Fréttablaðið - 17.04.2012, Blaðsíða 22

KYNNING − AUGLÝSINGStrigaskór ÞRIÐJUDAGUR 17. APRÍL 20122
Ef um saumsprettu er að ræða borgar sig alltaf að láta gera við skó, sama hvaða gerðar
þeir eru. Eins borgar sig að gera
við þegar verðið á strigaskónum
er farið að hlaupa á tugum þús-
unda, en sóla og hæla borgar sig
ekki að gera við á ódýrustu skón-
um á markaðnum,“ segir Hafþór
Edmond Byrd, skósmiður á Skó-
vinnustofu Hafþórs í Garðastræti
13.
Hann ráðleggur fólki eindregið
að fara með skó sem farnir eru að
gefa sig á verkstæði og láta fagaðila
meta þá, áður en það hendir þeim.
Hægt sé að gera við nánast hvað
sem er, en ef um sérhæfða skó er
að ræða geti viðgerð orðið snúin.
„Það er verra að eiga við það ef
botninn er ónýtur á sérstökum
íþróttaskóm, eins og takkaskóm
til dæmis. Ég veit ekki til þess að
neinn eigi slíka botna á lager hér.
En það má auðvitað skipta um
botn á skónum ef eigandinn getur
ekki hugsað sér að henda þeim. En
þá eru þeir ekki lengur fótbolta-
skór.“
Til að strigaskór endist sem
lengst ráðleggur Hafþór að úða þá
reglulega með sílikonspreyi til að
vatnsverja þá. Best sé að gera það
strax og skórnir koma upp úr kass-
anum og svo reglulega eftir það.
Sé vörnin sett á þegar skórnir eru
orðnir mjög skítugir lokast óhrein-
indin inni í efninu.
„Þetta er bara eins og
með bílinn, þegar
vatnið hættir að
perla og renna
af bílnum þarf
að bóna hann
a f t u r,“ seg ir
Hafþór. Þá sé
best að þvo
s t r ig a s k ó í
höndunum
me ð þa r
t i l gerðr i
skósápu því
ekki þoli allir
skór umferð í
þvottavél.
„Ég mæli ekki
með því að fólk setji
strigaskó í þvottavélina. Líming-
arnar þola það ekki. Við fáum oft
skó á verkstæðið sem hafa verið
þvegnir í vél og botninn hreinlega
farið undan.“
Hafþór mælir einnig með því
að troða eldhúspappír inn í blauta
skó til að draga upp raka frekar en
dagblöð, þar sem prentsvertan geti
smitast í skóna. Til að skór haldi
lagi mælir Hafþór með því að nota
þar til gerðar spennur inn í skóna
sem fáist á skóverkstæðum.
En á hann ein-
hver ráð gegn
v ond r i l y k t
ú r s t r i g a -
skóm? „Það er
helst að nota
fótraka sprey
m i l l i tá n na
en fólk svitn-
ar misjafnlega
mikið á fót-
unum. Einn-
ig er líka hægt
að spreyja sveppa-
eyðandi efni inn í
skóna.“
Borgar sig að gera við dýra skó
Hafþór Edmond Byrd skósmiður ráðleggur fólki að fá álit fagmanns áður en það hendir strigaskóm sem farnir eru að gefa sig. Það borgi sig í mörgum
tilfellum að gera við skóna, sérstaklega skó í dýrari verðflokkum.
Handþvottur með sérstakri
skósápu fer betur með strigaskó
en margar umferðir í þvottavél.
NORDICPHOTOS/GETTY
Hafþór Edmond Byrd skósmiður mælir með því að fólk láti fagmenn meta skó sem farnir
eru að gefa sig. Hægt sé að gera við nánast hvað sem er. MYND/STEFÁN
1. Fáðu aðstoð fagaðila við val á hlaupaskóm. Mismunandi
skór eiga við mismunandi tegund-
ir hlaupa og rangir skór geta farið
illa með fæturna.
2. Mátaðu skóna seinnipart dags. Fæturnir stækka og
þrútna þegar líður á daginn.
3. Veldu skó sem þér finnast fal-legir, það eykur líkurnar á að
þú drífir þig oft út að hlaupa. Þetta
á við allan hlaupagallann.
4. Vertu vakandi fyrir útsölum og tilboðum til að gera góð
kaup á hlaupabúnaði. Ekki spara
þó við þig þegar kemur að því að
kaupa hlaupaskó.
5. Notaðu sokka sem sérstak-lega eru hannaðir fyrir hlaup
til að losna við að blöðrur myndist.
6. Gott er að binda tvöfaldan hnút á skóreimarnar svo þær
losni ekki á hlaupunum.
7. Skráðu þig í hlaupaklúbb í hverfinu til að ýta undir að
þú drífir þig af stað. Finndu jafn-
vel hlaupafélaga til að æfa með.
8. Ekki bera þig saman við aðra. Hlauptu fyrir sjálfa/n þig og
enga aðra.
9. Skipuleggðu hlaupaæfing-arnar í sátt við fjölskyld-
una. Þá er líklegra að rútínan
haldist.
10. Ekki nota hlaupin sem afsökun f yrir því að
borða meiri sætindi. Næringar-
rík fæða er nauðsynleg þeim sem
hreyfa sig mikið.
11. Breyttu reglulega um hlaupaleið til að fá ekki
leiða.
12. Leyfðu þér öðru hverju að ganga.
Tólf ráð fyrir hlaupara
Vorið er tíminn til að drífa sig út að hlaupa. Á netinu er að finna aragrúa af
ráðleggingum áður en lagt er af stað. Hér eru tólf ráð fundin héðan og þaðan:
Það getur verið gott að breyta reglulega um hlaupaleið til að fá ekki leið á hlaupunum.