Fréttablaðið - 05.05.2012, Blaðsíða 101
5. maí 2012 LAUGARDAGUR65
Platan 21 með Adele er komin fram úr Thriller
með Michael Jackson hvað varðar plötusölu í
Bretlandi. Adele hefur selt rúmlega fjórar millj-
ónir eintaka af plötunni og þar með er hún orðin
fimmta mest selda plata allra tíma í heimalandi
hennar.
Í efsta sætinu er Greatest Hits með Queen með
tæpar sex milljónir eintaka, í öðru sæti er Sgt.
Pepper’s Lonely Hearts Club Band með Bítlunum,
í því þriðja er Gold með ABBA og í fjórða sætinu
er (What’s the Story) Morning Glory með Oasis.
Thriller hefur samanlagt selst í yfir eitt hundr-
að milljónum eintaka um heim allan á meðan 21
hefur selst í um tuttugu milljónum.
21, sem kom út í janúar í fyrra, selst enn í um
tuttugu þúsund eintökum á viku í Bretlandi, sam-
kvæmt frétt Contactmusic.
Platan 21 tekur fram úr Thriller
ADELE Söngkonan hefur selt plötu sína 21 í bílförum.
Angelina Jolie vill þyngjast um
fimm kíló áður en hún gengur
upp að altarinu með Brad Pitt í
sumar. Leikkonan hefur beðið
sjónvarpskokkinn Jamie Oliver
um aðstoð, samkvæmt frétt
Daily Mail.
Jolie vill fá örlítið mýkri
línur fyrir brúðkaupið og hefur
því beðið Oliver um að gauka
að sér gómsætum en jafnframt
hollum máltíðum. Leikkonan,
sem á sex börn með Pitt, hefur
grennst nokkuð á undanförn-
um árum. „Jamie hefur komið
oft heim til Brads og Angelinu.
Þau hafa svipað skopskyn og
eru öll mjög jarðbundin,“ sagði
heimildarmaður blaðsins.
Vill þyngjast
fyrir giftingu
JOLIE OG PITT Angelina Jolie vill þyngj-
ast um fimm kíló fyrir brúðkaupið.
Miley Cyrus og Liam Hemsworth
tóku að sér lítinn hvolp í síðustu
viku. Hundurinn fannst yfirgef-
inn í kassa fyrir utan verslun og
ákvað söngkonan að gefa honum
gott heimili.
Parið á þegar þrjá hvolpa, Lilu,
Floyd og Ziggy, en þótti ekki til-
tökumál að taka að sér enn einn
hundinn. „Hann var skilinn eftir í
kassa fyrir utan Walmart. Ég hef
aldrei skilið svona mannvonsku.
Við ákváðum að skíra hann
Happy,“ skrifaði Cyrus á Twitter-
síðu sína.
Tók að sér
lítinn hvolp
ÆTTLEIDDI HVOLP Miley Cyrus tók að
sér lítinn hvolp sem fannst á bílastæði.
NORDICPHOTOS/GETTY
Robert Pattinson úr Twilight-
myndunum er sagður hafa tekið
að sér hlutverk í Mission: Black
List sem fjallar um manninn sem
átti stóran þátt í að finna Saddam
Hussain, fyrrum Íraksforseta.
Myndin fjallar um yfirheyrslu-
sérfræðing hersins, Eric Maddox,
sem hafði uppi á Saddam. Harð-
stjórinn var svo handtekinn í des-
ember 2008. Myndinni hefur verið
lýst sem sálfræðitrylli og er hún
byggð á bók sem Maddox sjálfur
skrifaði.
Pattinson hefur nýlokið við leik
sinn í myndunum Twilight: Break-
ing Dawn-Part 2 og Cosmopolis.
Pattinson
eltir Saddam
ROBERT PATTINSON Hjartaknúsarinn
leikur að öllum líkindum í Mission:
Black List.