Fréttablaðið - 17.04.2012, Blaðsíða 46
17. apríl 2012 ÞRIÐJUDAGUR34
Rekstrarvörur
- vinna með þér
MORGUNMATURINN
„Ég mætti vera duglegri að
borða morgunmat, en þegar ég
borða morgunmat þá fæ ég mér
dýrindis hafragraut. Skelli höfrum
og vatni í örbylgjuofninn og
mögulega smá mjólk út á. Þetta er
karlkyns útgáfan af hafragraut.“
Friðrik Dór Jónsson, söngvari og laga-
höfundur.
„Við höfum lagt ansi mikla vinnu í staðinn
og það er ekki eins og maður sé staddur á
miðjum Laugaveginum hérna inni heldur
einhvers staðar úti í heimi,“ segir Arnar
Gíslason, einn af eigendum Lebowski bar
sem opnar annað kvöld.
Líkt og nafn staðarins gefur til kynna
verður hann í anda gamanmyndarinnar The
Big Lebowski og verður keiluíþróttinni gert
hátt undir höfði inni á staðnum sem er skipt
upp í fjögur ólík svæði. Fremst er keilu-
braut, í miðjunni verður bandarísk verönd,
og innst í húsinu verður bar og veitingastað-
ur. Á efri hæðinni verður svo setustofa og
útisvæði.
„Þetta eru í raun fjórir mismunandi staðir
inni á sama staðnum og það fer eftir því í
hvaða skapi þú ert hvar þú sest hverju sinni.
Ætli þetta sé ekki svona staður sem fólk á
annaðhvort eftir að elska eða ekki.“
Að sögn Arnars kviknaði hugmyndin að
staðnum fyrst fyrir rúmum átta árum síðan
og því hefur hann verið lengi í bígerð. Þó
að staðurinn sé hannaður í anda The Big
Lebowski telur Arnar ekki nauðsynlegt fyrir
gesti að hafa séð myndina til að njóta hans.
Sérstakt opnunarteiti verður fyrir boðs-
gesti annað kvöld en staðurinn verður opn-
aður fyrir almenning eftir miðnætti.
„Við viljum auðvitað sjá sem flesta og ég
tek fram að allir þeir sem eiga gamalt keilu-
dót geta komið með það til okkar og skipt
því út fyrir mat eða drykk,“ segir Arnar að
lokum. - sm
Eins og maður sé í útlöndum
ÖÐRUVÍSI STAÐUR Óli Már Ólason og Arnar Gíslason
eiga Lebowski bar sem opnar á Laugaveginum annað
kvöld. Staðurinn er hannaður í anda kvikmyndarinnar
The Big Lebowski og á veggnum á bak við þá félaga
má sjá glitta í keilubrautina. FRÉTTABLAÐIÐ/PJETUR
Dagbjartur Ólafsson, sextán ára Akureyringur, kom,
sá og sigraði á AK Extreme-snjóbrettamótinu sem
fram fór á Akureyri um helgina sem leið.
Dagbjartur hefur stundað brettaíþróttina í fimm
ár en segist lítið hafa sinnt íþróttinni í vetur sökum
skóla og meiðsla. Stökkið sem tryggði Dagbjarti sigur
á mótinu kallast double backflip og er tvöfalt heljar-
stökk aftur á bak og var þetta í fyrsta sinn sem hann
reyndi stökkið.
„Mig langaði bara að prófa trikkið. Það var svolítið
erfitt því maður fer svo hratt í snúninginn og maður
þurfti mikla ferð til að drífa yfir á lendinguna af
þessum palli og ég var mjög tæpur á því stundum,“
segir Dagbjartur og bætir við að sigurinn hafi komið
honum mikið á óvart.
Keppendur fengu sex stökk í allt, þrjú stökk í
tveimur lotum, og reyndi Dagbjartur bæði fyrrnefnt
heljarstökk sem og rodeo 540 og heppnuðust bæði
stökkin einu sinni.
Aðspurður segist Dagbjartur aldrei hræddur um
að slasa sig í stökkum enda sé lítið úr því að hafa. „Ef
eitthvað gerist þá verður bara að hafa það. Ég brákaði
rófubein í vetur og var þá einn og hálfan mánuð frá
og það er náttúrulega frekar fúlt að geta ekkert rennt
sér. Ég brákaði svo beinið aftur stuttu eftir að ég hélt
ég væri orðinn góður.“
Fyrirmyndir Dagbjarts eru þeir Halldór og Eiríkur
Helgasynir sem hafa báðir náð einstökum árangri
í brettaíþróttinni og hyggst Dagbjartur feta í fót-
spor þeirra og gerast atvinnumaður í framtíðinni.
„Markmiðið er að verða ennþá betri og fara í atvinnu-
mennskuna. Ég fer út til Svíþjóðar í brettaskóla í
haust og geri ráð fyrir því að byrja að keppa meira í
kjölfarið.“ - sm
Sigurinn kom mikið á óvart
SIGURVEGARI HELGARINNAR Dagbjartur Ólafsson, sextán ára
Akureyringur, stóð uppi sem sigurvegari AK Extreme-mótsins
sem fram fór á Akureyri um helgina. Dagbjartur sigraði með
tvöföldu heljarstökki aftur á bak.
„Það er frábært að BBC sé að sýna
þættina og þátturinn hefur fengið
mikla dreifingu fyrir vikið,“ segir
sjónvarpskokkurinn Völundur
Snær Völundarson en sjónvarps-
stöðin BBC Lifestyle hóf nýlega að
sýna matreiðsluþætti hans, Deli-
cious Iceland.
Völundur, eða Völli eins og hann
er kallaður, tók upp þáttaröðina
árið 2010, en þar ferðast hann um
Ísland, eldar og kynnir um leið
íslenska menningu og uppruna
hráefnisins sem notað er í mat-
reiðsluna. Völli hefur orðið var
við mikil og góð viðbrögð að utan
við þáttunum. „Ég hef fengið mjög
góð viðbrögð frá útlendingum og
er á því að þetta sé hin besta land-
kynning. Ég hef ófáum sinnum
verið stöðvaður af útlendingum
niðri í bæ sem þekkja mig úr sjón-
varpinu,“ segir sjónvarpskokkur-
inn, en þáttaröðin, sem inniheldur
sex þætti, hefur þegar verið sýnd
í um 30 löndum úti um allan heim.
Hjá BBC Lifestyle er Völli kom-
inn í hóp með frægustu sjónvarps-
kokkum heims á borð við Jamie
Oliver, Gordon Ramsay og Nigellu
sem einnig deila matarþekkingu
sinni með áhorfendum stöðvar-
innar.
Völli einbeitir sér að framleiðslu
matreiðsluþátta þessa stundina og
næsta skref hjá honum er að fara
með stiklur að nokkrum þáttum
á matarráðstefnu í Kína í sumar.
„Það eru allir að reyna að komast
inn á Asíumarkað enda mjög stór
markaður. Takmarkið er að fá þá
til að borga framleiðslukostnað
af þáttunum. Þess vegna er ég
tilbúinn með fjölbreytta flóru af
stiklum og ætla að kanna hvernig
markaðurinn þarna virkar,“ segir
Völli sem ætlar að sjá hvort Asíu-
markaðurinn sé ennþá hrifinn af
ferða- og matreiðsluþáttum, þátt-
um sem eru teknir upp í stúdíói
eða sérstökum grillþáttum. „Ég
er einnig með seríu með íslenskt
sjávarfang í forgrunni á teikni-
borðinu sem gaman væri að gera
á næstunni.“
Völli hefur verið búsettur á
Bahama undanfarin ár ásamt
konu sinni, fjölmiðlakonunni og
rithöfundinum Þóru Sigurðardótt-
ur, og börnum en segist nú vera
kominn með annan fótinn heim.
„Fjölskyldan, vinirnir og íslenska
skólakerfið heillaði og þess vegna
eru börnin og konan komin heim.
Ég vil ekki segja að ég sé flutt-
ur heim því ég fer reglulega út
til Bahama en annar fóturinn er
kominn.“ Fyrir áhugasama þá er
Delicious Iceland á dagskrá BBC
Lifestyle í kvöld.
alfrun@frettabladid.is
VÖLUNDUR SNÆR: KOMINN MEÐ ANNAN FÓTINN HEIM
BBC opnar margar dyr
KOMINN Í GÓÐAN HÓP BBC Lifestyle hefur hafið sýningar á þáttum sjónvarps-
kokksins Völundar Snæs, Delicious Iceland, og er hann þar með kominn í hóp með
frægum nöfnum á borð við Nigellu og Gordon Ramsay sem einnig elda mat fyrir
áhorfendur stöðvarinnar. FRÉTTABLAÐIÐ/ANTON