Fréttablaðið - 29.03.2012, Síða 6

29. mars 2012 FIMMTUDAGUR6
Póstdreifing - Suðurhraun 1
210 Garðabær - Sími 585 8300
www.postdreifing.is
fjölpósti,
blöðum,
tímaritum,
bréfum og
vörum.
Okkar
hlutverk
er að
dreifa
Fundir og ráðstefnur
Veislusalurinn er vel tækjum búinn og er því tilvalinn
fyrir hvers kyns ráðstefnur og fundi, stóra sem smáa.
Í salnum er meðal annars hágæða hljóðkerfi, skjávarpi,
flettitafla og púlt. Starfsfólk okkar veitir þér ráðgjöf
varðandi veitingar og annað sem huga þarf að.
GLÆSILEGUR VEISLUSALUR!
Náttúruparadís í hjarta borgarinnar
www.nautholl.is www.facebook.com/nautholl nautholl@nautholl.is sími 599 6660
HB23AB220S
Bakstursofn
(fullt verð: 159.900 kr.)
Einnig fáanlegur í stáli.
ET645EN11
Keramíkhelluborð
(fullt verð: 119.900 kr.)
Tækifærisverð
AFGANISTAN, AP Um 400 konur sitja
nú í fangelsi í Afganistan fyrir
siðferðisbrot, sem einkum felast
í því að hafa strokið að heiman,
framið hjúskaparbrot eða jafn-
vel bara komið sér í aðstæður þar
sem möguleiki er á að þeim verði
nauðgað.
Þetta kemur fram í nýrri
skýrslu frá mannréttindasam-
tökunum Human Rights Watch,
þar sem greint er frá viðtölum
við 58 konur. Allar hafa þær setið
í fangelsi fyrir ofangreind atriði,
þrátt fyrir að þau séu ekki refsi-
verð að afgönskum lögum.
Í lögunum er engu að síður
heimild til þess að refsa fyrir brot
gegn siðalögum íslamstrúar. Dóm-
stólar hafa haldið áfram að kveða
upp refsingar í samræmi við það,
þrátt fyrir yfirlýsingar frá stjórn-
völdum og hæstarétti landsins um
að gæta eigi hófs í slíkum dómum.
Í yfirlýsingu hæstaréttar frá
í fyrra segir til dæmis að þegar
kona strýkur að heiman eigi að
taka tillit til ástæðu stroksins,
sem oftast er sú að hún hafði verið
beitt ofbeldi af hálfu eiginmanns
eða fjölskyldu hans.
Óttast er að Karzai forseti hafi
lítinn áhuga á að fylgja þessu fast
eftir, nú þegar hann vonast til að
viðræður við talibana skili því að
sættir takist við þá. - gb
Staða margra kvenna í Afganistan hefur lítið skánað frá tímum talibanastjórnar:
Konum refsað fyrir að flýja ofbeldi
DÓMSMÁL Héraðsdómur Vesturlands hefur
dæmt hálfþrítugan mann í tveggja ára
fangelsi fyrir kynferðisbrot gegn tveimur
stúlkum, þrettán og fjórtán ára gömlum.
Brotin framdi maðurinn þegar hann var
leiðbeinandi í ungmennastarfi á vegum
Rauða krossins í fyrra og starfsmaður
grunnskóla.
Maðurinn er fundinn sekur um að hafa
brotið gegn annarri stúlkunni með því að
leita eftir kynferðislegu samneyti við hana
og kyssa hana á munninn og í annað skipti
strjúka henni innanklæða og láta hana fróa
sér.
Hina stúlkuna áreitti hann kynferðislega,
kyssti hana, strauk brjóst og kynfæri hennar
innanklæða og reyndi að fá hana til að
stunda með sér kynmök. Hann átti í miklum
og nánum samskiptum í gegnum síma og
tölvu við báðar stúlkurnar.
Í dómnum segir að samskipti mannsins við
stúlkurnar séu mjög óeðlileg í ljósi aldurs-
munar og stöðu hans gagnvart þeim. Hann er
dæmdur til að greiða fyrrnefndu stúlkunni
eina milljón í bætur og þeirri síðarnefndu
800 þúsund krónur.
Maðurinn er erlendur og hafði starfað
fyrir Rauða krossinn í heimalandi sínu. Þá
hafði hann unnið fyrir sér sem trúður hér á
Íslandi. - sh
Hálfþrítugur starfsmaður Rauða krossins dæmdur í tveggja ára fangelsi fyrir kynferðisbrot:
Braut gegn tveimur unglingsstúlkum
Þjást af vanlíðan og þunglyndi
Brot mannsins höfðu töluvert sálræn áhrif
á stúlkurnar, samkvæmt mati sálfræðings
Barnahúss. Önnur þeirra þjáist af vanlíðan á
alvarlegu stigi, hún sé þunglynd og glími við
sjálfsásökun, skömm og sektarkennd. Hún
muni þurfa mikla sálfræðilega aðstoð um
óákveðinn tíma og hjá henni megi greina von-
leysi og sjálfsvígshugsanir.
Hin er sögð glíma að miklu leyti við sömu
afleiðingar, finni fyrir streitu, forðist að vera ein
og sofi ekki nóg. Þá hafi brotið komið niður á
námsárangri hennar.
DÓMSMÁL Fjármálaeftirlitið (FME)
gerði ítrekað athugasemdir við
skýrslur Glitnis um tengda aðila
síðasta árið fyrir bankahrun.
Slita stjórn bankans telur að lán
til Baugs, FL Group og tengdra
aðila hafi numið um 85% af eigin-
fjárgrunni Glitnis sem er rúmlega
þrisvar sinnum meira en lög heim-
iluðu. Hún telur einnig að Glitnir
hafi átt 21,43% af hlutabréfum í
sjálfum sér í árslok 2007. Þetta
er meðal þess sem kemur fram í
stefnu slitastjórnarinnar á hendur
PricewaterhouseCoopers (PWC) á
Íslandi og í Bretlandi sem þingfest
verður 12. apríl næstkomandi.
Samkvæmt henni kom það í ljós
„eftir að skilanefnd og síðar slita-
stjórn stefnanda tóku til starfa og
hófu að skoða stöðu bankans og
rekstur hans árin fyrir fall hans
[…] að stjórnun hans og endur-
skoðun hafi í veigamiklum atriðum
verið stórlega ábótavant“. Slita-
stjórn Glitnis vill að skaðabóta-
skylda PWC vegna þess tjóns sem
bankinn hlaut af vanrækslu fyrir-
tækisins við endurskoðun hans á
árunum 2007 til 2008 verði viður-
kennd.
Í stefnunni, sem er 34 blaðsíður
að lengd, eru sérstaklega tilgreind
fimm atriði þar sem PWC á að
hafa brotið gegn lög- og samnings-
bundnum skyldum sínum. Í fyrsta
lagi hafi PWC ekki upplýst um að
stjórnendur Glitnis hefðu veitt
útlán til innbyrðis tengdra aðila
langt umfram leyfileg áhættu-
hámörk, í öðru lagi leynt útlána-
áhættu bankans til aðila sem
töldust tengdir, í þriðja lagi veitt
stórfelld útlán til fjárvana eignar-
haldsfélaga, í fjórða lagi vanrækt
afskriftarskyldu sína og í fimmta
lagi vanrækt að upplýsa um þá gríð-
arlega miklu fjárhagslegu hags-
muni sem bankinn var með í eigin
bréfum með þeim afleiðingum að
eigið fé hans var verulega of hátt
skráð.
Lögmaður Glitnis vitnar mikið til
þess í stefnunni að FME hafi gert
athugasemdir við PWC á árunum
2007 og 2008 vegna þess að ekki
hafi verið gerð „fullnægjandi grein
Glitnir átti fimmtung
í sjálfum sér árið 2007
FME gerði ítrekaðar athugasemdir við skýrslur PWC um tengda aðila innan
Glitnis. Slitastjórn telur bankann hafa átt rúman fimmtung í sjálfum sér í árs-
lok 2007. Tap Glitnis vegna Baugs og FL Group samtals 86 milljarðar króna.
Heildaráhætta Glitnis vegna Baugs, FL Group og tengdra aðila er í stefnunni
sögð hafa verið 192,3 milljarðar króna í árslok 2007 þegar búið er að taka tillit
til hlutabréfaeignar bankans í FL Group og útlána til ótengdra aðila með veði
í slíkum hlutabréfum. Þar segir að sú áhætta hafi verið „rúm 85% af eiginfjár-
grunni bankans og u.þ.b. 22 milljörðum króna umfram bókfært eigið fé bankans
í árslok 2007“. Samkvæmt lögum mátti engin einstök áhættuskuldbinding vera
meira en 25% af eiginfjárgrunni banka. Í ársreikningum Glitnis var því haldið
fram að engin einstök áhættuskuldbinding væri yfir 20% af þeim grunni.
Heildaráhætta 85% af eiginfjárgrunni
STEFNA Slitastjórn Glitnis vill að skaðabótaskylda PWC vegna brota á lög- og
samningsbundum skyldum fyrirtækisins við endurskoðun bankans á árunum
2007 og 2008 verði viðurkennd. Steinunn Guðbjartsdóttir og Páll Eiríksson sitja í
slitastjórninni. FRÉTTABLAÐIÐ/PJETUR
fyrir viðskiptum venslaðra aðila
við bankann. Til þess flokks féllu
félög sem Jón Ásgeir Jóhannesson
stjórnaði“. Er þar vísað til Baugs,
FL Group og aðila þeim tengdum.
Í stefnunni segir einnig að við-
varandi útlánaáhætta umfram lög-
bundin mörk og nýjar lánveitingar
til stærstu eigenda sinna hafi aukið
„fjártjónshættu bankans sem síðan
varð raunveruleg. Við gjaldþrot
Baugs Group í mars 2009 tapaði
bankinn u.þ.b. 36 milljörðum króna
[…] FL Group gerði nauðasamninga
við sína lánadrottna til að forða
gjaldþroti félagsins og varð bankinn
að gefa eftir kröfur sem námu ríf-
lega 50 milljörðum króna […] Verður
a.m.k. hluti þess fjártjóns m.a. rakið
til bótaskyldrar háttsemi stjórnar
bankans og stefnda PWC“.
Þá segir að Glitnir hafi í raun
átt 2,8 milljarða hluta í sjálfum sér
í árslok 2007, eða 21,43% af öllu
hlutafé hans, þrátt fyrir að reikning-
ar bankans hafi sýnt að eigin hlut-
ir bankans hafi einungis verið 151
milljón talsins. Láðst hafi að telja
með hlutabréf sem voru seld í lok
árs 2007 með annað hvort einvörð-
ungu veði í bréfunum sjálfum eða í
framvirkum samningum með eigin
bréfum. Því hafi „vantalin eigin
bréf og áhætta bundin við eigin bréf
[numið] tugum milljarða króna í árs-
lok 2007“. thordur@frettabladid.is
Líst þér vel á frumvarp ríkis-
stjórnarinnar um breytingar á
stjórn fiskveiða?
Já 45,1%
NEI 54,9%
SPURNING DAGSINS Í DAG:
Spilar þú í happdrættum?
Segðu þína skoðun á Vísi.is
KJÖRKASSINN