Fréttablaðið - 29.03.2012, Qupperneq 56

29. mars 2012 FIMMTUDAGUR36
tonlist@frettabladid.is
TÓNNINN GEFINN
Trausti Júlíusson
Hljómsveitin Miike Snow var stofnuð í Stokkhólmi ári 2007 af tveimur
Svíum, Christian Karlsson og Pontus Winnberg, og bandaríska laga-
smiðnum Andrew Wyatt. Karlsson og Winnberg eru æskufélagar frá
Gautaborg og unnu saman í tónlist þar á unglingsárunum. Karlsson
var svo meðlimur í hip-hop-
sveitinni Goldmine, en þeir hittust
aftur í Stokkhólmi árið 2000 og
mynduðu upptökustjóra teymið
Bloodshy & Avant sem samdi og
tók upp tónlist fyrir ótal stór-
stjörnur, þ.á m. Sugababes, Kelis,
Kylie Minogue og Britney Spears,
en það var einmitt þegar þeir voru
að vinna við plötu með henni árið
2004 sem þeir hittu Wyatt.
Nafnið Miike Snow (maður þarf
alltaf að skoða það aftur til að
athuga hvort það hafi ekki örugg-
lega verið tvö i …) var að sögn valið
til heiðurs japanska kvikmynda-
leikstjóranum Takashi Miike.
Hljómsveitin gaf út sína fyrstu
plötu, samnefnda sveitinni, árið 2009. Hún fékk ágætar viðtökur plötu-
kaupenda, en dómar voru nokkuð misjafnir. Í síðustu viku kom svo
plata númer tvö, Happy To You, sem þykir töluvert betri.
Tónlistin á nýju plötunni er elektróskotið popp. Eins og við
var að búast af þessum bransajálkum úr poppiðnaðinum þá er
hljómurinn mjög flottur og það sama má segja um lagasmíðarnar og
út setningarnar, sem eru hugmyndaríkar og skemmtilegar. Það mætist
í sveitinni grípandi vinsældapopp og tilraunakenndari pælingar sem
skýrir lýsingu blaðamanns breska blaðsins Guardian sem sagði að tón-
list Miike Snow væri eins og „Aha hitti Animal Collective“.
Fín poppplata, og ekki skemmir fyrir að sænska þjóðargersemin
Lykke Li syngur eitt lag, Black Tin Box.
Heitur snjór frá Stokkhólmi
MIIKE SNOW „Aha hittir Animal
Collective.“
> Í SPILARANUM
The Stranglers - Giants
The Chemical Brothers - Don‘t Think
John Talabot - fin
Esperanza Spalding - Radio Music Society
Blússveit Þollýjar - My Dying Bed > PLATA VIKUNNAR
★★★★★
Lana Del Rey - Born To Die
„Nýstirnið Lana Del Rey með ágæta
poppplötu.“ -TJ
Hljómsveit Liams Gallagher, Beady Eye,
Primal Scream og Plan B eru á meðal
þeirra sem hita upp fyrir The Stone Roses
á þrennum endurkomutónleikum þeirra
í Manchester í júní. Einnig hita upp
rokkararnir í The Vaccines með bassa-
leikarann Árna Hjörvar innanborðs.
Miðar á tónleikana seldust upp á
örskammri stundu eftir að þeir fóru í sölu í
fyrra. Síðan þá hafa menn velt vöngum yfir
hvaða hljómsveitir munu hita upp fyrir Roses
og nú er það loksins komið í ljós.
Gallagher hefur lengi verið aðdáandi Roses
og hefur látið hafa eftir sér að hann hafi viljað
hella sér í tónlistarbransann eftir að hafa séð
bandið á tónleikum þegar hann var ungur að
árum.
Hita upp fyrir Roses
HITAR UPP Liam
Gallagher og félagar
í Beady Eye hita upp
fyrir The Stone Roses.
Nicki Minaj sendir frá sér
sína aðra plötu í næstu
viku. Frægðarsól hennar
hefur risið hratt upp á
skömmum tíma.
Önnur plata söngkonunnar Nicki
Minaj, Pink Friday: Roman Reloa-
ded, kemur í verslanir 3. apríl.
Grípandi danspoppið er alls-
ráðandi í fyrsta smáskífulaginu,
Starships, sem kom út í febrúar og
næsta lag, Right By My Side sem
hún syngur með Chris Brown, er
nýkomið í loftið.
Nýju plötunnar hefur verið
beðið með mikilli eftirvæntingu
enda hlaut sú fyrsta, Pink Friday
sem kom út í nóvember 2010, fínar
viðtökur. Hún komst í efsta sæti
bandaríska Billboard-listans og
annað smáskífulagið, Your Love,
náði miklum vinsældum en það
var unnið upp úr laginu No More
I Love You´s sem Annie Lennox úr
Eurythmics gaf út 1994.
Minaj varð í framhaldinu áber-
andi sem gestasöngkona hjá
stjörnum á borð við David Guetta,
Usher, Kanye West, Drake,
Britney Spears og Madonnu. Með
þeirri síðastnefndu söng hún,
ásamt M.I.A., lagið Gimme All
Your Luvin af nýjustu plötu Mad-
onnu. Margir muna eflaust eftir
söngatriði þeirra þriggja í hálf-
leik bandarísku Ofurskálarinnar
í febrúar sem vakti mikla athygli.
Frami Nicki Minaj hefur verið
mjög skjótur. Hún heitir réttu
nafni Onika Maraj og fæddist í
Tríniad og Tóbagó árið 1982 en
fluttist til New York með for-
eldrum sínum þegar hún var
fimm ára. Hún útskrifaðist úr
LaGuardia-listaskólanum sem
er frægur sem skólinn úr sjón-
varpsþáttunum Fame. Eftir hafa
gefið út þrjár mix-spólur sem
vöktu á henni athygli gerði hún
útgáfusamning við Young Money
Entertainment sem rapparinn Lil
Wayne stofnaði.
Pink Friday leit síðan dagsins
ljós og birtist Minaj þar með full-
skapaða og litríka ímynd, staðráð-
in í að stela senunni hvert sem hún
kæmi. Það virðist hafa tekist, því
auk þess að fá mikla útvarpsspilun
og hafa setið fyrir í tímaritum á
borð við Elle, W og Cosmopolitan
hefur hún hlotið Bandarísku tón-
listarverðlaunin og tilnefningu til
Grammy-verðlauna.
Minaj hitaði upp fyrir Britney
Spears á tónleikaferð hennar í
fyrra en í ár ætlar hún að fylgja
nýju plötunni eftir með eigin tón-
leikaferð. Hún ferðast um Evrópu
í sumar og verða fyrstu tón-
leikarnir í Stokkhólmi 8. júní.
freyr@frettabladid.is
Skjótur frami Nicki Minaj
NÝ PLATA Nicki Minaj sendir frá sér sína aðra plötu, Pink Friday, Roman Reloaded, í
næstu viku. NORDICPHOTOS/GETTY
ER NICKI MINAJ Í RAUNINNI JAY-Z?
Sú tilgáta hefur verið uppi um að rödd Nicki Minaj sé
í raun frá rapparanum Jay-Z komin. Eftir að Jay-Z
komst á toppinn sem rappari hafi það ekki nægt
honum og því hann hafi einnig viljað komast
í fremstu röð á kvenkyns rappmarkaðinum.
Þessu til sönnunar hafa netverjar prófað að
hægja á lögum Minaj, þar á meðal laginu
Super Bass, og hljómar röddin þá skuggalega
lík Jay-Z. Einnig hafa menn sett spurninga-
merki við frama Minaj sem þeir telja að hafi
verið undarlega skjótur.
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is.
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
TÓNLISTINN
Vikuna 22. - 28. mars 2012
LAGALISTINN
Vikuna 22. - 28. mars 2012
Sæti Flytjandi Lag
1 Fun / Janelle Monae .............................. We Are Young
2 Magni .................................................................... Hugarró
3 Valdimar Guðmunds. / Helgi Jú. ..Stöndum saman
4 Blár ópal ..........................................................Stattu upp
5 Of Monsters And Men .................................Lakehouse
6 Bubbi / Mugison ...................................................Þorpið
7 Retro Stefson.........................................................Qween
8 M83 ..............................................................Midnight City
9 Kelly Clarkson.....................................................Stronger
10 Train .......................................................................Drive By
Sæti Flytjandi Plata
1 Of Monsters And Men ..........My Head Is An Animal
2 Mugison ....................................................................Haglél
3 Adele ............................................................................... 21
4 Ýmsir ..................... Söngvakeppni Sjónvarpsins 2012
5 Leonard Cohen .................................................Old Ideas
6 Helgi Björnsson ........ Íslenskar dægurperlur í Hörpu
7 Sálgæslan ............................................. Dauði og djöfull
8 Bruce Springsteen ....................................Wrecking Ball
9 Sólstafir ..................................................... Svartir sandar
10 Rökkurró .................................................... Í annan heim
Mótun menningar
– Shaping Culture
afmælisrit til heiðurs
Gunnlaugi A. Jónssyni,
sextugum
Skráning á heillaóskaskrá
Gunnlaugur A. Jónsson, pró fessor í
gamlatestamentisfræðum við guð -
fræði- og trúarbragðafræðideild
Há skóla Íslands, verður sextugur
þann 28. apríl, 2012. Af því tilefni
mun Hið íslenska bókmenntafélag
gefa út veglegt af mælisrit honum til
heiðurs með ritgerðum er tengjast
þeim fræða sviðum guðfræðinnar sem
hann hefur beint sjónum sínum hvað
mest að. Höfundur eru valin kunnir
inn lendir og erlendir fræðimenn.
Þeim sem vilja heiðra Gunnlaug á þessum tímamótum, og hafa
ekki enn skráð sig til þátttöku, er boðið að gerast áskrifendur
að ritinu og fá með því nafn sitt og maka skráð á heilla óska -
skrá – tabula gratula toria, sem birt verður fremst í ritinu. Upp -
lýsingum um nafn/nöfn, kenni tölu, heimili, kortanúmer eða
annan greiðslumáta má koma á framfæri í síma 588-9060,
á netfangið hib@islandia.is, eða í fax 581-4088.
hið íslenska bókmenntafélag
Skeifunni 3b – 108 Reykjavík