Fréttablaðið - 04.04.2012, Blaðsíða 38

4. APRÍL 2012 MIÐVIKUDAGUR8 ● fréttablaðið ● mastersmótið 2012
GRÆNN JAKKI OG KRISTALSSKÁL
Sigurvegari Meistaramótsins ár hvert
klæðist forláta grænum jakka sem
hann hefur til afnota í heilt ár eftir sig-
urinn. Hann er auk þess kominn í fá-
mennan hóp útvalinna sem fá boð í ár-
legan kvöldverð sem borinn er fram í
Augusta National-klúbbnum ár hvert
á þriðjudegi fyrir mótið sjálft eins og
áður sagði.
Jack Nicklaus er sá kylfingur sem
oftast hefur haft tök á að hengja græna
jakkann upp í fataskápinn heima hjá
sér, en hann hefur borið sigur úr býtum
á mótinu alls sex sinnum. Á hæla hans
koma Tiger Woods og Arnold Palmer,
sem báðir hafa unnið fjórum sinnum.
Woods á þó enn möguleika á að gera til-
kall til jakkans góða.
Jakkarnir hafa verið veittir ár hvert
frá 1949, en auk sigurvegara eru það
einungis meðlimir Augusta National-
klúbbsins sem geta státað sig af eign-
arhaldi á grænum jakka. Það er sig-
urvegarinn frá árinu áður sem sér um
að aðstoða nýkrýndan meistara við að
komast í nýja jakkann. Um jakkaeign-
ina gilda þó einhverjar reglur. Ekki er
til dæmis í boði að spóka sig um í jakk-
anum árum saman eftir sigurinn, því
honum verða kylfingarnir að skila eftir
árið. Þeir fá þó að bregða sér í jakkann
þegar þeir heimsækja klúbbinn.
Auk jakkans títtnefnda er sigurveg-
arinn leystur út með peningagjöf. Hún
hefur orðið nokkuð ríflegri með árunum
og hefur upphæðin sérstaklega hækkað
síðastliðin ár. Horton Smith fór fyrstur
með sigur úr býtum árið 1934 og taldi
verðlaunaféð þá 1.500 dollara. Sigur-
vegari mótsins í fyrra, Charl Schwart-
zel, fékk hins vegar í sinn hlut tæpar
1,5 milljónir dollara eða sem nemur 180
milljónum króna.
Þá eru ótaldir kristalsgripir sem
keppendum getur áskotnast eftir gott
gengi meðan á mótinu stendur. Sá spil-
ari sem er með fæst högg eftir hvern
dag fær að launum forlátan kristals-
vasa, hver kylfingur sem nær erni á
mótinu fær að launum tvo kristalsbik-
ara og sigurvegari par 3-mótsins er
leystur út með kristalsskál.
Og ef peningagjafir, grænn jakki og
kristalsgripir eru ekki nóg geta sigur-
vegarar mótsins glaðst yfir því að hafa
með sigrinum á Meistaramótinu tryggt
sér sjálfkrafa þátttökurétt í hinum
þremur stórmótum ársins: Opna banda-
ríska meistaramótinu, Opna breska
meistaramótinu og PGA-mótinu, auk
þess að tryggja sér þátttöku í PGA-
mótaröðinni til næstu fimm ára.
EKKI FYRIR ALLA
Fyrst var sjónvarpað frá Meistara-
mótinu á CBS-sjónvarpsstöðinni árið
1956, þá voru notaðar sex myndavélar
til að mynda viðureignir á síðustu fjór-
um brautunum. Umfangið hefur aukist
jafnt og þétt með árunum, og aðgengi
kvikmyndatökumanna og fréttamanna
orðið sífellt meira eftir því sem hæst-
ráðendur hjá Augusta National-klúbbn-
um veita meiri tilslakanir.
Aðgangur að mótinu í formi að-
gangsmiða er ekki á allra færi. Þó eru
aðgöngumiðarnir ekki svo ýkja dýrir,
miðað við íþróttaviðburði af þessari
stærðargráðu, heldur er framboð miða
afar takmarkað. Sækja þarf um að-
göngumiða með allt að árs fyrirvara og
svo er dregið af handahófi úr umsókn-
um. Og þetta á eingöngu við um aðgang
að upphitunarmótinu. Miðar á keppnina
sjálfa standa eingöngu skráðum liðs-
mönnum Augusta National-klúbbsins til
boða. Í ár var þó gerð örlítil undantekn-
ing á því og ákveðið var að gefa nokkra
miða á bæði æfingadaga og keppnina
sjálfa til almennings.
Það var áhugamanna kylfingurinn
og Bandaríkjamaðurinn Bobby
Jones sem stóð fyrir stofnun
mótsins, í samstarfi við kollega
sinn Clifford Roberts í byrjun
fjórða áratugar síðustu aldar.
Þeir byrjuðu á að festa kaup á
landsvæði í Augusta í Georgíuríki í
Bandaríkjunum. Þar langaði Bobby
að einbeita sér að uppbyggingu
nýs vallar eftir að hafa sjálfur lagt
kylfuna á hilluna.
Bobby, eða Robert Tyre Jones Jr., er
einn þekktasti áhugamannakylfingur
sögunnar. Hann var lærður lögfræð-
ingur og starfaði sem slíkur lengst af.
Hann þótti þó afburðakylfingur og
vann til að mynda Opna bandaríska
meistaramótið fjórum sinnum. Hann
þótti með eindæmum réttsýnn og heið-
arlegur og þekkt varð þegar hann lét
sjálfur dómara vita af því að hann
hefði rekið kylfu sína í boltann á velli.
Tilkynningin kostaði hann tvö högg og
þar með sigurinn á umræddu móti, en
viðbrögð hans þykja einkennandi fyrir
drengskap hans.
Það þykir viðeigandi í ljósi uppruna
Meistaramótsins að halda tengslum
við áhugamenn í golfinu og ár hvert er
sigurvegurum frá móti áhugamanna
boðin þátttaka. Þá leikur núverandi
sigurvegari í Bandaríska áhugamanna-
mótinu alltaf í sama hópi og sigurveg-
ari Meistaramótsins frá síðasta ári,
fyrstu tvo daga mótsins.
Auk þess fá þeir kylfingar sem
manna fimmtíu efstu sæti heimslistans
í golfi boð um að taka þátt í Meistara-
mótinu ár hvert. Þá öðlast fyrrverandi
sigurvegarar á mótinu þátttökurétt til
æviloka. Þau vinsamlegu tilmæli hafa
þó borist frá hæstráðendum í Augusta
National-klúbbnum að fyrrum sigur-
vegarar sem komnir eru af léttasta
skeiði nýti sér ekki þennan þátttöku-
rétt sinn.
GRASINU SKIPT ÚT
Fyrsta mótið var svo haldið í mars árið
1934 þar sem holur 10 til 18 voru leikn-
ar sem fyrstu 9 holurnar og holur 1 til
9 þær síðari. Því var svo víxlað árið
eftir og hefur það fyrirkomulag hald-
ist allar götur síðan. Ólíkt helstu stór-
mótum heims í golfi er Meistaramótið
nefnilega alltaf spilað á sama vellinum,
Augusta National-vellinum, sem hann-
aður var af Bobby Jones í samstarfi við
vallarhönnuðinn Alister MacKenzie.
Völlurinn hefur þó tekið talsverðum
breytingum frá því að hann var fyrst
opnaður árið 1933. Fjölmargir vallar-
hönnuðir hafa lagt hönd á plóg í gegn-
um tíðina þegar flatirnar hafa verið
endurbyggðar og endurhannaðar og
nýir teigar teknir í notkun. Allt gert
til þess að mæta nýjum viðmiðum sem
afrekskylfingar síðari ára hafa sett.
Skipt hefur verið um gras á flötun-
um, á áttunda áratug síðustu aldar var
grófu Bermúdagrasi skipt út fyrir fín-
legra Bermúdagras til að jafna flötina.
Í byrjun níunda áratugarins var svo
língresi sáð í allan völlinn, enda þótti
þá fullsannað að sú tegund puntgrasa
hentaði best fyrir pútt-flatirnar.
Um miðjan áttunda áratuginn var
svo skipt um sand í öllum sandgryfj-
um vallarins og hinn einkennandi hvíti
feldspat-sandur fluttur inn frá Norð-
ur-Karólínu og látinn fylla gryfjurnar.
VINNINGSHAFAR VELJA MATINN
Líkt og alsiða er í golfíþróttinni eru
hefðirnar í hávegum hafðar og á því er
engin undantekning á Meistaramótinu.
Frá árinu 1963 hefur mótið talist form-
lega hafið þegar einhver goðsögn úr
golfheiminum tekur fyrsta höggið á
fyrstu holunni.
Þá hefur kvöldverður grænklæddra
fyrrum sigurvegara og útvalinna liðs-
manna Augusta National-klúbbsins
öðlast sess sem órjúfanlegur hluti
mótsins. Kvöldverðurinn var fyrst
haldinn árið 1952 og hefur síðan þá
verið blásið til hans árlega á þriðju-
deginum fyrir mótið sjálft. Sigurveg-
ari ársins áður er gestgjafi hverju
sinni og fær að velja þá rétti sem
bornir eru á borð. Þar reyna gestgjaf-
ar oftar en ekki að kynna fyrir við-
stöddum þekkta rétti frá heimalandi
sínu. Það leggst eins og gengur mis-
vel í mannskapinn og voru víst ekki
allir fyrrum meistararnir jafn ánægð-
ir þegar skoski gestgjafinn Sandy Lyle
bauð árið 1989 upp á skoskan blóðmör
(e. haggis). Tiger Woods fór alveg
nýjar leiðir þegar hann bauð upp á
McDonalds hamborgara árið 1998, en
það þótti viðeigandi fyrir „ungling-
inn“ sem hafði sigrað með yfirburð-
um árið 1997.
Árið 1960 var svo fyrst tekinn upp-
hitunarleikur á nýjum par 3-velli, sem
síðan þá hefur verið leikinn á hverj-
um miðvikudegi fyrir keppnina. Þar
reyna keppendur Meistaramótsins
með sér í upphitunarleik á par 3 holu
velli sem er við keppnisvöllinn. Ekki
gefur árangur á þessum upphitunar-
leik víst mikla vísbendingu um gengi
á mótinu sjálfu, en það hefur aldrei
gerst í sögu keppninnar að sami kylf-
ingur hafi unnið miðvikudagsmótið og
Meistaramótið sjálft. Skipulagið á par
3-keppninni er talsvert óformlegra en
mótið sjálft, og til dæmis er kylfingum
leyfilegt að nota börnin sín sem kylfu-
sveina þennan tiltekna dag.
Ein hefð sem einnig hefur fest sig
í sessi er að sigurvegari hvers móts
ánafnar klúbbnum eina af kylfum
sínum. Fyrir vikið hefur klúbburinn
yfir að ráða úrvali af sögufrægum
kylfum sem hvert golfsafn væri full-
sæmt af.
Grænar flatir og grænstakkar
● Fjölmargir golfáhugamenn og -konur telja Meistaramótið í golfi vorboðann ljúfa, golfsumarið er á næsta leiti þegar þetta stórmót er haldið í Augusta
National-golfklúbbnum í Bandaríkjunum aðra helgina í apríl ár hvert. Sögu mótsins má rekja aftur til ársins 1934 og fjölmargar hefðir hafa fest sig
rækilega í sessi í tengslum við mótið í áranna rás. Þá er til mikils að vinna fyrir sigurvegarann sem auk verðlaunafjár fær að klæðast grænum jakka.
Phil Mickelson aðstoðar sigurvegara Meistaramótsins frá því í fyrra, Charl Schwartzel, við að klæðast jakkanum góða.
Bobby Jones er einn sigursælasti kylfingur allra tíma. NORDICPHOTOS/GETTY
Skipulagið
á par 3
keppninni
er talsvert
óformlegra
en mótið
sjálft, og til
dæmis er
kylfingum
leyfilegt að
nota börnin
sín sem
kylfusveina
þennan
tiltekna
dag.
● ALLIR Í HVÍTU Ein af þeim mörgu hefðum sem ein-
kennir bandaríska meistaramótið í golfi er útbúnaður kylfu-
sveina. Þeim er öllum gert að klæðast hvítum klæðnaði, sem
merktur er kylfingnum þeirra á bakinu. Auk þess eiga þeir að
vera með sérstakar grænar derhúfur og í hvítum íþróttaskóm.
Allt fram til ársins 1982 var keppendum gert að nýta
þjónustu kylfusveina sem voru á mála hjá Augusta National-
klúbbnum og máttu því ekki nota sína eigin sveina. Það var
jafnframt bundið í lög og reglur klúbbsins að allir kylfu-
sveinar klúbbsins skyldu vera svartir.
Kylfusveinn sigurvegara fyrra árs fær ávallt að merkja sig
tölustafnum 1. Hinir kylfusveinarnir fá svo númer eftir því í
hvaða röð kylfingurinn þeirra skráði sig til leiks í mótið.
Tiger Woods og aðstoðarmaður hans, Joe
LaCava, á æfingadegi fyrir Mastersmótið.