar
að auki með lungnaþembu, svo hún
var búin að telja sjálfri sér trú um að
hún gæti ekki sungið lengur. Það var
hins vegar hjúkrunarkona á Reykja-
lundi sem sannfærði hana um að hefja
upp raust sína að nýju. „Ég söng eitt
lag á Reykjalundi, fyrir hana og aðra
viðstadda, og fann þá að ég gat þetta
alveg,“ segir Anna, sem telur ekki ólík-
legt að hún eigi eftir að syngja á fleiri
tónleikum í náinni framtíð. „Þegar
maður byrjar svona upp á nýtt fær
maður bakteríuna aftur. Ég hef lúmsk-
an grun um að ég haldi áfram.“
Miðasala fer fram á www.midi.is.
holmfridur@frettabladid.is
ANNA VILHJÁLMSDÓTTIR: ER AFTUR KOMIN MEÐ SÖNGBAKTERÍUNA EFTIR NOKKUÐ HLÉ
Fagnar söngafmæli þar sem
ferillinn hófst fyrir 50 árum
NÝTUR ENN SVIÐSLJÓSSINS Söngkonan Anna Vilhjálmsdóttir fagnar 50 ára söngafmæli sínu
með stórtónleikum í Austurbæ í kvöld. FRÉTTABLAÐIÐ/HAG