Fréttablaðið - 05.05.2012, Blaðsíða 44
FÓLK|HELGIN
Skráning í Sólóklúbbinn fer fram í vikulegu
sunnudagskaffi á kaffihúsinu Glætunni við
Laugaveg milli klukkan 14 og 16.
„Tilhugsunin um að stíga út fyrir þæginda-
rammann og hitta ókunnugt fólk í fyrsta sinn
getur vissulega verið ógnvekjandi en við
tökum hlýlega á móti öllum og viljum klúbb-
inn sem stærstan. Með skráningu á netinu er
auðvelt að villa á sér heimildir og því viljum
við alltaf hitta nýja klúbbfélaga augliti til
auglitis áður en við veitum þeim aðild. Þess
vegna er eingöngu alvöru fólk í Sólóklúbbnum;
heiðarlegt, vandað sem hefur ekkert að fela,“
útskýrir Kolbrún.
Hún segir drifkraft félagsins liggja í einstak-
lingsframtaki þar sem hver og einn getur sett
inn auglýsingu um viðburði á innri vef félags-
ins og þá komi þeir sem koma vilja.
„Út frá því hafa skapast fjölmargir skemmti-
legir viðburðir þar sem fólk hefur kynnst nýj-
um áhugamálum og prófað framandi hluti eins
og ugluskoðun, skautaferðir og ísklifur.“
Í kvöld hefur Kolbrún skráð sig í tíu manna
matarboð sem klúbbmeðlimur bauð til. Þá
gildir reglan fyrstir koma, fyrstir fá og úr verð-
ur skemmtilegur og óvæntur kokkteill fólks
yfir góðum mat í góðum félagsskap.
„Ég er nánast á útopnu flest kvöld vikunnar
og grínast stundum með að ég þyrfti frí úr
vinnu til að missa ekki af neinu. Góð og traust
vinátta myndast iðulega á milli klúbbfélaga og
þótt ásetningur Sólóklúbbsins sé ekki róman-
tískur að upplagi kemur þangað vitaskuld fólk
í makaleit líka. Ástin leynist svo hér eins og
annars staðar og því hafa mörg pör orðið til
innan klúbbsins sem er auðvitað frábær plús
fyrir frábæran félagsskap,“ segir Kolbrún.
„Ég vil að allir einhleypir viti af Sólóklúbbn-
um því hann er himnasending fyrir þá sem
vilja lifa lífinu til fulls í frábærum og heilbrigð-
um félagsskap. Það er gaman að eignast nýja
vini og í Sólóklúbbnum finnst ekkert leyni-
makk og enginn sem þykist annar en hann er,
eins og margir reka sig á á netsíðum.“ ■ þlg
GAMAN AÐ LIFA
Kolbrún segir marga
hafa fundið ástina í
Sólóklúbbnum, sem sé
skemmtilegur bónus í
góðum félagsskap.
MYND/VALLI
■ FRAMHALD AF FORSÍÐU
VERTU MEÐ
Í Sólóklúbbnum
starfa einnig
útivistarnefnd,
skemmtinefnd, kaffi-
húsanefnd og bóka-
klúbbur.
„Útivistarnefnd
stendur fyrir göngu-
ferðum, útilegum,
sundlaugaferðum,
utanlandsferðum
og gengur til dæmis
á Hvannadalshnúk
um næstu helgi,“
segir Kolbrún sem
dugar vart sólar-
hringurinn til
að anna öllu því
skemmtilega sem
verður á vegi henn-
ar í Sólóklúbbnum.
Fyrirspurnir má
senda á soloklubb-
urinn@soloklubb-
urinn.is. Sjá einnig
www.soloklubbur-
inn.is www.saft.is
KENNDU BARNINU ÞÍNU AÐ
SKOÐA EFNI Á NETINU MEÐ
GAGNRÝNUM HÆTTI