Fréttablaðið - 10.05.2012, Side 58

10. maí 2012 FIMMTUDAGUR46
Ad-Rock, eða Adam Horovitz, úr Beastie Boys hefur
þakkað aðdáendum hljómsveitarinnar fyrir stuðn-
inginn eftir að félagi hans, Adam Yauch, féll frá.
Hann lést á föstudaginn, 47 ára, eftir þriggja ára
baráttu við krabbamein.
„Eins og þið getið ímyndað ykkur eru menn í
miklu uppnámi,“ skrifaði Ad-Rock á bloggsíðu
Beastie Boys. „En mig langar að þakka öllum
vinum okkar og fjölskyldu fyrir ást og stuðning.
Ég er ánægður með að ástin sem Yauch dreifði út
í heiminn sé að koma aftur til hans. Takk fyrir.“
Meðal þeirra sem hafa spilað til heiðurs Yauch
undan farið eru Coldplay og Red Hot Chili Peppers.
Þakkar fyrir
stuðninginn
FALLINN FRÁ Adam Yauch lést eftir baráttu við krabba-
mein.
Grímuklæddi tónlistarmaðurinn Gabríel hefur sent frá sér sitt annað lag,
Sólskin. Í þetta sinn fékk Gabríel til liðs við sig Unnstein Manuel Stefáns-
son, söngvara Retro Stefson. Rapparinn Opee syngur einnig í laginu en
hann kom einnig við sögu í fyrsta lagi Gabríels, Stjörnuhröp, ásamt Valdi-
mari Guðmundssyni.
Hljómjöfnun í Sólskini var í höndum Chris Athens sem hefur unnið fyrir
Usher, Coldplay, Beastie Boys, AC/DC og fleiri. Gabríel er þegar farinn að
huga að sínu þriðja lagi, auk þess sem hann spilar á Airwaves-hátíðinni.
Gabríel gefur út Sólskin
GABRÍEL OG
FÉLAGAR
Annað lag
Gabríels,
Sólskin, er
komið út.
Tim Burton vill taka sér hlé frá
kvikmyndagerð í dálítinn tíma
áður en hann hefur störf á nýjan
leik. Leikstjórinn verður önnum
kafinn út þetta ár. Frumsýndar
verða myndir hans Dark Shadows
og Frankenweenie, auk myndar-
innar Abraham Lincoln: Vampire
Hunter sem hann framleiddi.
„Ég held að ég
þurfi á hvíld að
halda. Það er
frekar vandræða-
legt að vera með
þrjár myndir á
einu ári. Ég er strax
orðinn leiður á
mér,“ sagði
Burton við
Collider.
com. Hann
útilokar
heldur ekki
að leik-
stýra fram-
haldinu af
Beetlejuice
fái hann gott
handrit upp í
hendurnar.
Þarf á hvíld
að halda
TIM BURTON
Leikstjórinn hefur
í nógu að snúast á
þessu ári.
Kammerpoppsveitin Útidúr er á
leiðinni í tónleikaferð til Kanada.
Þar spilar hún ásamt þarlendu
hljómsveitinni Brasstronaut.
Tónleikaferðin hefst 29. maí í
Bresku-Kólumbíu og lýkur 22.
júní í Montreal. Alls verða tón-
leikarnir tuttugu talsins hjá
þessari tólf manna hljómsveit.
Fyrsta plata Útidúrs, This
Mess We´ve Made, kom út fyrir
tveimur árum. Hljómsveitin fór
síðasta sumar í sína fyrstu tón-
leikaferð erlendis þegar hún sótti
Þýskaland heim.
Útidúr til
Kanada
TIL KANADA Hljómsveitin Útidúr er á
leiðinni til Kanada. FRÉTTABLAÐIÐ/ARNÞÓR