Fréttablaðið - 22.03.2012, Síða 12

22. mars 2012 FIMMTUDAGUR12 12
hagur heimilanna
Eigendur og umráðamenn
ökutækja greiddu í fyrra
360 milljónir króna í van-
rækslugjöld fyrir að hafa
ekki látið skoða þau innan
ákveðinna tímamarka. Van-
rækslugjaldið nemur 15.000
krónum. Ef brugðist er við
innan mánaðar frá álagn-
ingu lækkar gjaldið í 7.500
krónur.
Þótt það kosti töluvert fé að koma
ekki með bílinn eða annað öku-
tæki til skoðunar á réttum tíma
voru það 37.500 manns sem sættu
álagningu vanrækslugjalds í
fyrra, að því er kemur fram á
vef sýslumanna. Enn er nokkur
fjöldi krafna sem stofnaðist það
ár ógreiddur.
Álagning vanrækslugjalds hófst
í apríl 2009 og leggst það á öll öku-
tæki sem ekki eru færð til skoð-
unar á réttum tíma samkvæmt
reglugerð um skoðun ökutækja.
Vanrækslugjaldið, sem nemur
15.000 krónum og er hið sama
fyrir öll ökutæki, leggst á að liðn-
um tveimur mánuðum frá því að
skoðun átti að fara fram ef hún
er vanrækt. Krafan færist þá í
heimabanka eiganda eða umráða-
manns og má greiða hana þar óháð
því hvort ökutækið hafi verið fært
til skoðunar eða ekki. Sé brugðist
við innan mánaðar frá álagningu
lækkar vanrækslugjaldið í 7.500
krónur.
Skráður eigandi ökutækis ber
ábyrgð á að það sé fært til skoðun-
ar en umráðamaður þegar umráð
þess byggjast á eignaleigusamn-
ingi við fjármálafyrirtæki.
Á vef sýslumanna segir að
greidd vanrækslugjöld í fyrra hafi
numið 360 milljónum króna. Gera
megi ráð fyrir að 25 til 30 þús-
und einstaklingar standi á bak við
þessar greiðslur.
„Ég er alveg undrandi á því
hversu mikið er um að menn láti
ekki skoða ökutækin á réttum
tíma,“ segir Jónas Guðmundsson,
sýslumaður í Bolungarvík, sem
annast álagningu og innheimtu
vanrækslugjalda. Hann segir
mikið hafa verið um álagningar
fyrst þegar þær hófust. Menn hafi
kannski ekki áttað sig strax á að
vanrækslugjald væri komið á. „En
álagningunum hefur samt ekki
fækkað sem neinu nemur,“ tekur
Jónas fram.
Árið 2010 námu greiðslurnar
rúmum 285 milljónum króna en
árið 2009 námu þær rúmum 238
milljónum króna. Það ár hófst
álagningin þó ekki fyrr en í apríl
eins og greint er frá hér að fram-
an.
Um síðustu áramót nam óinn-
heimt vanrækslugjald frá upphafi
um 250 milljónum króna. Ýmsar
ástæður kunni að liggja að baki
því að greiðslur hafi ekki borist,
að því er segir á vef sýslumanna.
Líklegt þykir að helstu ástæðurnar
séu þær að ökutæki sem gjald er
lagt á séu oft ekki til þótt þau séu
skráð í ökutækjaskrá og hafi jafn-
vel sætt álagningu þrjú ár í röð.
Í sérstökum tilfellum getur
frestun álagningar komið til
greina. ibs@frettabladid.is
37.500 manns komu
of seint í bílaskoðun
SKOÐUN Kostnaðurinn verður mikill þegar vanrækslugjald bætist við sjálft skoðunar-
gjaldið. FRÉTTABLAÐIÐ/STEFÁN
þúsund
manns
eru
taldir standa að baki greiddra
vanrækslugjalda á árinu 2011.
25-30
Öndunarmælir sem mælir áfengismagn í blóði
ökumanna á að vera í öllum bílum og bifhjólum
í umferð í Frakklandi frá og með 1. júlí næstkom-
andi, að því er greint er frá í frétt á vef Umferðar-
stofu.
Markmiðið er að tryggja að allir ökumenn viti
hversu mikið áfengismagn er í blóði þeirra áður
en þeir taka þá ákvörðun að aka af stað. Þetta á
einnig við um erlend ökutæki og verða mælar seldir við
landamæri Frakklands. Eina undantekningin eru hjól sem
eru með mjög lítilli vél eða undir 50 kúbikum.
Á vef Umferðarstofu segir að hrina alvarlegra umferðar-
slysa, sem meðal annars megi rekja til ölvunar, í upphafi
árs 2011 hafi hvatt stjórnvöld til að grípa til þessara
aðgerða.
■ Akstur
Vínandamælar í öllum bílum í
umferð í Frakklandi
Á vefnum grænn.is er að finna upp-
lýsingar um hvað helstu umhverfismerkin
á vöruumbúðum þýða. Bent er á að
neytendur geti treyst því að þegar vara
er merkt Svaninum, Evrópublóminu
eða öðrum sambærilegum merkjum séu
þeir að velja það besta fyrir umhverfi og
heilsu. Óháður aðili á að hafa gengið úr
skugga um að varan hafi minni áhrif á
umhverfið og heilsuna en almennt gerist
með sambærilegar vörur hér á landi.
Umhverfisstofnun heldur utan um Svaninn
og Evrópublómið hér á landi.
■ Umhverfisvernd
Hvað þýða umhverfismerkin
á umbúðunum?
GÓÐ HÚSRÁÐ tannkrem
Tannkrem til margs nýtilegt
Tannkrem má nota til annarra hluta en bursta tennurnar kvölds og morgna.
Tannkrem getur virkað vel á silfurmuni. Best er að nudda silfrið með tann-
kremi og skola svo burt með köldu vatni. Þá má ná pennastrikum og litum
af veggjum með tannkremi. Nuddið blettinn með tannkreminu og þrífið
svo með blautri tusku. Þá má nota tannkrem til að þrífa nótnaborðið á
píanóinu. Tannkremið er borið á og látið þorna. Síðan eru nóturnar pússaðar
með klút.
KÖNNUN Litla fiskbúðin í Miðvangi
í Hafnarfirði er ódýrasta fisk-
verslun landsins, ef marka má
könnun sem verðlagseftirlit ASÍ
gerði á mánudag. Þá var farið í 23
verslanir vítt og breitt um landið
og verð kannað á 25 algengum teg-
undum af fersku fiskmeti.
Fimmtán vörur af 25 reynd-
ust ódýrastar í Litlu fiskbúðinni í
Miðvangi og í fimm tilvikum var
lægsta verðið hjá annarri verslun
í Hafnarfirði, Fiskbúðinni Trönu-
hrauni. Keisarinn, fiskbúð og veit-
ingastaður í Grandagarði, var með
lægsta verðið í þremur tilvikum.
Meiri dreifing var á hæsta verð-
inu milli verslana, en Melabúðin
Hagamel og Gallerý fiskur Nethyl
voru oftast með hæsta verðið, eða
fimm sinnum.
Munur á lægsta og hæsta verði
var frá 27 prósentum upp í 158
prósent. Mestur verðmunur reynd-
ist vera á eldislaxi í sneiðum sem
var dýrastur á 2.298 krónur hvert
kíló hjá Melabúðinni Hagamel en
ódýrastur á 890 krónur hjá Litlu
fiskbúðinni Miðvangi. Þá var 118
prósenta verðmunur á rauðsprettu-
flökum á milli ódýrustu búðanna,
Litlu fiskbúðarinnar og Keisarans,
og þeirrar dýrustu, Fiskikónginum
Sogavegi. - sh
Verðkönnun á 25 fisktegundum í 23 verslunum:
Fiskurinn ódýrastur í
Hafnfirskum búðum
MISDÝR ÝSA Ríflega 40 prósenta verðmunur var á ýsuflökum milli verslana.
FRÉTTABLAÐIÐ/E.ÓL
KÍLÓVERÐ á dilka- eða súpukjöti hefur hækkað um 22%,
eða 173 krónur, síðan árið 2009. Samkvæmt Hagstofunni var
kílóverðið 617 krónur 2009 og er nú 790 krónur.
22%