Fréttablaðið - 10.05.2012, Blaðsíða 8

10. maí 2012 FIMMTUDAGUR8
1. Hvað á þjóðkirkjan mikið inni
hjá ríkinu vegna verðbóta?
2. Hvað heitir leiðtogi bandalags
róttækra vinstri flokka í Grikk-
landi?
3. Hver er einleikari á tónleikum
Sinfóníuhljómsveitar Íslands í
kvöld?
SVÖR
1. Tvo milljarða króna. 2. Alexis Tsipras.
3. Sigrún Eðvaldsdóttir.
Festa, miðstöð um samfélagsábyrgð
fyrirtækja, og Þekkingarnet Þing -
eyinga bjóða til morgunverðar-
fundar um sjálfbæra þróun og
sjálfbærniverkefnið á Austurlandi.
Sjálfbærniverkefni Alcoa Fjarðaáls og Lands-
virkjunar var sett á laggirnar til að fylgjast með
áhrifum framkvæmda og starfsemi álvers og
virkjunar á samfélag, umhverfi og efnahag á
Austurlandi.
Á fundinum verður leitast við að skýra hugtök
eins og sjálfbæra þróun og samfélagsábyrgð
auk þess að skoða hvernig til hefur tekist með
sjálfbærniverkefnið á Austurlandi.
DAGSKRÁ:
08:30 Setning fundar
Regína Ásvaldsdóttir,
framkvæmdastjóri Festu
08:35 Hvað er sjálfbær þróun?
Brynhildur Davíðsdóttir, dósent í
umhverfis- og auðlindafræðum HÍ
08:55 Sjálfbærniverkefnið á Austurlandi
Guðlaug Gísladóttir, verkefnastjóri
hjá Þekkingarneti Þingeyinga
09:25 Sjónarhorn samfélagsins
Björn Ingimarsson, bæjarstjóri
Fljótsdalshéraðs
09:40-10:00 Pallborðsumræður
Með þátttöku fyrirlesara
Aðgangur er ókeypis. Húsið opnar kl. 8:00
og boðið verður upp á léttan morgunverð.
Skráning á www.sjalfbaerni.is
MORGUNVERÐARFUNDUR
15. maí á Icelandair Hótel Reykjavík Natura, Þingsal 3
Samfélagsábyrgð
...frá hugmyndafræði til aðgerða
SAMFÉLAGSMÁL Forstjóri Útlendinga stofnunar
segir hælisleitendur þurfa að bíða næstum
þrisvar sinnum lengur en forsvaranlegt sé.
Löng bið kosti samfélagið mikið fé auk þess sem
biðin skapi mikla vanlíðan meðal fólks. Á þessu
ári hafi orðið veruleg fjölgun meðal hælis-
leitenda og fyrirséð að biðin lengist enn.
Málsmeðferð hælisleitendanna tekur orðið
um 15 mánuði í vinnslu hjá Útlendingastofnun.
Kristín Völundardóttir, forstjóri stofnunar-
innar, segir að til að biðin teljist forsvaranleg
eigi hún að vera hálft ár eða styttri.
86 hælisleitendur bíða nú afgreiðslu sinna
mála en langflestir þeirra eru í vistun á gisti-
heimilinu Fit í Reykjanesbæ. Af þeim komu 50 í
fyrra og 10 komu 2010 eða 2009.
Veruleg fjölgun hefur orðið í ár en nú þegar
hafa 26 sótt um hæli. Á sama tíma í fyrra höfðu
16 sótt um hæli. Þá hafa fimm vegalaus börn
komið hingað ein síns liðs í ár. Þeirra mál eru
sett í forgang en það þýðir aftur á móti að aðrir
færast aftar í röðina. Langur málsmeðferðar-
tími getur haft slæm áhrif á líðan umsækjenda
sem margir hverjir hafa þegar gengið í gegnum
miklar raunir. Biðin getur líka orðið til þess að
umsækjendur einangrist frekar og aðlögun að
íslensku samfélagi gangi verr fái þeir hæli.
Forstjóri Útlendingastofnunar bendir auk
þess á að löng bið skapi mikinn kostnað fyrir
samfélagið. Kostnaður vegna hvers hælis-
leitanda er bundinn í vísitölu neysluverðs og
nemur nú 7.155 á dag. - kdk
Hælisleitendur þurfa að bíða þrisvar sinnum lengur en forsvaranlegt er að mati forstjóra Útlendingastofnunar:
Bið hælisleitenda löng og kostnaðarsöm
GISTIHEIMILIÐ FIT 86 hælisleitendur bíða nú afgreiðslu
sinna mála. MYND/VÍKURFRÉTTIR
Save the Children á Íslandi
MENNTAMÁL „Það er svo mikilvægt
að veita fjármagninu í bestu
verkefnin, til bestu vísindamann-
anna og að við gerum það á gagn-
sæjan hátt. Við eigum að hætta
að úthluta fjármagninu pólitískt
eins og við höfum verið að gera,“
segir Þórólfur Þórlindsson, pró-
fessor í félagsfræði.
Þórólfur er í hópi
sex vísindamanna sem
í gær afhentu Katrínu
Jakobsdóttur undir-
skriftir 544 vísinda- og
fræðimanna til stuðn-
ings samkeppnissjóðum
á vegum hins opinbera.
„Helsti vísinda sjóður
grunnvísinda, Rann-
sóknasjóður, hefur
staðið í stað undan-
farin ár hvað krónu-
tölu varðar en lækkað
umtalsvert að raungildi.
Og nú eru farin að
sjást merki þess að
þetta sé að hafa áhrif á
vísindastörf á Íslandi,“
segir í áskoruninni til
ráðherra sem fylgdi
undirskrifta listanum.
Þar er sérstaklega
vísað til nýrra talna sem sýna að
vísindagreinum eftir Íslendinga
í ritrýndum fræðiritum er tekið
að fækka.
Þórólfur segir að vandamálið
sem við er að etja sé margþætt. Í
fyrsta lagi séu sjóðirnir sem veitt
er úr nánast tómir.
„Þrjátíu til fjörutíu prósent
þeirra umsókna sem berast
eru nógu góðar til að það væri
eðlilegt að þær fengju styrk. Í
staðinn er bara til fjármagn fyrir
örfáar þeirra. Þarna myndast
flöskuháls í vísindasamfélaginu,“
segir hann.
Þetta bitni svo helst á ungum
vísindamönnum og þar sem
háskólarnir á Íslandi séu undir-
fjármagnaðir verði ekki til þar
nýjar stöður.
„Þess vegna er unga vísinda-
fólkið okkar að fara úr landi,“
segir Þórólfur. Kynslóð íslenskra
vísindamanna sé að hluta til
horfin og það þoli enga
bið að endurheimta
hana. „Einfaldast og
fljótlegast er auðvitað
að efla samkeppnissjóði
Rannís.“
Enn fremur sé mjög
mikilvægt að efla ný-
sköpun og þróunarstarf
og endurskoða allt það
kerfi. Það sé í raun eina
leiðin út úr kreppunni.
Að síðustu segir Þór-
ólfur að það fjármagn
sem þó er veitt til vís-
indamanna á Íslandi
nýtist alls ekki nógu
vel vegna þess að slíkar
úthlutanir séu allt of
pólitískar.
„Það er allt of mikið
sem fer í gegnum póli-
tíska kanala, beint eða
óbeint. Það er ekki gagnsætt
kerfi. Eftir hvaða mælistiku er
fjármagni til rannsókna úthlutað
þegar því er ekki úthlutað eftir
gæðum umsókna og hæfni fræði-
mannanna sem sækja um? Ég er
sannfærður um að það fer mikið
af fjármagni til spillis vegna
þess.“
Þórólfur segir að mjög auð-
velt hafi verið að fá vísinda- og
fræðimenn til að leggja nafn sitt
við áskorunina. Rúmlega fimm
hundruð nöfn hafi safnast á
örskömmum tíma.
stigur@frettabladid.is
Allt of mikið
af pólitískum
fjárveitingum
Ungir vísindamenn flýja land af því að styrktarfé til
rannsókna er af svo skornum skammti. 544 vísinda-
og fræðimenn skora á menntamálaráðherra að gera
bragarbót á. Telja fjárveitingar allt of pólitískar.
KREFJAST ÚRBÓTA Fulltrúar hópsins afhentu Katrínu Jakobsdóttur undirskriftirnar 544
í menntamálaráðuneytinu í gær. Þórólfur er annar frá hægri. FRÉTTABLAÐIÐ/VALLI
VEISTU SVARIÐ?
Það er allt of
mikið sem
fer í gegnum
pólitíska
kanala, beint
eða óbeint.
Það er ekki
gagnsætt
kerfi.
ÞÓRÓLFUR ÞÓR-
LINDSSON
PRÓFESSOR Í
FÉLAGSFRÆÐI