Fréttablaðið - 08.03.2012, Blaðsíða 44

8. mars 2012 FIMMTUDAGUR36
bio@frettabladid.is
Tvær myndir verða frumsýndar í
kvikmyndahúsunum um helgina í
viðbót við John Carter, sem er fjallað
um hér fyrir neðan.
Rómantíska kvikmyndin The Vow
með Rachel McAdams og Channing
Tatum í aðalhlutverkum er byggð
á sannsögulegum atburðum. Hún
fjallar um Paige og Leo, nýgift hjón
sem eru yfir sig ástfangin og virðast
eiga lífið fyrir sér þegar þau lenda í
bílslysi. Bæði komast þau lífs af úr
slysinu, en eftir að hafa legið í dái
vaknar Paige og hefur misst minnið.
Leo þarf því að hafa sig allan við til
að vinna hug hennar og hjarta á ný,
en málin flækjast þegar Paige fer
að sýna gömlum kærasta áhuga.
Gerard Butler leikur fyrrum fót-
boltastjörnuna George í myndinni
Playing the Field. Verandi orðinn
gjaldþrota í kjölfar slæmrar fjár-
festingar og þreyttur á glaumgos-
alífinu ákveður George að flytja
aftur á heimaslóðir til Virginíu. Þar
á hann barnsmóður og vanræktan
son og hyggst hann endurvekja sam-
bandið við þau. Þegar hann tekur að
sér að þjálfa fótboltalið sonarins á
hann þó erfitt með að hafa augun af
kynþokkafullu fótboltamömmunum
á hliðarlínunni. Með önnur aðal-
hlutverk fara Jessica Biel og Dennis
Quaid. - trs
Rómantík og gjaldþrota fótboltamaður
MISSIR MINNIÐ Þegar Paige missir minnið leggur Leo
allt í sölurnar til að gera hana ástfangna af sér á nýjan
leik í myndinni The Vow.
Ævintýramyndin John Carter verður
frumsýnd í Sambíóunum annað kvöld.
Myndin er byggð á skáldsögunni A
Princess of Mars og segir frá her-
manninum John Carter sem lendir
óvænt á plánetunni Mars og verður
óvænt þátttakandi í stríði milli ólíkra
þjóðflokka sem búsettir eru á plánet-
unni.
Myndin er byggð á skáldsögu Edgars Rice
Burroughs sem einnig er höfundur bókanna
um skógarmanninn Tarzan. Bókin A Princess
of Mars kom fyrst út árið 1917 og hefur síðan
þá verið rithöfundum á borð við Ray Bradbury,
John Norman og Arthur C. Clarke innblástur,
en sá síðastnefndi skrifaði meðal annars 2001:
A Space Odyssey.
Kvikmyndin segir frá fyrrverandi hermanni
sem lendir óvænt á plánetunni Mars sem er við
það að visna, meðal annars vegna vatnsskorts.
John Carter ákveður að koma til aðstoðar með
því að reyna að koma á friði milli stríðandi íbúa
plánetunnar og þar með bjarga öllu lífi á Mars.
Leikstjóri myndarinnar er Andrew Stanton
sem áður hefur leikstýrt teiknimyndum á borð
við Finding Nemo og WALL-E. Þetta er fyrsta
leikna kvikmynd Stantons en hann skrifaði
einnig handritin að Toy Story og A Bug‘s Life
auk þess sem hann talaði fyrir persónuna
Fred í kvikmyndinni Cars. Taylor Kitsch fer
með hlutverk Johns Carter en hann er líklega
þekktastur fyrir leik sinn í sjónvarpsþáttun-
um Friday Night Lights. Með önnur hlutverk
fara Willem Dafoe, Samantha Morton og Lynn
Collins.
Aldargamalt ævintýri á hvíta tjaldið
■ Árið 1931 hafði höfundur Looney Tunes, Bob
Clampett, samband við Edgar Rice Burroughs
og bar undir hann hugmyndina um að gera
bókina að teiknimynd í fullri lengd. Burroughs
þótti hugmyndin góð og hafist var handa við
gerð myndarinnar. MGM framleiddi hana og
voru yfirmenn fyrirtækisins spenntir fyrir verk-
efninu. Prufusýning var á myndinni árið 1936 en
áhorfendum þótti hugmyndin um líf á Mars of
framandi og því var hætt við framleiðslu hennar.
■ Í bókinni A Princess of Mars er persónan John
Carter sögð vera fyrrverandi hermaður frá Virg-
iníu. Burroughs lýsir honum sem ódauðlegum
manni á þrítugsaldri. Fólk þekkir hann sem Jack
frænda, en á meðan það eldist og deyr helst
Carter alltaf jafn ungur.
■ Leikstjórinn Andrew Stanton er lærður teikni-
myndateiknari. Eftir útskrift starfaði hann við
gerð Mighty Mouse: The New Adventures og var
jafnframt einn af fyrstu starfsmönnum Pixar.
HUGMYNDIN UM LÍF Á MARS ÞÓTTI OF FRAMANDI
> AFTUR Á HVÍTA TJALDIÐ
Leikstjórinn og handritshöfundurinn Woody
Allen hefur tekið að sér hlutverk í nýrri mynd
John Turturro, Fading Gigolo. Allen hefur ekki
leikið í mynd sem hann leikstýrir ekki sjálf-
ur í 12 ár en áætlað er að myndin verði frum-
sýnd árið 2013. Auk Allens fara leikkon-
urnar Sharon Stone og Sofia Vergara
með hlutverk í myndinni sem fjallar
um tvo miðaldra karlmenn sem
ákveða að fara út í að selja sig til
að græða peninga.
Bandaríska tónskáldið Robert B.
Sherman lést á mánudag, 86 ára
að aldri. Sherman og bróðir hans,
Richard, eiga heiðurinn af mörg-
um þekktustu lögum Disney-
kvikmyndanna.
Robert og Richard sömdu
meðal annars lögin Feed the
Birds, Supercalifragilisticexpia-
lidocious og Chim Chim Cheree
fyrir kvikmyndina um Mary
Poppins og hlutu tvenn Óskars-
verðlaun fyrir. Þeir sömdu einnig
tónlistina við Disney-myndirnar
The Aristocats, The Jungle Book,
Bedknobs and Broomsticks,
Winnie the Pooh og The Tigger
Movie. „Eitthvað gott gerist
þegar við sitjum tveir saman við
vinnu. Við höfum unnið saman
nánast alla okkar ævi,“ sagði
Richard um samstarfið við bróð-
ur sinn.
Disney-tón-
skáld látið
TÓNSKÁLD KVATT Disney-tónskáldið
Robert B. Sherman lést fyrr í vikunni, 86
ára að aldri. NORDICPHOTOS/GETTY
SVARTUR Á LEIK
★★★★★
„Svartur á leik húðar viðfangsefni sitt
ekki í sykur. Óskar og félagar sýna
raunverulega mynd af sýndarheim-
inum í frábærri spennumynd.“ - afb
MACHINE GUN PREACHER
★★★★★
„Óvenjuleg mynd sem fer vel af stað
en tapar áttum. Butler nær þó að ýta
skrjóðnum langleiðina heim.“
HAYWIRE
★★★★★
„Haywire er vissulega formúlumynd
en framsetningin lyftir henni upp fyrir
meðalmennskuna.“
THIS MEANS WAR
★★★★★
„Óvönduð útfærsla á ágætri hug-
mynd. Þolanleg í fluginu til Tenerife í
sumar.“ - hva
KVIKMYNDARÝNI
Sjarmörinn Casey Affleck fer
með hlutverk í nýrri mynd
Scotts Cooper, Out Of The
Furnace. Christian Bale leik-
ur á móti honum í myndinni og
munu þeir leika bræður. Ef
marka má fréttirnar skák-
aði Affleck meðal annars
þeim Garrett Hedlund
og Channing Tatum sem
áður höfðu verið orðaðir
við hlutverkið.
Affleck sást síðast í
myndinni The Killer Inside
Me þar sem hann lék á móti
Jessicu Alba og Kate
Hudson og fékk góða
dóma, þrátt fyrir að
myndin sjálf hafi þótt
mjög umdeild. Hann
mun birtast í mynd
Ridley Scott, The Kind
One, nú síðar á árinu
auk þess sem hann
leikur á móti Bradley
Cooper í myndinni
Paradise Lost sem
er væntanleg í kvik-
myndahús árið 2013.
Það er því nóg
fram undan hjá
litla bróður stór-
stjörnunnar Ben
Affleck.
Casey Affleck leikur
yngri bróður Bales
BRÓÐIR BALES
Casey Affleck leikur
bróður Christian Bale
í nýrri mynd Scotts
Cooper.
Ferðafélag íslands • www.fi.is • fi@fi.is • Sími 568 2533
Ferðafélag Íslands og Gönguskíðafélagið Ullur
standa fyrir kynningu á skíðagönguíþróttinni í sal
Ferðafélags Íslands fimmtudaginn 8. mars kl. 20
Meðal annars verða hinar ýmsu gerðir af skíðum kynntar,
t.d. ferðaskíði, brautarskíði og fjallaskíði sem og ýmis
annar skíðabúnaður, t.d. púlkur, klæðnaður ofl. Svarað
verður spurningum um hvað þarf að hafa í huga við kaup
á skíðum og fleira sem tengist skíðaíþróttinni.
Farið verður yfir skíðáburð og tækni við að bera á skíði,
einnig sagt frá skíðagöngumótum á Íslandi.
Þá mæta fulltrúar frá Útivistarversluninni Everest og
kynna skíðabúnað og tilboð á völdum skíðavörum.
Skíðagöngufélagið Ullur
og Ferðafélag Íslands
Skráðu þig inn – drífðu þig út
Skíðagöngufélagið Ullur
og Ferðafélag Íslands