Fréttablaðið - 17.04.2012, Blaðsíða 2
17. apríl 2012 ÞRIÐJUDAGUR2
SPURNING DAGSINS
Fundir og ráðstefnur
Veislusalurinn er vel tækjum búinn og er því tilvalinn
fyrir hvers kyns ráðstefnur og fundi, stóra sem smáa.
Í salnum er meðal annars hágæða hljóðkerfi, skjávarpi,
flettitafla og púlt. Starfsfólk okkar veitir þér ráðgjöf
varðandi veitingar og annað sem huga þarf að.
GLÆSILEGUR VEISLUSALUR!
Náttúruparadís í hjarta borgarinnar
www.nautholl.is www.facebook.com/nautholl nautholl@nautholl.is sími 599 6660
FRAMKVÆMDIR „Ef þetta heldur
svona áfram endar það náttúrlega
með því að það verður lítið eftir
af grasi,“ segir Stefán Bjarkason,
framkvæmdastjóri íþrótta- og
tómstundasviðs Reykjanesbæjar.
Gervigrasið í Reykjaneshöll er á
síðasta snúningi þrátt fyrir að vera
aðeins fjögurra ára gamalt.
Gervigrasið í Reykjaneshöll var
endurnýjað fyrir rúmum fjórum
árum af þýsku fyrirtæki. Á sama
tíma var sams konar gervigras
sett í nýju fjölnotahöllina Hópið í
Grindavík. Fljótlega kom í ljós að
gólfin í báðum húsum eru gölluð,
bæði krumpuð og reytt.
„Það er eins og grasið verði of
þurrt og það brotnar,“ segir Róbert
Ragnarsson, bæjarstjóri í Grinda-
vík. „Framleiðandinn hefur viður-
kennt að þetta sé galli og ætlar að
skipta gólfinu út en vill fá greitt
fyrir afnotin í þau þrjú ár sem við
höfum notað gólfið. Við höfum sagt
að það sé mál á milli framleiðand-
ans og kaupandans á gólfinu – sem
er ekki við heldur verktakinn sem
við keyptum húsið af.“
Reykjanesbær keypti sitt gólf
beint af þýska framleiðandanum
og greiddi fyrir það 22 milljón-
ir króna. Gólfið í Grindavík mun
hafa kostað um 20 milljónir. Báðar
þessar upphæðir eru frá því fyrir
hrun þannig að tjónið er jafnvel
tvöfalt hærra í krónum talið og því
samtals yfir 80 milljónir króna.
„Þetta er algjört mánudagsgras,“
segir Stefán Bjarkason. „Festing-
arnar undir mottunni eru límdar og
saumaðar og það er eins og límið
hafi ekki verið nógu gott þannig að
það fór fljótlega að bera á því að
grasið raknaði bara upp og losn-
aði. Þannig að þegar við erum að
þrífa koma heilu
pokarnir upp
af grasstráum.
Þeir hafa komið
og lagað þetta
okkur að kostn-
aðarlausu en
við erum ekki
sátt við að það
sé alltaf verið
að stoppa upp í
götin.“
Þýski framleiðandinn viður-
kennir galla í báðum gólfunum.
Á þeim er fimm ára ábyrgð. Til
stendur að skipta þeim báðum út í
sumar þegar aðilar hafa náð sam-
komulagi. Stefán segir að líklega
muni Reykjanesbær bera eitthvert
tjón.
„Þá er bara að taka því, það verð-
ur að skipta um gras,“ segir Stefán
sem undirstrikar þó eins og Róbert
í Grindavík að engin hætta hafi
skapast vegna ástands grassins og
það hafi ekki takmarkað notkun
hallanna.
Í Reykjaneshöllinni er gólfið fjög-
ur þúsund fermetrar. Þjóðverjarn-
ir sjá ekki fyrir sér að taka ónýta
grasið með sér heim. „Þeir vilja
náttúrlega losna við förgunina og
eru búnir að bjóða okkur grasið til
notkunar úti en ég veit ekki hvort
það mundi endast þar,“ segir Stefán
Bjarkason. gar@frettabladid.is
Gervigras sem kostaði
tugmilljónir er gallað
Skipta þarf út nýlegu gervigrasi í íþróttahöllunum í Reykjanesbæ og Grindavík.
Grasið losnar af gólfmottunum. Framleiðandinn viðurkennir galla og verið er
að semja um ný gólf. Þau kostuðu yfir 40 milljónir er þau voru keypt fyrir hrun.
HEYSKAPUR Í REYKJANESHÖLL Gervigrasið í Reykjaneshöll bókstaflega spænist upp
þegar það er þrifið og er á öruggri leið með að hverfa þaðan af gólfinu. MYNDIR/VSÓ
RÓBERT
RAGNARSSON
Eiríkur, er Íslandspóstur ekki
nógu spennandi?
„Póstur með dúfum er hraðari og
meira spennandi og skilar sér alltaf.“
Eiríkur Ingi Kristinsson er bréfdúfnabóndi
í Mosfellsbæ og liðsmaður í Félagi
bréfdúfnabænda sem efna reglulega til
kappflugs með dúfum sínum.
ALÞINGI Einn af burðarásum
íslenska ríkisins er að berjast
fyrir mannréttindamálum, og
víst er að þau mál verða rædd
við forsætisráðherra Kína í opin-
berri heimsókn hans á föstu-
dag, sagði Össur Skarphéðins-
son utanríkisráðherra á Alþingi
í gær.
Össur var að svara fyrirspurn
Þórs Saari, þingmanns Hreyfing-
arinnar. Þór lýsti áhyggjum af
mannréttindamálum í Tíbet, og
aukinni hörku kínverskra stjórn-
valda gagnvart tíbesku þjóðinni.
Hann benti á að 33 munkar og
nunnur hafi kveikt í sér í örvænt-
ingu vegna stöðu mála í Tíbet.
Þór spurði Össur hvort hann
muni á fundum með forsætisráð-
herra Kína lýsa yfir áhyggjum
af grófum mannréttindabrotum.
Hann sagði tíbesku þjóðina með-
höldlaða „með sama hætti og gert
var við indíána Norður-Amer-
íku fyrir um 200 árum, og við
blökkumenn í Suður-Afríku fyrir
um tveimur áratugum síðan“.
Össur sagði stjórnvöld marg-
sinnis hafa rætt mannréttinda-
mál og ástandið í Tíbet við kín-
versk stjórnvöld. „Mín reynsla af
Kínverjum er sú að þeir eru ekki
bangnir við að ræða mannrétt-
indi,“ sagði Össur.
- bj
Þingmaður vill að stjórnvöld ræði mannréttindamál við forsætisráðherra Kína:
Mannréttindi verða rædd segir Össur
ÖSSUR
SKARPHÉÐINSSON
ÞÓR SAARI
VIÐSKIPTI Fyrrum eigendur Prent-
smiðjunnar Odda eignuðust fyrir-
tækið nýverið eftir að hafa keypt
það á 500 milljónir króna. Áður en
Oddi var seldur höfðu Arion banki
og Landsbankinn afskrifað um
fimm milljarða króna af skuldum
móðurfélags Odda, eignarhalds-
félagsins Kvosar ehf. Um er að ræða
Þorgeir Baldursson, sem var stærsti
einstaki eigandi Kvosar fyrir fjár-
hagslega endurskipulagningu
félagsins, og aðila tengda honum.
DV greindi frá málinu í gær.
Í byrjun desember síðastliðnum
ákváðu kröfuhafar Kvosar að lækka
hlutafé félagsins niður til jöfnunar
á tapi. Strax í kjölfarið var sam-
þykkt að hækka hlutaféð aftur með
útgáfu nýrra hluta að fjárhæð 500
milljónir króna og greiddi Arion
banki fyrir það með umbreytingu
skulda í hlutafé. Í sérfræðinga-
skýrslu endurskoðanda sem gerð
var vegna hlutafjárhækkunar-
innar, og Fréttablaðið hefur undir
höndum, kemur fram að Kvos hafi
skuldað Landsbankanum um þrjá
milljarða króna þann 1. desember
síðastliðinn. Bankinn samþykkti þá
að breyta 181,3 milljónum króna í
nýtt hlutafé og seldi til Arion banka.
Kvos skuldaði Arion banka 4,3
milljarða króna á sama tíma. Í sér-
fræðingaskýrslunni kemur fram
að „Arion og Kvos hafa komið sér
saman um að langtímaskuldir Kvos-
ar við Arion eftir þá endurskipu-
lagningu skulda sem fram fer með
samkomulagi þessu, skuli nema kr.
2.170.377.235,-“. Til viðbótar breytti
Arion 318,7 milljónum króna af
kröfum sínum í nýtt hlutafé sem selt
var til nýrra eigenda. Aðrar skuldir
Kvosar, um fimm milljarðar króna,
voru afskrifaðar. -þsj
Þorgeir Baldursson og tengdir aðilar kaupa móðurfélag Odda aftur:
Fimm milljarðar afskrifaðir
FORSTJÓRINN Þorgeir Baldursson, sem
er oft kenndur við Odda, er fyrrverandi
stjórnarmaður í Landsbankanum.
FRÉTTABLAÐIÐ/HAG
SAMGÖNGUR Samskip hafa fest
kaup á flutningaskipunum Arnar-
felli og Helgarfelli fyrir tæpa
fjóra milljarða króna.
Í tilkynningu frá Samskipum
segir að fyrirtækið hafi haft skip-
in tvö á leigu frá því að þau voru
smíðuð árið 2005.
Skipin eru systurskip, sérhönn-
uð fyrir Samskip, og sigla milli
Íslands og meginlands Evrópu.
„Skipaverð er hagstætt þessi
misserin á heimsmarkaði og það
skapaðist áhugavert kauptækifæri
sem við gripum,“ segir Ásbjörn
Gíslason, forstjóri Samskipa, í til-
kynningunni. - þj
Samskip kaupa tvö skip:
Fjögurra millj-
arða fjárfesting
SLYS Ökumaður vélhjóls var fluttur
á bráðamóttöku Landspítalans
eftir að hann lenti í árekstri við bíl
á Sæbraut við Holtaveg á sjöunda
tímanum í gærkvöldi.
Samkvæmt upplýsingum frá
vakthafandi lækni á bráðamót-
töku þykir maðurinn hafa sloppið
ótrúlega vel, og er ekki talinn lífs-
hættulega slasaður. Hann þarf að
fara í aðgerð vegna beinbrots sem
hann hlaut, en engin merki sjást
um mænuskaða.
Sæbrautinni var lokað vegna
slyssins, en umferð var hleypt á
að nýju eftir að hlúð hafði verið að
ökumanni vélhjólsins, vettvangur
rannsakaður og gatan hreinsuð. - bj
Slasaður eftir slys á vélhjóli:
Slapp vel frá
árekstri við bíl
BÍLLINN Sæbrautin var lokuð um stund
vegna slyssins. FRÉTTABLAÐIÐ/HAG
WASHINGTON, AP Bandaríkjamaður-
inn Jim Young Kim var í gær ráð-
inn forstjóri Alþjóðabankans.
Ráðning Kims kemur fáum á
óvart, enda var hann útnefndur
af Bandaríkjaforseta. Rík hefð er
fyrir því að Bandaríkjamaður sé
ráðinn í þetta embætti, en þess í
stað hefur forstjóri Alþjóðagjald-
eyrissjóðsins alltaf verið sá sem
Evrópulönd hafa komið sér saman
um. Að þessu sinni var valið þó
ekki eins einhlýtt þar sem mörg
þróunarlönd þrýstu á um að níger-
íski fjármálaráðherrann Ngozi
Okonjo-Iweala yrði ráðin, en hún
þykir afar frambærilegur kostur
sökum reynslu og menntunar. - þj
Kim til Alþjóðabankans:
Fyrirsjáanlegt
val á forstjóra
HINN ÚTVALDI Kim, sem var rektor
Dartmouth-háskólans, var sérvalinn af
Barack Obama Bandaríkjaforseta. Kim
sést hér milli Obama og Hillary Clinton
utanríkisráðherra. NORDICPHOTOS/AFP
TRÚMÁL Allir þrettán biskupar
sænsku kirkjunnar, ásamt Anders
Wejryd erkibiskupi, komu til lands-
ins í gær. Þeir dvelja í Skálholti
frá deginum í dag til föstudags
og njóta kyrrðar og uppbygging-
ar undir handleiðslu Karls Sigur-
björnssonar, biskups Íslands.
Hefð er fyrir því innan sænsku
kirkjunnar að biskupar leiti sér
árlega endurnýjunar í starfi með
áþekkum hætti og með þessari ferð
til Íslands. Þetta er þó í fyrsta sinn
sem biskupar sænsku kirkjunnar
koma til Íslands. - mþl
Sænskir biskupar á Íslandi:
Njóta kyrrðar-
innar í Skálholti
LÖGREGLUMÁL Forsvarsmenn Sam-
herja segja að grundvöllur hús-
leita hjá fyrirtækinu í síðasta
mánuði byggist að verulegu leyti
á rangfærslum um eðli og starf-
semi Samherja og tengdra fyrir-
tækja.
Í tilkynningu frá Samherja
segir að þetta megi ráða af máls-
gögnum frá gjaldeyriseftirliti
Seðlabankans. Húsleitirnar hafi
valdið fyrirtækinu tjóni sem
hefði mátt komast hjá með fyrir-
spurn til fyrirtækisins. - þj
Samherji um rannsókn:
Húsleit byggð á
rangfærslum