Fréttablaðið - 22.03.2012, Qupperneq 70

22. mars 2012 FIMMTUDAGUR54
MORGUNMATURINN
Cheerios og rúsínur, lýsi og eitt
glas af appelsínusafa. Það stein-
liggur.
Arnaldur Birgir Konráðsson, stofnandi,
eigandi, þjálfari og framkvæmdastjóri
Boot Camp.
Enski tónlistarmaðurinn Bryan
Ferry bættist fyrir skömmu í stór-
an hóp eldri tónlistarmanna sem
sækja Ísland heim á þessu ári.
Meðal annarra sem stíga hér á svið
eru James Taylor, Tony Bennett,
Don McLean og Manfred Mann,
sem eiga það allir sameiginlegt að
vera komnir vel yfir sextugt. Inni
á milli leynast yngri flytjendur
en langyngst er þó Azealia Banks
sem er rétt skriðin yfir tvítugt.
Hún dregur meðalaldur þeirra
sem hingað koma mikið niður en
hann hljómar upp á 58,6 ár.
Aðspurður segist tónlistarspek-
ingurinn Dr. Gunni efast um að
það seljist upp á alla þrettán tón-
leikana sem tilkynnt hefur verið
um. „Það mætti segja mér að eitt-
hvað af þessu dóti verði slegið af
vegna áhugaleysis. Þetta ber vott
um pitsu- og videóleiguæði þar
sem allir fara að gera það sama
á sama tíma,“ segir Gunni. „2008
var líka gamalmennaár. Þá voru
tónleikar með John Fogerty, Bob
Dylan, Paul Simon, Eric Clapton
og svoleiðis gaurum. Þá valdist
allt á sama tíma en maður vonar
að þetta gangi allt saman vel og að
enginn fari á hausinn.“
Hann er ekki harður á því að
það verði að flytja inn yngra tón-
listarfólk til landsins. „Ef einhver
er að kvarta yfir því að það sé ekki
nógu ungt lið að koma verða þeir
að gjöra svo vel að fara bara í þetta
sjálfir.“
Dr. Gunni ætlar að fara á
nokkra tónleika, eða 10cc og Elvis
Costello, auk þess sem Bryan
Ferry og Manfred Mann’s Earth
Band eru á hans áhugasviði. Hann
viðurkennir að margir þeirra sem
eru á leiðinni hingað séu orðnir
útbrunnir en samt sé tónlist-
in þeirra klassísk. „Þetta lið er
náttúrulega löngu búið að gera
sitt besta „stöff“. Ég er búinn að
reikna það út að í poppmúsík eru
allar bestu plötur sögunnar búnar
til af 26 ára gömlu fólki. Þetta er
vísindaleg niðurstaða sem ég fékk
eftir að hafa tekið saman nokkra
lista yfir bestu plötur aldarinnar.
Það er því kannski ekki skrítið að
allir stúti sér þegar þeir verða 27
ára,“ segir hann og hlær. „En þú
færð allt sem er ekki útbrunnið á
Airwaves. Það er reyndar ekki lið
sem er að toppa um þessar mund-
ir. Þess vegna er tvímælalaust
sóknarfæri í svoleiðis tónleikum.“
freyr@frettabladid.is
DR. GUNNI: ÞEIR SEM KVARTA VERÐA SJÁLFIR AÐ FLYTJA INN YNGRA FÓLK
Meðalaldur væntanlegra
tónlistarmanna um sextugt
ERLENDIR FLYTJENDUR Á LEIÐ TIL ÍSLANDS
100
80
60
40
20
0
21
. a
pr
íl
24
. a
pr
íl
16
. m
aí
18
. m
aí
27
. m
aí
31
. m
aí
3.
jú
ní
6.
jú
ní
10
. j
ún
í
21
.-
22
. j
ún
í
19
. j
úl
í
10
. á
gú
st
17
. o
kt
ób
er
Al
du
r
Azealia Banks
Buika
Yann Tiersen John Grant
Elvis
Costello
James Taylor
Ian Anderson
Graham Goldman
Bryan Ferry
Don McLean
Chick Corea
Manfred Mann
Tony Bennett
Védís Vandíta Guðmundsdóttir, tónlistarkennari
og meðlimur í hljómsveitinni Galaxies, er stofn-
andi og stjórnarmeðlimur nýstofnaðs Stjörnu-
fræðifélags Vestmannaeyja. Fyrsti fundur félags-
ins fór fram í byrjun vikunnar og fór aðsóknin
fram úr björtustu vonum.
Védís segir stjörnuskoðun vera hennar helsta
áhugamál fyrir utan tónlistina. Ákveðið var að
stofna stjörnuskoðunarfélag í Vestmannaeyjum
eftir að nokkrir áhugamenn komu sér saman um
að byggja upp áhugann á faginu í bænum. Alls
mættu um þrjátíu einstaklingar á fyrsta fund
félagsins á þriðjudag sem lýsir miklum áhuga
Vestmannaeyinga á stjörnuskoðun.
„Ég hef haft mikinn áhuga á þessu allt frá því
ég var barn, þetta lá þó í svolitlum dvala á meðan
tónlistin átti hug minn allan, en hefur nú bloss-
að aftur upp. Ég á tvo stjörnukíkja sem ég nota
mikið á veturna þegar maður er nógu heppinn að
fá stjörnubjört kvöld,“ upplýsir Védís sem hyggur
jafnvel á nám í greininni í nánustu framtíð.
Hún segir stjörnuskoðun vera hollt áhugamál
og fylgist sjálf spennt með uppgötvunum Keplers-
sjónaukans. „Stjörnuskoðun gerir mér gott því þá
átta ég mig á því hvað lítilsháttar vandamál eru í
raun agnarsmá miðað við stærra samhengi. Þetta
er líka bara gaman og fyrir mína parta varð ekki
aftur snúið þegar ég var á annað borð byrjuð. Ég
fylgist núna spennt með Keplerssjónaukanum og
bíð bara eftir því að hann finni plánetu með öðru
lífkerfi.“
Stjörnufræðifélag Vestmannaeyja heldur mán-
aðarlega fundi og stefnir einnig á samvinnu við
grunn- og framhaldsskólann í bænum. „Okkur
langar að byggja þetta upp af krafti,“ segir Védís
að lokum. - sm
Söngkona Galaxies stofnar stjörnufræðifélag
STOFNANDI STJÖRNUSKOÐUNARFÉLAGS Védís
Vandíta Guðmundsdóttir tónlistarkona er stofnandi
og stjórnarmeðlimur nýstofnaðs Stjörnufræðifélags
Vestmannaeyja. FRÉTTABLAÐIÐ/STEFÁN KARLSSON
„Þetta er mikið ævintýri,“ segir
leikstjórinn Gunnar Björn Guð-
mundsson, sem hefur leikstýrt
áramótaskaupinu á RÚV síðustu ár.
Gaflaraleikhúsið frumsýnir í
dag klukkan 18 Ævintýri Múnkhá-
sens, eftir Sævar Sigurgeirsson.
Leikarar á borð við Gunnar Helga-
son, Ágústu Evu Erlendsdóttur og
Magnús Guðmundsson fara með
hlutverk í sýningunni og leikstjór-
inn Gunnar, sem leikstýrir reynd-
ar ekki þessu verki, stígur einnig
á svið.
Spurður hvort hann hafi gert
Ágústu Skúladóttur, leikstjóra
verksins, erfitt fyrir með stöð-
ugum aðfinnslum segir Gunnar
svo ekki vera. „Ég skil hvað leik-
stjórinn þarf að gera til að gera
verkið frábært. Leikarinn verður
að spila með,“ segir hann. Hann
tekur þó fram að það sé bæði erf-
itt og gaman að stíga á svið á ný,
en það gerði hann síðast fyrir sjö
árum. „Þetta er rosalega góður
skóli. Maður er alltaf að læra.
Nú verð ég að gera það sem ég er
búinn að vera að segja öðrum að
gera. Þá öðlast ég skilning á sárs-
auka þeirra,“ segir hann og rekur
upp hrossahlátur.
Ævintýri Múnkhásens virðist
höfða til allra aldurshópa. Forsýn-
ingar hafa staðið yfir og Gunnar
segir að börn allt niður í tveggja
ára gömul hafi skemmt sér konung-
lega ásamt unglingum og gamal-
mennum. „Þetta er fjölskyldusýn-
ing,“ segir hann.
Miðasala á sýninguna fer fram á
vefsíðunni Midi.is. - afb
Skaupsstjórinn stígur á svið
HNEGG Gunnar í hlutverki sínu sem
litháíski hesturinn í sýningunni Ævintýri
Múnkhásens.