Fréttablaðið - 04.05.2012, Blaðsíða 46

4. maí 2012 FÖSTUDAGUR30
Kór Grafarvogskirkju, undir forystu Hákonar
Leifssonar organista, stendur fyrir tón leikum
á morgun, 5. maí, klukkan 17 í Grafarvogs-
kirkju. Það er hið þekkta verk Carmina
Burana eftir Carl Orff sem verður flutt þar af
Stúlknakór Reykjavíkur og kór Grafarvogs-
kirkju, ásamt einsöngvurunum Hlín Péturs-
dóttur Behrens sópran, Einari Clausen tenór
og baritónsöngvaranum Jóni Svavari Jóseps-
syni. Hópur úr Musica Camerata sér um hljóð-
færaleikinn en í útgáfunni sem flutt verður er
verkið útbúið fyrir tvo flygla og sex slagverks-
leikara. Sú útsetning hæfir efni ljóðanna vel.
Carmina Burana var frumflutt árið 1937
í Þýskalandi og tók sér stöðu sem eitt veiga-
mesta kórverk klassískra tónbókmennta.
Verkið hljómar reglubundið í öllum helstu
tónleikasölum heimsins og hefur margsinnis
verið flutt á Íslandi bæði í þessari útgáfu sem
og stærri hljómsveitarbúningi.
Texti verksins er unninn upp úr hand-
ritinu Carmina Burana, „Kvæði frá Bæjara-
landi“ sem talið er að hafi verið samið af
farand skáldum miðalda og trúbadorum. Þar
er fjallað um veraldleg málefni sem eiga jafnt
við nú á 21. öld og á þeirri 13. svo sem fallvalt-
leika tilverunnar en einnig gleði yfir komu
vorsins. Um miðja síðustu öld þóttu áherslur
ljóðanna um of fyrir neðan beltisstað en vekja
ekki þannig viðbrögð meðal almennings á
vorum dögum.
Stjórnandi tónleikanna er Hákon Leifsson
og Margrét Pálmadóttir er stjórnandi Stúlkna-
kórs Reykjavíkur. -gun
Carmina Burana í Grafarvogskirkju
STJÓRNANDINN Hákon Leifsson heldur utan um alla
þræði flutningsins.
Klara Þórhallsdóttir, nýráðinn
verkefnastjóri fræðslu við Lista-
safn Reykjavíkur, leiðir gesti
um sýningu katalónska lista-
mannsins Antoni Tàpies (1923–
2012) á Kjarvalsstöðum, sunnu-
daginn 6. maí klukkan 15.
Sýningin, sem ber yfir skriftina
Antoni Tàpies – Mynd, líkami,
tregi og stendur yfir til 20. maí,
er nýtt og víðtækt yfirlit yfir
starfsferil listamannsins og
var unnin í nánu samstarfi við
hann sjálfan, Fundació Antoni
Tàpies stofnunina í Barcelona og
Museum für Gegenwartskunst í
Siegen í Þýskalandi, þar sem hún
var fyrst sett upp. Sýningarstjóri
er Dr. Eva Schmidt.
Tàpies er almennt talinn
einn af helstu áhrifavöldum í
þróun málverksins á síðari hluta
tuttugustu aldarinnar, en á sýn-
ingunni getur að líta málverk
frá rúmlega sjö áratuga ferli
listamannsins. Tàpies var undir
sterkum áhrifum frá súrreal-
ískum málurum á borð við Miro
og Klee í upphafi ferils síns, en
síðar þróaði hann sitt eigið mynd-
mál með uppbyggðum mynd-
fleti sem oft var ýfður upp með
stöfum, tölum og táknum. Flest
verka hans eru úr hversdags-
legum hlutum, fundnu efni, mold,
sandi, jarðvegi, þurrkuðu blóði
og steinryki.
Leiðsögn
um Tàpies
KJARVALSSTAÐIR Sýning Antoni Tàpies
stendur yfir til 20. maí.
Söguslóðaþing verður haldið í
Þjóðmenningarhúsinu í dag, 4.
maí, milli klukkan 14 og 17. Það
hefur yfirskriftina Sagan sem
tekjulind enda verður þar fjallað
um tækifæri til eflingar menn-
ingar- og söguferðaþjónustu á
Íslandi og litið til reynslu Íra í
þeim efnum. Því er aðalfyrir-
lesari Aidan Pender þróunar-
stjóri Ferðamálaráðs Írlands.
Eftir setningu Ólafar Ýrar
Atladóttur. ferðamálastjóra.
flytur Rögnvaldur Guðmunds-
son, formaður Samtaka um sögu-
ferðaþjónustu, erindi og nokkrir
reynsluboltar segja frá því hvern-
ig þeim gengur að fanga athygli
ferðamanna með sögutengdri
ferðaþjónustu. Þeirra á meðal
eru Kristján Baldursson frá
Trex hópferðamiðstöðinni, Val-
gerður Guðmundsdóttir í Víking-
heimum, Dagný Sigmarsdóttir
úr Spákonu hofinu á Skagaströnd,
Birna Þórðar dóttir sem gengur
um götur Reykjavíkur og segir
sögur og Jóhannes Viðar í Fjöru-
kránni í Hafnarfirði. Skúli Björn
Gunnars son á Skriðuklaustri
setur lokapunktinn á málþingið.
Nánari upplýsingar eru á www.
soguslodir.is.
Sagan sem
tekjulind
JÓHANNES Í FJÖRUKRÁNNI Hefur sinnt
ferðamönnum í 22 ár. FRÉTTABLAÐIÐ/PJETUR